ສາທາລະນະສຸກຫວຽດນາມ ຈະສະໜັບສະໜູນແບ່ງປັນປະສົບການ ເຕັກນິກຍົກສູງຄຸນນະພາບການກວດ ແລະ ປິ່ນປົວພະຍາດໃຫ້ກັບຝ່າຍລາວ
ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ແລະ ຄະນະຜູ້ແທນກະຊວງສາທາລະນະສຸກ ສປປ ລາວ ໄດ້ເດີນທາງໄປຢ້ຽມຢາມຂະແໜງສາທາລະນະສຸກ ຫວຽດນາມ ໃນວັນທີ 21 ກໍລະກົດ 2023 ຜ່ານມາ, ເພື່ອຮັດແໜ້ນການພົວພັນຮ່ວມມືດ້ານສາທາລະນະສຸກລາວ-ຫວຽດນາມ, ໂດຍການຕ້ອນຮັບຂອງທ່ານນາງ ທ່ານ ນາງ ດ່າວ ຮົ່ງ ລານ ລັດຖະມົນຕີກະຊວງສາທາລະນະສຸກ ສສ ຫວຽດນາມ. ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານລັດຖະມົນຕີ ໄດ້ຂອບໃຈລັດຖະບານ ແລະ ຂະແໜງສາທາລະນະສຸກ ສສ ຫວຽດນາມ ທີ່ຍາມໃດກໍ່ເອົາໃຈໃສ່ ແລະ ໜູນຊ່ວຍຂະແໜງສາທາລະນະສຸກ ລາວ, ໜູນຊ່ວຍແຫຼ່ງຊັບພະຍາກອນມະນຸດ, ອຸປະກອນການແພດ, ກວດກາປິ່ນປົວພະຍາດໃຫ້ແກ່ປະຊາຊົນລາວຢູ່ບັນດາແຂວງລຽບຕາມຊາຍແດນສອງປະເທດ, ບັນດາຫົວໜ່ວຍ, ສະຖາບັນການແພດຫວຽດນາມ ໄດ້ລົງນາມໃນຫຼາຍສັນຍາກັບບັນດາຝ່າຍລາວ ແລະ ສາມາດຈັດຊຸດຝຶກອົບຮົມ, ແບ່ງປັນປະສົບການ, ຍົກສູງຄວາມສາມາດ, ຖ່າຍທອດເຕັກໂນໂລຊີໃຫ້ແກ່ພະນັກງານການແພດຂອງໂຮງໝໍລາວ, ໜູນຊ່ວຍການປະຕິບັດເຕັກນິກການຝຶກອົບຮົມຢູ່ໂຮງໝໍແຂວງ, ຖ່າຍທອດເຕັກນິກວິຊາສະເພາະສູງຈຳນວນໜຶ່ງໂດຍບໍ່ເສຍຄ່າ.
ທັງ 2 ຝ່າຍຈະສືບຕໍ່ຊຸກຍູ້ບັນດາໝາກຜົນທີ່ບັນລຸໄດ້ໃນໄລຍະຜ່ານມາ, ສົມທົບກັນຢ່າງແໜ້ນແຟ້ນໃນການປະຕິບັດບັນດາເນື້ອໃນຂອງ MOU ທີ່ສອງກະຊວງໄດ້ລົງນາມໃນເດືອນມັງກອນ 2023”.
ທ່ານລັດຖະມົນຕີກະຊວງສາທາລະນະສຸກ ສສ ຫວຽດນາມ ໄດ້ເປັນເອກະພາບສະໜັບສະໜູນຂໍ້ສະເໜີຂອງກະຊວງສາທາລະນະສຸກ ລາວ ພ້ອມແລ້ວທີ່ຈະແບ່ງປັນປະສົບການ ແລະ ເຕັກນິກໃນການຍົກສູງຄຸນນະພາບການກວດ ແລະ ປິ່ນປົວພະຍາດກັບຝ່າຍ ລາວສາທາລະນະສຸກໄດ້ມອບໝາຍໃຫ້ບັນດາໜ່ວຍງານທີ່ຈຸດປະສານງານແມ່ນກົມຮ່ວມມືສາກົນເຊື່ອມຕໍ່ ແລະ ປະສານງານໂດຍສະເພາະ.
