8 ສິ່ງທີ່ທ່ານຄວນເຮັດເພື່ອສ້າງຄວາມສຸກໄດ້ທຸກໆມື້

- advert banner 728 90 728x90 - 8 ສິ່ງທີ່ທ່ານຄວນເຮັດເພື່ອສ້າງຄວາມສຸກໄດ້ທຸກໆມື້
  1. ມ້ຽນບ່ອນນອນໃຫ້ຮຽບຮ້ອຍ : ຫລາຍຄົນມັກຈະຕື່ນຂຶ້ນມາແລ້ວກໍລຸກໄປອາບແຕ່ງໂຕ ຟ້າວອອກຈາກເຮືອນໄປທັນທີ ໂດຍທີ່ບໍ່ໄດ້ມ້ຽນບ່ອນນອນໃຫ້ຮຽບຮ້ອຍກ່ອນ. ຕໍ່ໄປໃຫ້ລອງລຸກຂຶ້ນມາພັບຜ້າຫົ່ມ, ຈັດໝອນ, ຈັດວາງຕຸກກະຕາໃຫ້ຮຽບຮ້ອຍກ່ອນຈະໄປອາບນຳ້ ເພາະການເຮັດແບບນີ້ເປັນປະຈຳທຸກມື້ຈະເຮັດໃຫ້ເຮົາຕື່ນໂຕ, ມີສະມາທິ ພ້ອມເລີ່ມມື້ໃໝ່ໄດ້ຢ່າງມີສະຕິ ທັງເວລາກັບເຮືອນມາກໍເຫັນບ່ອນນອນທີ່ຈົບງາມເປັນລະບຽບກຽມພ້ອມໃຫ້ເຮົາພັກຜ່ອນໄດ້ຢ່າງສະບາຍ.
  2. ທາຄຣີມບຳລຸງຜິວ : ການທາຄຣີມບຳລຸງນັ້ນ ບໍ່ສະເພາະແຕ່ແມ່ຍິງເທົ່ານັ້ນທີ່ຄວນທາ ແຕ່ຜູ້ຊາຍກໍຄວນທາຄືກັນ ເຊິ່ງຄວນທາຕອນອາບນຳ້ແລ້ວໃໝ່ໆເພື່ອຕື່ມຄວາມຊຸ່ມຊື່ນໃຫ້ແກ່ຜິວ.
  3. ຮູ້ຈັກຍ້ອງຜູ້ອື່ນ : ໃຜໆກໍຢາກໄດ້ຍິນຄຳເວົ້າດີໆ ຄຳເວົ້າຍ້ອງຍໍຄືກັນໝົດ ລອງຝຶກແອບຍ້ອງຍໍຄົນອື່ນແດ່ ທັງຄົນທີ່ສະໜິດ ແລະ ບໍ່ສະໜິດ ເມື່ອຄົນຟັງໄດ້ຍິນກໍຈະຮູ້ສຶກດີ ແລະ ເຮົາກໍຈະຮູ້ສຶກສຸກໃຈທີ່ເຫັນເຂົາມີຄວາມສຸກ.
  4. ໄປກິນເຂົ້ານອກເຮືອນ : ລອງປ່ຽນບັນຍາກາດໄປກິນອາຫານນອກເຮືອນແດ່ ຢ່າເມົາແຕ່ເຮັດວຽກຢູ່ໜ້າຈໍຄອມພິວເຕີຈົນ ກາຍເວລາກິນເຂົ້າ ທັງເສຍສຸຂະພາບກາຍ ແລະ ສຸຂະພາບໃຈ, ໃຫ້ອາຫານແຕ່ລະຄາບເປັນໄລຍະເວລາແຫ່ງການຜ່ອນຄາຍຄວາມເຄັ່ງຄຽດ ແລະ ຄວາມອິດເມື່ອຍຈາກບັນຫາຕ່າງໆ ເມື່ອອີ່ມທ້ອງແລ້ວ ຮ່າງກາຍກໍພ້ອມຈະສູ້ຕໍ່ໄປ.
