ສະພາບລັກລອບໃຊ້ສານເຄມີອັນຕະລາຍໃນການຜະລິດຍັງປະກົດມີຢູ່

- advert banner 728 90 728x90 - ສະພາບລັກລອບໃຊ້ສານເຄມີອັນຕະລາຍໃນການຜະລິດຍັງປະກົດມີຢູ່

ຮອງປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມສະພາແຫ່ງຊາດໄດ້ມີຄໍາເຫັນຕໍ່ກອງປະຊຸມຄົບຄະນະກໍາມາທິການດັ່ງກ່າວໃນວັນທີ 21 ກັນຍານີ້ວ່າ: ໃນຜ່ານມາ, ເຖິງວ່າສະພາແຫ່ງຊາດ, ລັດຖະບານ, ຂະແໜງການ ແລະ ທ້ອງຖິ່ນຕ່າງໆໄດ້ອອກນິຕິກໍາເພື່ອຄຸ້ມຄອງ, ກວດກາ ແລະ ເກືອດຫ້າມການນໍາໃຊ້ສານເຄມີອັນຕະລາຍໃນການຜະລິດກະສິກໍາ ແລະ ບັນດາໂຮງຈັກໂຮງງານຕ່າງໆຢູ່ທົ່ວປະເທດ ເພື່ອເຮັດໃຫ້ຜູ້ນໍາເຂົ້າ, ຈໍາໜ່າຍ ແລະ ຜູ້ນໍາໃຊ້ເຄມີອັນຕະລາຍເກີນຄ່າມາດຕະຖານໄດ້ຢຸດເຊົານໍາໃຊ້ ເປັນຕົ້ນຢາຂ້າຫຍ້າ, ຢາປາບສັດຕູພືດ ລວມເຖິງການໃຊ້ສານເຄມີເຈືອປົນໃນອາຫານການກິນ ແລະ ສີນຄ້າບໍລິໂພກ-ອຸປະໂພກໝົດຄຸນະພາບ ແລະ ເສື່ອມຄຸນຕ່າງໆ, ເພື່ອປົກປ້ອງສຸຂະພາບຂອງປະຊາຊົນກໍຄືຜູ້ບໍລິໂພກ ແລະ ສະພາບແວດລ້ອມຂອງທໍາມະຊາດ. ແຕ່ຜ່ານການຕິດຕາມກວດກາຂອງກໍາມາທິການພວກເຮົາຍັງເຫັນວ່າມີຫລາຍທ້ອງຖິ່ນຍັງເຂົ້າໃຈ ແລະ ຮັບຮູ້ກ່ຽວກັບນິຕິກໍາຕ່າງໆຈໍາກັດ, ຊຶ່ງສະແດງອອກຄື: ຍັງນໍາໃຊ້ຢາຂ້າຫຍ້າຢູ່ສວນກ້ວຍ, ສວນ ຢາງພາລາ ສົ່ງຜົນກະທົບຕໍ່ປະຊາຊົນໃກ້ຄຽງ ແລະ ສາຍນໍ້າຕ່າງໆ, ສະພາບລັກລອບນໍາເຂົ້າສີ້ນສ່ວນເຄື່ອງໃນສັດ, ອາຫານທະເລທີ່ມີສານເຄມີປົນເປືອນແຜ່ຫລາຍ, ສີນຄ້າປອມແປງ ແລະ ໝົດອາຍຸມີວາງຂາຍຢ່າງໜ້າເປັນຫ່ວງ, ສະພາບການຖີ້ມຂີ້ເຫຍື້ອຊະຊາຍ, ການປ່ອຍນໍ້າເສຍ, ປ່ອຍມົນລະພິດຂອງບັນດາໂຮງຈັກໂຮງງານຍັງພົບເຫັນຫລາຍເຊັ່ນກັນ.

- new3 - ສະພາບລັກລອບໃຊ້ສານເຄມີອັນຕະລາຍໃນການຜະລິດຍັງປະກົດມີຢູ່

ກໍາມາທິການດັ່ງກ່າວ ໃຫ້ຮູ້ວ່າ: ການນໍາໃຊ້ສານເຄມີອັນຕະລາຍເກີນຄ່າມາດຕະຖານຊະຊາຍບໍ່ຖືກຕ້ອງຕາມຫລັກການ ແລະ ຂາດການຄວບຄຸມນັ້ນ ສົ່ງຜົນກະທົບບໍ່ດີຫລາຍດ້ານຕໍ່ທໍາມະຊາດ, ສິ່ງແວດລ້ອມ ແລະ ສັງຄົມ, ໂດຍສະເພາະຕໍ່ສຸຂະພາບ ແລະ ຊີວິດຂອງປະຊາຊົນ ກໍຄືເຮັດໃຫ້ການຂະຫຍາຍຕົວດ້ານເສດຖະກິດ-ສັງຄົມຂອງຊາດຕາມທິດສີຂຽວ ແລະ ຍືນຍົງເປັນໄປໄດ້ຍາກ.

- lattana 1 - ສະພາບລັກລອບໃຊ້ສານເຄມີອັນຕະລາຍໃນການຜະລິດຍັງປະກົດມີຢູ່
error: Content is protected !!