ເກີດໄຟໄໝ້ເຮືອນປະຊາຊົນຫລາຍຫລັງຢູ່ບ້ານທົ່ງຂັນຄຳ
March 31, 2017 - 1:08 PM
ເຈົ້າໜ້າທີ່ຕ້ານ ແລະ ສະກັດກັ້ນອັກຄີໄພນະຄອນຫລວງວຽງຈັນ ລາຍງານໃຫ້ຮູ້ວ່າ: ເວລາປະມານ 11:00 ໂມງຂອງວັນທີ 31 ມີນານີ້, ໄດ້ເກີດເຫດໄຟໄໝ້ເຮືອນປະຊາຊົນຢູ່ບ້ານທົ່ງຂັນຄຳ, ເມືອງຈັນທະບູລີ ໃນເຂດທີ່ເປັນຊຸມຊົນແອອັດເສຍຫາຍທັງໝົດ 6 ຫລັງ ແລະ ມີ 5 ຫລັງຖືກໄຟລວກເສຍຫາຍ ແລະ ໂຊກດີທີ່ເກີດການເພິງໃໝ້ຄັ້ງນີ້ບໍ່ມີຜູ້ບາດເຈັບ ແລະ ເສຍຊີວິດ, ໂດຍໄດ້ລະດົມກໍາລັງເຈົ້າໜ້າທີ່ ແລະ ລົດນໍ້າຈໍານວນຫລາຍຄັນເຂົ້າຊ່ວຍດັບມອດໄຟ, ໂດຍໃຊ້ເວລາເກືອບໜຶ່ງຊົ່ວໂມງຈຶ່ງສາມາດຄວບຄຸມເພິງໄວ້ໄດ້, ສ່ວນສາເຫດ ແລະ ມູນຄ່າເສຍຫາຍຍັງຢູ່ໃນຂັ້ນຕອນສືບສວນ-ສອບສວນ.