  5. ດື່ມນຳ້ໃຫ້ພຽງພໍ : ຫລາຍຄົນບໍ່ມັກດື່ມນຳ້ ໂດຍທີ່ຮູ້ຢູ່ແລ້ວວ່ານຳ້ສຳຄັນຕໍ່ຮ່າງກາຍປານໃດ ການຂາດນຳ້ເປັນສາເຫດໜຶ່ງທີ່ເຮັດໃຫ້ເຮົາອາລົມບໍ່ດີ ລວມໄປເຖິງລະດັບພະລັງງານຕໍ່າລົງ, ຄວາມຄິດບໍ່ແລ່ນ, ຮູ້ສຶກບໍ່ສົດຊື່ນແຈ່ມໃສ. ດັ່ງນັ້ນແຕ່ລະມື້ຄວນດື່ມນຳ້ເລື້ອຍໆເມື່ອຮູ້ສຶກວ່າຄໍແຫ້ງກໍໃຫ້ດື່ມໄດ້ເລີຍ.
  6. ບໍ່ນອນໃນຊຸດອອກກຳລັງກາຍ : ເຊື່ອວ່າຫລາຍຄົນອາດມີນິໄສຄ້ານອາບນຳ້ປ່ຽນເຄື່ອງຫລັງຈາກອອກກຳລັງກາຍ ສິ່ງນີ້ບໍ່ຄວນເຮັດ ເພາະຈະເປັນການສະສົມເຊື້ອພະຍາດໄວ້ໃນຮ່າງກາຍ ເຊື່ອຫລືບໍ່ວ່າການອາບນຳ້ຫລັງຈາກອອກກຳລັງກາຍຈະເຮັດໃຫ້ເຮົາຮູ້ສຶກສົດຊື່ນເຊົາເມື່ອຍ ແລະ ຮູ້ສຶກສະບາຍໂຕຂຶ້ນ.
  7. ໃຊ້ໂທລະສັບມືຖືໃຫ້ໜ້ອຍລົງ : ຫລາຍຄົນຕິດໂທລະສັບຈົນເຖິງຂັ້ນຂາດມືບໍ່ໄດ້ເລີຍ ຕ້ອງຈັບຂຶ້ນມາເບິ່ງຕະຫລອດເວລາ ທັງຕິດຕໍ່ວຽກ, ລົມກັບໝູ່ ຫລື ອັບເດດສັງຄົມອອນລາຍຕ່າງໆ,​ ແຕ່ຄວາມຈິງແລ້ວລອງໃຊ້ເວລາກັບຄອບຄົວຈັກໄລຍະໂດຍທີ່ປາສະຈາກໂທລະສັບເບິ່ງ ເຊັ່ນ : ເວລາກິນເຂົ້າແລງ, ສັງສັນ, ລົມກັນກັບຄົນໃນຄອບຄົວ ແລ້ວຮັບຮອງວ່າທ່ານຈະມີຄວາມສຸກຫລາຍກ່ວາການລົມກັບໂທລະສັບ.
  8. ຫາຄວາມສຸກໃສ່ໂຕ : ບໍ່ຈຳເປັນຕ້ອງເສຍເງິນແພງໆເພື່ອໄປທ່ຽວໄກໆ ຫລື ຊື້ສິ່ງຂອງແພງຫລາຍມາໃຊ້ ລອງໃຊ້ເວລາວ່າງເຮັດກິດຈະກຳຜ່ອນຄາຍ, ກິດຈະກຳທີ່ເຮົາມັກກັບຄອບຄົວ ຫລື ໝູ່ ເຊິ່ງການໃຊ້ເວລາເຮັດສິ່ງທີ່ເຮົາມັກກັບຄົນທີ່ເຮົາຮັກຈະເຮັດໃຫ້ຮູ້ສຶກມີຄວາມສຸກຫລາຍກ່ວາການໄຝ່ຫາຫຍັງທີ່ຢູ່ໄກໂຕ.
- 1 1 - 8 ສິ່ງທີ່ທ່ານຄວນເຮັດເພື່ອສ້າງຄວາມສຸກໄດ້ທຸກໆມື້
- lattana 1 - 8 ສິ່ງທີ່ທ່ານຄວນເຮັດເພື່ອສ້າງຄວາມສຸກໄດ້ທຸກໆມື້
error: Content is protected !!