ຫລັກການຊ່ວຍຟື້ນຟູກ້າມຊີ້ນ

- 012209 2017 - ຫລັກການຊ່ວຍຟື້ນຟູກ້າມຊີ້ນ
- AGL banner - ຫລັກການຊ່ວຍຟື້ນຟູກ້າມຊີ້ນ

ຮ່າງກາຍຂອງຄົນເຮົາມີການສູນເສຍມວນກ້າມຊີ້ນ ແລະ ໂປຣຕິນໄດ້ຕະຫລອດເວລາ ໂດຍສະເພາະຫລັງອອກກຳລັງກາຍ ຮ່າງກາຍ ແລະ ກ້າມຊີ້ນຈະອ່ອນເພຍ ເຂົ້າສູ່ສະພາບທີ່ເອີ້ນກັນວ່າ : Catabolic  ແມ່ນການປ່ຽນແປງໃນຮ່າງກາຍ ທຳລາຍໂປຣຕິນ, ທຳລາຍກ້າມຊີ້ນ. ເພື່ອປ້ອງກັນການສູນເສຍມວນກ້າມຊີ້ນ ຮ່າງກາຍຄວນໄດ້ຮັບການພັກຜ່ອນ ແລະ ຮັບສານອາຫານທີ່ເໝາະສົມເພື່ອເພີ່ມຄວາມສາມາດໃນການຟື້ນໂຕສຳລັບການອອກກຳລັງກາຍໃນຄັ້ງຕໍ່ໄປ.

     – ວິທີການຟື້ນຟູຮ່າງກາຍ :

  1. ການນວດ : ເປັນທີ່ຮູ້ຈັກກັນດີວ່າເວລາປວດເມື່ອຍກ້າມຊີ້ນ ກໍມັກຈະໄປນວດເພື່ອຜ່ອນຄາຍ ຄືກັບການຫລິ້ນກິລາ ຮ່າງ ກາຍມີການອິດເມື່ອຍ, ປວດ, ເຄັ່ງ ການນວດຈະຊ່ວຍຫລຸດຜ່ອນອາການຫົດເກັງຂອງກ້າມຊີ້ນ, ຫລຸດອາການບາດເຈັບ ແລະ ຊ່ວຍເພີ່ມໄລຍະຂອງການເຄື່ອນໄຫວ.
  2. ການລອຍນຳ້ : ສາເຫດຂອງການບາດເຈັບກ້າມຊີ້ນເກີດຈາກການກະທົບກະແທກຂອງຮ່າງກາຍກັບຂອງແຂງພາຍນອກ ເປັນຫລັກການລອຍນຳ້ ຈຶ່ງເປັນທາງເລືອກທີ່ດີ ຊ່ວຍລະບົບໄຫລວຽນເລືອດດີຂຶ້ນ, ຫລຸດຄວາມເຄັ່ງຄຽດ, ຊ່ວຍຜ່ອນຄາຍກ້າມຊີ້ນ ການນວດເຮັດໃຫ້ອາການປວດເມື່ອຍກ້າມຊີ້ນຫລຸດລົງ.
  3. ການຍືດກ້າມຊີ້ນ : ການຍືດກ້າມຊີ້ນກ່ອນການຝຶກແອບ ແລະ ການຄາຍກ້າມຊີ້ນຫລັງ ການຝຶກແອບສາມາດປ້ອງກັນ ອັນຕະລາຍທີ່ຈະເກີດຂຶ້ນກັບຂໍ້ຕໍ່, ຫລຸດການບາດເຈັບຂອງກ້າມຊີ້ນຫລຸດການບາດເຈັບທີ່ອາດເກີດກັບກະດູກສັນຫລັງ ຊ່ວຍໃຫ້ຫລິ້ນກິລາໄດ້ຢ່າງມີປະສິດທິພາບ.
  4. ຜ່ອນຄາຍລະຫ່ວາງຝຶກ : ລະຫ່ວາງການຝຶກແອບນັ້ນ ການຜ່ອນຄາຍກ້າມຊີ້ນຈະຊ່ວຍໃຫ້ກ້າມຊີ້ນສາມາດຟື້ນສະພາບຈາກອາການອິດເມື່ອຍອ່ອນເພຍໄດ້ໄວຂຶ້ນ, ຊ່ວຍຫລຸດສະພາບການບາດເຈັບຂອງກ້າມຊີ້ນ, ເອັນ, ຂໍ້ຕໍ່ໃນລະຫ່ວາງການຝຶກແອບ ເຊິ່ງຈະ ເປັນຜົນດີຕໍ່ການຝຶກແອບກິລາໃນຄັ້ງຕໍ່ໄປ.
  5. ການພັກຜ່ອນ : ກ້າມຊີ້ນຈະສົດຊື່ນໄດ້ຈາກການພັກຟື້ນ ຫລື ການນອນພັກຜ່ອນທີ່ພຽງພໍ 7 -​ 8 ຊົ່ວໂມງ ຈະຊ່ວຍໃຫ້ກ້າມຊີ້ນຂອງທ່ານກັບຄືນໄດ້ຢ່າງໄວວາ, ຊ່ວຍຫລຸດຄວາມເຄັ່ງຄຽດ, ຄາຍຄວາມອິດເມື່ອຍອ່ອນເພຍໄດ້ເປັນຢ່າງດີ ແລະ ເຮັດໃຫ້ຮູບຮ່າງຂອງທ່ານງາມສົມສ່ວນຂຶ້ນ.
  6. ອາຫານສ້າງເນື້ອເຍື່ອ : ຫລັງຈາກທີ່ຮ່າງກາຍສູນເສຍເນື້ອເຍື່ອ ການກິນອາຫານທີ່ມີຄວາມເໝາະສົມກໍເປັນອີກໜຶ່ງປັດໄຈສຳຄັນທີ່ຕ້ອງເອົາໃຈໃສ່ເພື່ອຊ່ວຍສ້າງເນື້ອເຍື່ອໄດ້ໄວຂຶ້ນ ເຊິ່ງປະກອບມີ :

