ຈະລາຈອນເບິ່ງຄືນການເມີນເສີຍ ໜ້າທີ່ຂອງຜູ້ປະຈຳປ້ອມ

- advert banner 728 90 728x90 - ຈະລາຈອນເບິ່ງຄືນການເມີນເສີຍ ໜ້າທີ່ຂອງຜູ້ປະຈຳປ້ອມ

ໂດຍ: ທ່ຽງ​ທຳ

- new3 - ຈະລາຈອນເບິ່ງຄືນການເມີນເສີຍ ໜ້າທີ່ຂອງຜູ້ປະຈຳປ້ອມ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ຫຼາຍ​ຄົນ​ຜູ້​ຢູ່​ນະຄອນຫຼວງ​ວຽງ​ຈັນ​ກໍ​ອາດ​ຈະ​ມັກ​ພົບ​ເຫັນ​ການ​ເມີນ​ເສີຍ​ໜ້າ​ທີ່​ຂອງ​ຜູ້​ປະຈຳການ​ບາງ​ຄົນ​ຢູ່​ປ້ອມ​ຍາມ​ໃນ​ຈຸດ 3 ​ແຍກ, 4 ​ແຍກ ​ແລະ ບ່ອນ​ແອ​ອັດ​ຕ່າງໆ ​ເຊິ່ງຕາມ​ການ​ເດົາ​ບໍ່​ຜິດ, ​ໃນ​ການ​ປະຕິບັດ​ໜ້າ​ທີ່​ດັ່ງກ່າວ​ຕົ້ນຕໍ​ກໍ​ເພື່ອ​ຕິດຕາມ, ຄວບ​ຄຸມ ​ແລະ ລະບາຍ​ການ​ຈະລາຈອນ​ໃນ​ເວລາ​ຊົ່ວ​ໂມງ​ເລັ່ງດ່ວນ ​ແລະ ມີ​ສະພາບ​ລົດ​ແອ​ອັດ ​ເພື່ອ​ພະຍາຍາມ​ເຮັດ​ແນວ​ໃດ​ບໍ່​ໃຫ້ການ​ສັນຈອນ​ໃນ​ເສັ້ນທາງ​ຕ່າງໆ​ດັ່ງກ່າວ​ເປັນ​ອຳມະພາດ ຫຼື ​ໃນ​ເວລາ​ໄຟ​ອຳນາດ​ເປ່​ເພ, ຕິດ​ຂັດ​ອື່ນໆ​ກໍ​ຕ້ອງ​ອອກ​ມາ​ບົ່ງ​ບອກ​ການ​ສັນຈອນ​ຂອງ​ຜູ້​ໃຊ້​ລົດ​ໃຊ້​ຖະໜົນ​ໃຫ້​ມີ​ຄວາມ​ປອດ​ໄພ. ​ແຕ່​ກົງກັນຂ້າມ, ​ໃນ​ຜ່ານ​ມາ​ນີ້​ກໍ​ຍັງ​ມີ​ເຈົ້າໜ້າ​ທີ່​ບາງ​ຄົນ​ທີ່​ປະຈຳການ​ຢູ່​ບາງ​ແຫ່ງ​ຍັງ​ຖື​ເບົາ ​ແລະ ​ເມີ​ນ​ເສີຍ​ຕໍ່​ການ​ປະຕິບັດ​ໜ້າ​ທີ່​ດັ່ງກ່າວ, ບາງ​ຄັ້ງ​ເຫັນ​ມີ​ຫຼາຍ​ຈຸດ 3 ​ແຍກ, 4 ​ແຍກ, ມີ​ລົດ​ຕິດ​ເປັນ​ສາຍ​ຍາວ​ຢຽດ ​ແຕ່​ເບິ່ງ​ເຈົ້າໜ້າ​ທີ່​ເພິ່ນ​ຜູ້​ຢູ່​ປ້ອມ​ຍາມ​ກໍ​ບໍ່​ໄດ້​ເອົາ​ໃຈ​ໃສ່​ພໍ​ປານ​ໃດ, ປະປ່ອຍ​ໃຫ້​ສະພາບ​ການ​ສັນຈອນ​ແອ​ອັດ​ນັ້ນ​ແກ່ຍາວ​ໄປ​ນັບ​ຫຼາຍ​ສິບ​ນາທີ. ​ເວົ້າ​ແນວ​ນີ້​ກໍ​ບໍ່​ແມ່ນ​ຕີ​ລວາດ​ກວາດ​ພຽງ​ດອກ, ສິ່ງ​ສຳຄັນ​ກໍ​ຢາກ​ເຕືອນ​ໃຫ້​ເຈົ້າໜ້າ​ທີ່​ຜູ້​ຍັງ​ບໍ່​ທັນ​ມີ​ຄວາມ​ຂະຫຍັນ​ກໍ​ຈະ​ຕ້ອງ​ໄດ້​ເພີ່ມ​ທະວີ​ປັບປຸງ​ກໍ່ສ້າງ​ຕົນ​ເອງ​ໃຫ້​ກາຍ​ເປັນ​ນັກຮົບ​ຜູ້​ເຂັ້ມ​ແຂງ ​ແລະ ກາຍ​ເປັນ​ທີ່​ເພິ່ງ​ຂອງ​ປະຊາຊົນ​ຢ່າງ​ແທ້​ຈິງ. ທັງ​ນີ້​ກໍ​ເພື່ອ​ຄວາມ​ສະຫງົບ​ສຸກ ​ແລະ ຄວາມ​ເປັນ​ລະບຽບ​ຮຽບຮ້ອຍ​ຂອງ​ສັງຄົມ. ອີກ​ບໍ່​ດົນ​ພວກ​ເຮົາ​ກໍ​ຈະ​ກ້າວ​ສູ່​ການ​ເປີດ​ປີ​ທ່ອງ​ທ່ຽວ​ລາວ. ດັ່ງນັ້ນ ດ້ານ​ການ​ເພີ່ມ​ທະວີ​ປົກ​ປັກ​ຮັກສາ​ຄວາມ​ເປັນ​ລະບຽບ​ຮຽບຮ້ອຍ ​ແລະ ຄວາມ​ປອດ​ໄພ​ຂອງ​ການ​ຈະລາຈອນ​ຍິ່ງ​ມີ​ຄວາມ​ສຳຄັນ ​ເພື່ອ​ຜູ້​ໄປ​ໄທ​ມາ​ມີ​ຄວາມ​ສະດວກ​ສະບາຍ, ສ້າງ​ສີສັນ​ອັນ​ປະ​ທັບ​ໃຈ​ໃຫ້​ປະ​ເທດ​ເຮົາ​ສູງ​ເດັ່ນ​ຂຶ້ນ​ເລື້ອຍໆ.

- lattana 1 - ຈະລາຈອນເບິ່ງຄືນການເມີນເສີຍ ໜ້າທີ່ຂອງຜູ້ປະຈຳປ້ອມ
error: Content is protected !!