ລາວ-ລຸກຊໍາບວກແລກປ່ຽນບົດຮຽນຕ້ານການສໍ້ລາດບັງຫລວງ

- 3 2 - ລາວ-ລຸກຊໍາບວກແລກປ່ຽນບົດຮຽນຕ້ານການສໍ້ລາດບັງຫລວງ
- Untitled design - ລາວ-ລຸກຊໍາບວກແລກປ່ຽນບົດຮຽນຕ້ານການສໍ້ລາດບັງຫລວງ

ພະນັກງານລັດຖະກອນຈາກຄະນະກວດກາສູນກາງພັກ, ອົງການກວດກາລັດຖະບານ, ອົງການຕ້ານການສໍ້ລາດບັງຫລວງຂັ້ນສູນກາງຂອງລາວ ແລະ ຜູ້ຕາງໜ້າຈາກສະຖາບັນຊ່ວຍເຫລືອດ້ານກົດໝາຍປະເທດລຸກຊໍາບວກ, ໄດ້ຈັດກອງປະຊຸມແລກປ່ຽນບົດຮຽນກ່ຽວກັບການຕ້ານການສໍ້ລາດບັງຫລວງຂຶ້ນທີ່ແຂວງຫລວງພະບາງໃນວັນທີ 20 ກັນຍານີ້, ໂດຍການເປັນປະທານຂອງທ່ານ ວິໄລວັນ ບຸດດາຄຳ ຮອງປະທານຄະນະກວດກາສູນກາງພັກ-ອົງການກວດກາລັດຖະບານ ແລະ ອົງການຕ້ານການສໍ້ລາດບັງຫລວງຂັ້ນສູນກາງ, ທ່ານ ອີລິກ ຮັກກາວິສ ຫົວໜ້າຝ່າຍບໍລິຫານສະຖາບັນຊ່ວຍເຫລືອດ້ານກົດໝາຍ, ທັງເປັນຜູ້ຕາງໜ້າສະຖານທູດລຸກຊຳບວກປະຈຳລາວ, ພ້ອມດ້ວຍພະນັກງານກວດກາຈາກ 7 ແຂວງພາກເໜືອເຂົ້າຮ່ວມນໍາດ້ວຍ.

ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງບົດຮຽນກ່ຽວກັບການຕ້ານການສໍ້ລາດບັງຫລວງຂອງລາວ ແລະ ປະເທດລຸກຊຳບວກ, ພ້ອມທັງປຶກສາຫາລືລົງເລິກເນື້ອໃນກ່ຽວກັບການຜັນຂະຫຍາຍຍຸດທະສາດວ່າດ້ວຍການຕ້ານການສໍ້ລາດບັງຫລວງຮອດປີ 2020, ໂດຍສະເພາະແມ່ນການດໍາເນີນວຽກງານຕິດຕາມກວດກາໂຄງການລົງທຶນຂອງລັດແຕ່ຫົວທີ, ຄວາມຮູ້ພື້ນຖານຂອງວຽກງານຕ້ານການສໍ້ລາດບັງຫລວງ, ການສືບສວນ-ສອບສວນ, ສົນທິສັນຍາສາກົນຕ່າງໆ ແລະຄວາມພະຍາຍາມໃນການແກ້ໄຂບັນຫາການສໍ້ລາດບັງຫລວງໃນພາກພື້ນ ແລະ ສາກົນ ແລະ ໂຄງຮ່າງການຈັດຕັ້ງຂອງອົງການກວດກາລັດຖະບານ ແລະ ອົງການຕ້ານການສໍ້ລາດບັງຫລວງນັບແຕ່ຂັ້ນສູນກາງຮອດທ້ອງຖິ່ນ.
ທ່ານ ວິໄລວັນ ບຸດດາຄຳ ກ່າວວ່າ: ຊຸດອົບຮົມຄັ້ງນີ້, ເພື່ອແນໃສ່ຍົກສູງຄວາມຮູ້ຄວາມສາມາດດ້ານວຽກງານຕ້ານການສໍ້ລາດບັງຫລວງໃຫ້ພະນັກງານກວດກາສູງຂຶ້ນ, ເຫັນໄດ້ຜົນຮ້າຍ ແລະ ຄວາມອັນຕະລາຍຂອງມັນ, ອັນສໍາຄັນແມ່ນສ້າງຄວາມເຂັ້ມແຂງໃນການຕິດຕາມ, ກວດກາເພື່ອສະກັດກັ້ນສະພາບການສໍ້ລາດບັງຫລວງໃຫ້ມີປະສິດທິພາບ.

+ອອກມາແລ້ວ ມະຕິວ່າດ້ວຍການແກ້ໄຂພະຍາດອາຍາສິດ ແລະ ຕ້ານການສໍ້ລາດບັງຫລວງ

- Wave100S AD to Website 2020 0 - ລາວ-ລຸກຊໍາບວກແລກປ່ຽນບົດຮຽນຕ້ານການສໍ້ລາດບັງຫລວງ
- WhatsApp Image 2020 05 27 at 5 - ລາວ-ລຸກຊໍາບວກແລກປ່ຽນບົດຮຽນຕ້ານການສໍ້ລາດບັງຫລວງ
- WhatsApp Image 2020 05 27 at 5 - ລາວ-ລຸກຊໍາບວກແລກປ່ຽນບົດຮຽນຕ້ານການສໍ້ລາດບັງຫລວງ
error: Alert: ເນື້ອຫາຂ່າວມີລິຂະສິດ !!