     – ໂປຣຕິນ ຫລື ທີ່ຮູ້ຈັກກັນດີວ່າມີຢູ່ໃນອາຫານປະເພດຊີ້ນສັດ, ນົມ ແລະ ຜະລິດຕະພັນຈາກນົມ, ໄຂ່ ລວມເຖິງຖົ່ວເຫລືອງ, ຖົ່ວແກ່ນແຫ້ງ ເປັນຕົ້ນ. ໂປຣຕິນຈະຊ່ວຍໃນການສ້າງເນື້ອເຍື່ອ ເຮັດໃຫ້ແຊນແຕ່ລະແຊນປະສານຍຶດຈັບເປັນເນື້ອດຽວກັນ.

- Wave100S AD to Website 2020 0 - ຫລັກການຊ່ວຍຟື້ນຟູກ້າມຊີ້ນ

     – ວິຕາມິນເຊ ມີໃນໝາກໄມ້ທຸກຊະນິດ ພົບຫລາຍໃນໝາກສີດາ, ໝາກຫຸ່ງ, ໝາກກ້ຽງ ແລະ ໝາກໄມ້ລົດຊາດສົ້ມຕ່າງໆ. ສຳ ລັບຜັກທີ່ມີວິຕາມິນເຊຫລາຍໄດ້ແກ່ : ຜັກກາດດອກ, ຜັກກະລໍ່າ, ໝາກເຜັດຫວານສີແດງ ຊ່ວຍເຮັດໜ້າທີ່ສ້າງຜິວໜັງຂອງແຊນ ເຮັດໃຫ້ເສັ້ນເລືອດຝອຍມີຄວາມແຂງແຮງ ແລະ ບໍ່ເຮັດໃຫ້ເກີດການອັກເສບ.

     – ທາດສັງກະສີ  ຊ່ວຍໃຫ້ແຊນສາມາດຈັບກັບວິຕາມິນໄດ້ຫລາຍຂຶ້ນ, ກະຕຸ້ນໃຫ້ບາດແຜເຊົາໄວຂຶ້ນ, ທາດສັງກະສີພົບຫລາຍ ໃນຊີ້ນສັດ, ນົມ, ໄຂ່, ຕັບ, ຊີສ ແລະ ຖົ່ວເຫລືອງ ເປັນຕົ້ນ.

- lattana banner - ຫລັກການຊ່ວຍຟື້ນຟູກ້າມຊີ້ນ
- lattana banner 1 - ຫລັກການຊ່ວຍຟື້ນຟູກ້າມຊີ້ນ
-    AD conten website - ຫລັກການຊ່ວຍຟື້ນຟູກ້າມຊີ້ນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!