ຈີນປັບເພີ່ມຄວາມໄວລົດໄຟ ຄວາມໄວສູງແລ້ວ ຫຼັງເກີດອຸປະຕິເຫດເມື່ອ 6 ປີກ່ອນ

- advert banner 728 90 728x90 - ຈີນປັບເພີ່ມຄວາມໄວລົດໄຟ ຄວາມໄວສູງແລ້ວ ຫຼັງເກີດອຸປະຕິເຫດເມື່ອ 6 ປີກ່ອນ

ທາງ​ການ​ຈີນ​ປັບ​ເພີ່ມ​ຄວາມ​ໄວ​ຂອງ​ລົດ​ໄຟ​ຄວາມ​ໄວ​ສູງ​​ເສັ້ນປັກ​ກິ່ງ-ຊຽງ​ໄຮ້​ເປັນ 350 ກິ​ໂລ​ແມັດ​ຕໍ່​ຊົ່ວ​ໂມງ, ຫຼັງ​​ເກີດ​ອຸປະຕິ​ເຫດ​ເມື່ອ 6 ປີ​ກ່ອນ ​ເຮັດ​ໃຫ້​ທາງ​ການ​ຕ້ອງ​ສັ່ງຫຼຸດ​ຄວາມ​ໄວ.

ອຸປະຕິ​ເຫດ​ລົດ​ໄຟ​ຄວາມ​ໄວ​ສູງ 2 ຂະ​ບວນຕຳ​ກັນ​ໃກ້​ກັບ​ເມືອງ​ເວິນ​ໂຈ ​ໃນ​ເດືອນ​ກໍລະກົດ 2011 ສົ່ງ​ຜົນ​ໃຫ້​ມີ​ຜູ້​ໂດຍສານ​ເສຍ​ຊີວິດ 40 ຄົນ ​ແລະ ທາງ​ການ​ຕ້ອງ​ສັ່ງ​ຫຼຸດ​ຄວາມ​ໄວ​ສູງ​ສຸດ​ຂອງ​ລົດ​ໄຟ​ເຫຼືອ 300 ກິ​ໂລ​ແມັດ​ຕໍ່​ຊົ່ວ​ໂມງ. ການ​ປັບ​ເພີ່ມ​ຄວາມ​ໄວ​ລົດ​ໄຟ​ຂຶ້ນ​ໃນ​ວັນ​ທີ 21 ກັນຍາ​ນີ້ ຈະ​ຊ່ວຍ​ຫຼຸດ​ໄລຍະ​ເວລາ​ສຳລັບ​ການ​ເດີນທາງ​ລະຫວ່າງ​ນະຄອນຫຼວງ​ປັກ​ກິ່ງ ​ແລະ ນະຄອນ​ຊຽງ​ໄຮ້​ທີ່​ມີ​ໄລຍະ​ທາງ​ຫ່າງ​ກັນ 1.318 ກິ​ໂລ​ແມັດ ​ໄວ​ຂຶ້ນ​ເກືອບ​ຊົ່ວ​ໂມງ ​ໂດຍ​ຈະ​ໃຊ້​ເວລາ​ພຽງ 4 ຊົ່ວ​ໂມງ 28 ນາທີ.

- Tiger Head 728x90 - ຈີນປັບເພີ່ມຄວາມໄວລົດໄຟ ຄວາມໄວສູງແລ້ວ ຫຼັງເກີດອຸປະຕິເຫດເມື່ອ 6 ປີກ່ອນ
- 1 1 - ຈີນປັບເພີ່ມຄວາມໄວລົດໄຟ ຄວາມໄວສູງແລ້ວ ຫຼັງເກີດອຸປະຕິເຫດເມື່ອ 6 ປີກ່ອນ

ສຳນັກ​ຂ່າວ​ຊິນ​ຮົວຂອງ​ທາງ​ການ​ຈີນ​ລາຍ​ງານ​ວ່າ: ລົດ​ໄຟ​ເສັ້ນປັກ​ກິ່ງ-ຊຽງ​ໄຮ້​ທັງ 14 ຂະ​ບວນຈະ​ແລ່ນ​ໃນ​ລະດັບ​ຄວາມ​ໄວ​ທີ່​ເພີ່ມ​ຂຶ້ນນັບ​ແຕ່​ວັນ​ທີ 21 ກັນຍາ​ເປັນຕົ້ນ​ໄປ. ຂະນະ​ທີ່​ເຈົ້າໜ້າ​ທີ່​ບໍລິສັດ​ລົດ​ໄຟ​ຈີນ​ກ່າວ​ວ່າ: ລົດ​ໄຟ​ເສັ້ນນີ້​ໄດ້​ຮັບ​ການ​ຕອບ​ຮັບ​ດີ ​ໂດຍ​ປີ້​ໂດຍສານ​ສຳລັບ​ການ​ເດີນທາງ​​ໃນ​ວັນ​ທີ 21 ກັນຍາ​ຂາຍ​ໝົດ​ແຕ່​ອາທິດ​ຜ່ານ​ມາ.

error: Content is protected !!