ຄົນເຮັດວຽກກ່ຽວກັບໄອທີຕ້ອງອ່ານ

- advert banner 728 90 728x90 - ຄົນເຮັດວຽກກ່ຽວກັບໄອທີຕ້ອງອ່ານ

ນອກຈາກຄອມພິວເຕີຈະມີປະໂຫຍດແລ້ວ ໃນທາງກົງກັນຂ້າມແລ້ວກໍມີໂທດຕໍ່ສຸຂະພາບທີ່ຮ້າຍແຮງໄດ້ຄືກັນ. ການໃຊ້ຄອມ ພິວເຕີຈະເຮັດໃຫ້ລະບົບປະສາດເສື່ອມ ແລະ ເກີດຄວາມເຄັ່ງຄຽດ, ພາບ ແລະ ໂຕອັກສອນທີ່ເຄື່ອນໄຫວຢູ່ໜ້າຈໍນັ້ນມີໂທດຕໍ່ສາຍຕາ ແລະ ການໃຊ້ຄອມພິວເຕີ ອາດເຮັດໃຫ້ປວດແອວ ແລະ ບ່າໄຫລ່ໄດ້ນຳອີກ.

- new3 - ຄົນເຮັດວຽກກ່ຽວກັບໄອທີຕ້ອງອ່ານ

ເຖິງວ່າຄອມພິວເຕີຈະມີໂທດ ແນວໃດເຮົາກໍຕ້ອງໃຊ້ມັນຕໍ່ໄປ ເມື່ອເປັນແນວນີ້ ຜູ້ຊ່ຽວຊານດ້ານໂພຊະນາການ ຈຶ່ງສະເໜີວ່າ : ຜູ້ທີ່ໃຊ້ຄອມພິວເຕີເປັນປະຈຳ ຄວນເອົາໃຈໃສ່ຕໍ່ການກິນອາຫານທີ່ບຳລຸງສຸຂະພາບໃຫ້ແຂງແຮງ ແລະ ປ້ອງກັນພະຍາດຕ່າງໆໄດ້ ເຊັ່ນ :

– ເຂົ້າສວາຍ ຄວນເລືອກອາຫານທີ່ອຸດົມໄປດ້ວຍໂປຣຕິນ ເປັນຕົ້ນແມ່ນຊີ້ນ, ນົມ, ໄຂ່, ປາ ແລະ  ຖົ່ວຊະນິດຕ່າງໆ.

– ເຂົ້າແລງ ຄວນເປັນອາຫານເບົາ ແລະ ລົດຊາດຈືດ ເຊິ່ງກິນຜັກຫລາຍໆຈະເໝາະສົມທີ່ສຸດ.

- lattana 1 - ຄົນເຮັດວຽກກ່ຽວກັບໄອທີຕ້ອງອ່ານ

– ນອກຈາກນີ້, ຍັງຄວນກິນອາຫານບຳລຸງສະໝອງ ແລະ ປະສາດຕາ ໄດ້ແກ່ : ປາ, ກຸ້ງ, ໄຂ່, ເຂົ້າບໍ່ຜ່ານການຜັດສີ, ເຂົ້າເໝົ້າ,​ ເຂົ້າກໍ່າ, ແປ້ງສາລີ, ໝາກສາລີ, ໝາກຖົ່ວດິນ. ສ່ວນອາຫານທີ່ບຳລຸງປະສາດຕາ ໄດ້ແກ່ : ຜັກບົ້ງ, ໝາກອຶ, ຕັບ, ໄຂ່ໄກ່, ນົມ, ຜັກ, ໝາກເລັ່ນ, ຜັກກາດ.

ນອກຈາກການກິນອາຫານບຳລຸງຮ່າງກາຍແລ້ວ ສິ່ງທີ່ເຮົາຄວນເຮັດອີກຢ່າງໜຶ່ງກໍຄື ຫລີກເວັ້ນການໃຊ້ຄອມພິວເຕີດົນໆ ແລະ ຄວນດື່ມນຳ້ຫລາຍໆ ເມື່ອເປັນຄົນເຮັດວຽກກ່ຽວກັບໄອທີເຕັມຮູບແບບແລ້ວ ກໍຄວນເບິ່ງແຍງດູແລຕົນເອງໄປນຳ.

error: Content is protected !!