ແຂວງສາລະວັນ ຍ້ອງຍໍ ຈັນສະໝອນ ຮີໂຣຫຼຽນຄຳຊີເກມ 2017 ຢ່າງສົມກຽດ

- advert banner 728 90 728x90 - ແຂວງສາລະວັນ ຍ້ອງຍໍ ຈັນສະໝອນ ຮີໂຣຫຼຽນຄຳຊີເກມ 2017 ຢ່າງສົມກຽດ

- m 1 300x180 - ແຂວງສາລະວັນ ຍ້ອງຍໍ ຈັນສະໝອນ ຮີໂຣຫຼຽນຄຳຊີເກມ 2017 ຢ່າງສົມກຽດພີທີຍ້ອງຍໍຮີໂຣຫຼຽນຄຳ ຂອງທັບນັກກິລາທີມຊາດ ລາວ ຄັ້ງນີ້ ໄດ້ຈັດຂຶ້ນໃນຕອນ ເຊົ້າວັນທີ 15 ກັນຍາຜ່ານມາ ທີສະໂມສອນໂຮງຮຽນ ມສ ອົງແກ້ວ ແຂວງສາລະວັນ ໃຫ້ ກຽດເຂົ້າຮ່ວມຂອງ ທ່ານ ຄຳ ຈັນ ແຈ່ມສະໝອນ ຄະນະປະ ຈຳພັກແຂວງ ປະທານກວດ ກາແຂວງ, ທ່ານ ສີລິສັກ ຖະ ໜອມຮັກ ຮອງປະທານສະ ມາຄົມກິລາ-ກາຍະກຳແຂວງ, ທັງເປັນຫົວໜ້າພະແນກສຶກ ສາທິການ ແລະ ກິລາແຂວງ, ທ່ານ ເດດສຸວັນ ມະໄລທອງ ປະທານສະຫະພັນກິລາເປຕັງແຂວງ ທັງເປັນຫົວໜ້າບໍລິສັດ ໄຟຟ້າລາວ ສາຂາແຂວງສາ ລະວັນ, ມີບັນດາປະທານສະ ຫະພັນກິລາປະເທດຕ່າງໆ,ພະແນກການອ້ອມຂ້າງແຂວງ, ບໍລິສັດ-ລັດວິສາຫະກິດພາກ ລັດ ແລະ ເອກະຊົນ, ພໍ່-ແມ່ນຜູ້ ປົກຄອງ, ພະນັກ ງານ, ຄູ-ອາ ຈານ ແລະ ນັກຮຽນເຂົ້າຮ່ວມ.
ໂອກາດນີ້ທ່ານ ຄຳຈັນ ແຈ່ມສະໝອນ ໄດ້ກ່າວສະ ແດງຄວາມຍ້ອງຍໍຊົມເຊີຍຕໍ່ ຈັນສະໝອນ ວົງວະຫວັດ ນັກ ກິລາເປຕັງທີມຊາດລາວ ທີ່ ສ້າງຜົນງານດີເດັ່ນສາມາດ ຍາດຫຼຽນຄຳໃນກົວລາລຳເປີ ເກມ ຄັ້ງທີ 29 ຢ່າງສົມສັກສີ ເຊິ່ງເປັນຜົນງານທີ່ສ້າງຊື່ສຽງ ແລະ ກຽດຕິຍົດໃຫ້ແກ່ປະເທດ ຊາດ ກໍຄື ແຂວງສາລະວັນ ຢ່າງໜ້າພູມໃຈຫາອັນໃດປຽບບໍ່ໄດ້ ແລະ ຜົນງານຄັ້ງນີ້ໄດ້ ອ້າງອີງໃຫ້ເຫັນເຖິງການພັດທະນາວຽກງານກິລາພາຍໃນແຂວງເຕີບໃຫຍ່ຂະຫຍາຍຕົວຢ່າງກວ້າງຂວາງ ແລະ ເປັນ ແບບຢ່າງທີ່ດີໃຫ້ແກ່ນັກກິລາ ຮຸ່ນສືບທອດຫັນມາຫຼິ້ນກິລາ ເພື່ອຫ່າງໄກຈາກບັນຫາຫຍໍ້ທໍ້ຕ່າງໆ. ແນວໃດກໍຕາມ ຂໍໃຫ້ ສືບຕໍ່ຮັກສາມູເຊື້ອພ້ອມທັງ ຖ່າຍທອດຄວາມຮູ້ສາມາດ ຂອງຕົນ ເພື່ອສ້າງຄົນຮຸ່ນຫຼັງ ໃຫ້ກາຍເປັນນັກກິລາດີເດັ່ນໃຫ້ແກ່ປະເທດຊາດໃນອະນາຄົດ.
ສຳລັບ ນາງ ຈັນສະ ໝອນ ວົງສະຫວັດ ເລີ່ມຫຼິ້ນກິ ລາຕັ້ງແຕ່ອາຍຸ 11 ປີ ມາຮອດ ປີ 2004 ໄດ້ຖືກຄັດເລືອກເປັນ ທີມປະສົແຂວງສາລະວັນຊຸດ ໃຫຍ່ ແລະ ໄດ້ເຂົ້າຮ່ວມງານ ແຂ່ງຂັນກິລາເປຕັງລະດັບ ຊາດມາຫຼາຍການ ແລະ ກໍສາ ມາດຍາດໄດ້ຫຼຽນຄຳ, ຫຼຽນ ເງິນ ແລະ ຫຼຽນທອງ ໂດຍສະ ເພາະໃນປີ 2005 ໄດ້ຖືກຄັດ ເລືອກເປັນນັກກິລາເປຕັງທີມ ຊາດລາວ ເປັນຄັ້ງທຳອິດເຂົ້າ ຮ່ວມແຂ່ງຂັນລະດັບອະນຸພາກພຶ້ນ ແລະ ສາກົນສາມາດສ້າງ ກຽດຊື່ສຽງມາໃຫ້ຊາດລາວ ໃນເວທີສາກົນ ພ້ອມທັງໄດ້ຮັບ ການຍ້ອງຍໍຈາກພັກ-ລັດຖະ ບານຢ່າງຫຼວງຫຼາຍ ເຊິ່ງລວມ ຫຼຽນທີ່ໄດ້ຮັບທັງໝົດ 47 ຫຼຽນ. ໃນນັ້ນ ຫຼຽນຄຳ 20 ຫຼຽນ, ຫຼຽນເງິນ 9 ຫຼຽນ ແລະ ຫຼຽນທອງ 18 ຫຼຽນ.
ຈາກນັ້ນ ທ່ານ ຄຳຈັນ ກໍ ຍັງໄດ້ມອບເງິນອັດສິດ ຈຳ ນວນ 1.150.000 ກີບ, ທ່ານ ສີລິສັກ ຖະໜອມຮັກ ຈຳວນ 1.000.000. ກີບ, ທ່ານ ເດດ ສຸວັນ ມະໄລທອງ ຈຳນວນ 2.000.000. ກີບ ພ້ອມດ້ວຍ ພະແນກການອ້ອມຂ້າງ ແຂວງ ແລະ ໂຮງຮຽນ 2 ແຫ່ງລວມມູນຄ່າອັດສິດທັງ ໝົດ 8.750.000. ກີບ

- new3 - ແຂວງສາລະວັນ ຍ້ອງຍໍ ຈັນສະໝອນ ຮີໂຣຫຼຽນຄຳຊີເກມ 2017 ຢ່າງສົມກຽດ
- lattana 1 - ແຂວງສາລະວັນ ຍ້ອງຍໍ ຈັນສະໝອນ ຮີໂຣຫຼຽນຄຳຊີເກມ 2017 ຢ່າງສົມກຽດ
error: Content is protected !!