ລາວ ແລະ ກາແດງສາກົນຮ່ວມປຶກສາຫາລື​ກ່ຽວ​ກັບກົດໝາຍ​ມະນຸດສະ​ທໍາ​ສາກົນ

- advert banner 728 90 728x90 - ລາວ ແລະ ກາແດງສາກົນຮ່ວມປຶກສາຫາລື​ກ່ຽວ​ກັບກົດໝາຍ​ມະນຸດສະ​ທໍາ​ສາກົນ

ກະຊວງ​ປ້ອງ​ກັນ​ປະ​ເທດ ແລະ ຄະນະ​ກໍາມະການ​ກາ​ແດງ​ສາກົນ (ICRC) ໄດ້ຮ່ວມກັນປືກສາ​ຫາລື​ກ່ຽວ​ກັບ​ກົດໝາຍ​ມະນຸດສະ​ທໍາ​ສາກົນ,​ ​ໂດຍແນໃສ່ການ​ເສີມ​ຂະຫຍາຍ​ຄວາມຮັບ​ຮູ້​​​ໃຫ້ນາ​ຍທະຫານ​ໄດ້​ຮຽນ​ຮູ້​ກ່ຽວ​ກັບ​ບັນດາ​ຫລັກການ ​ດ້ານ​ມະນຸດສະ​ທໍາ​ທີ່​ກ່ຽວຂ້ອງ, ຊຶ່ງແມ່ນສ່ວນ​ໜຶ່ງ​ຂອງ​ການ​ຮັບປະກັນ​ການ​ປະຕິບັດ​ງານ ​ແລະ ຍຸດ​ທະວິ​ທີ​ຂອງ​ຂະ​ບວນການ​ຕັດສິນ​ໃຈ​ໃນ​ເວລາ​ຂຶ້ນ​ແຜນການ ​ແລະ ມີ​ຄໍາ​ສັ່ງ​ໃນ​ການ​ດໍາ​ເນີນ​ງານ, ​ໂດຍ​ການປືກສາຫາລືກັນຄັ້ງ​ນີ້​ເປັນ​ຄັ້ງທີ V ນັບ​ແຕ່​ຄະນະ​ກໍາມະການ​ກາ​ແດງ​ສາກົນ​ໄດ້​ເປີດ​ຫ້ອງການຂອງຕົນປະ​ຈໍາ​ລາວ ​ໃນ​ປີ 2013. ພາລະກິດ​ຂອງ ICRC ນອກຈາກ​ກິດຈະ​ກໍາ​ອື່ນ​ໆທີ່​ກ່ຽວຂ້ອງ​ແລ້ວ, ​ຍັງ​ມີ​ການ​ສະໜັບສະໜູນ​ໃຫ້​ແກ່​ກອງ​ກໍາລັງ​ປະກອບ​ອາ​ວຸດໃນ​ການ​ຮວບ​ຮວມ ​ແລະ ສົ່ງ​ເສີມ​ຫລັກ​ການ​ພື້ນຖານ​ຂອງກົດໝາຍ​ມະນຸດສະ​ທໍາ​ສາກົນ ​ແລະ ລະບຽບ​ການ​ພາຍ​ໃນ​ການ​ທະຫານ.

ກອງ​ປະຊຸມດັ່ງກ່າວ, ​ໄດ້​ຈັດ​ຂຶ້ນລະຫວ່າງ​ວັນ​ທີ 21-22 ກັນຍານີ້ທີ່​ນະຄອນຫລວງ​ວຽງ​ຈັນ, ​ໂດຍ​ມີ​ທ່ານພັນ​ເອກ ຄໍາ​ແສນ ມະຫາວົງ ຮອງ​ຫົວໜ້າ​ກົມ​ພົວພັນ​ຕ່າງ​​ປະເທ​ດກະຊວງ​ປ້ອງ​ກັນ​ປະ​ເທດ, ມີ​ທ່ານ ​ແຟຣັງ ​ແຄ​ວັນ​ຊີ ຫົວໜ້າ ICRC ປະ​ຈໍາ​ລາວ ​ແລະ ກອງ​ທັບຟີ​ລິບ​ປິນ ​ແລະ ປາຊີ​ຟຣິກ​ເຂົ້າ​ຮ່ວມນໍາດ້ວຍ.

- Tiger Head 728x90 - ລາວ ແລະ ກາແດງສາກົນຮ່ວມປຶກສາຫາລື​ກ່ຽວ​ກັບກົດໝາຍ​ມະນຸດສະ​ທໍາ​ສາກົນ
- 1 1 - ລາວ ແລະ ກາແດງສາກົນຮ່ວມປຶກສາຫາລື​ກ່ຽວ​ກັບກົດໝາຍ​ມະນຸດສະ​ທໍາ​ສາກົນ
error: Content is protected !!