ຈີນຫ້າມຄ້າຂາຍນ້ຳມັນ-ແຜ່ນແພກັບ ສປປ ເກົາຫຼີ

- advert banner 728 90 728x90 - ຈີນຫ້າມຄ້າຂາຍນ້ຳມັນ-ແຜ່ນແພກັບ ສປປ ເກົາຫຼີ

- north korean sweatshop 960x540 - ຈີນຫ້າມຄ້າຂາຍນ້ຳມັນ-ແຜ່ນແພກັບ ສປປ ເກົາຫຼີ

- new3 - ຈີນຫ້າມຄ້າຂາຍນ້ຳມັນ-ແຜ່ນແພກັບ ສປປ ເກົາຫຼີ

ລັດຖະບານ​ປັກ​ກິ່ງກຽມ​ຢຸດ​ນຳ​ເຂົ້າສິນຄ້າ​ແຜ່ນ​ແພ ​ແລະ ການ​ສົ່ງ​ອອກ​ນ້ຳມັນ​ດິບ ລວມທັງ​ສິນຄ້າ​ປີ​ໂຕຼລຽມ​ໄປ ສປປ ​ເກົາຫຼີ ​ເລີ່​ມ​ແຕ່​ວັນ​ທີ 1 ຕຸລາ​ນີ້​ເປັນຕົ້ນ​ໄປ, ຂະນະ​ທີ່​ການ​ຢຸດ​ສົ່ງ​ອອກ​ແກັສທຳ​ມະ​ຊາດ​ເຫຼວ​ໃຫ້​ມີ​ຜົນ​ທັນທີ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫຼວງ​ປັກ​ກິ່ງ ​ໃນ​ວັນ​ທີ 23 ກັນຍາ​ວ່າ: ກະຊວງ​ການ​ຄ້າ​ຂອງ​ຈີນ​ອອກ​ຖະ​ແຫຼ​ງການ​ໃນ​ວັນ​ທີ 23 ກັນຍາ​ ​ໃຫ້​ຜູ້​ປະກອບ​ການ​ຢຸດ​ການ​ສົ່ງ​ອອກ​ແກັສທຳ​ມະ​ຊາດ​ເຫຼວ (LNG) ຫຼື ຄອນ​ເດນ​ເສດ​ຈາກ ສປປ ​ເກົາຫຼີ ​ໂດຍ​ໃຫ້​ມີ​ຜົນ​ບັງຄັບ​ໃຊ້​ທັນທີ ​ເຊັ່ນ​ດຽວ​ກັນ​ການ​ຢຸດ​ການ​ນຳ​ເຂົ້າສິນຄ້າ​ແຜ່ນ​ແພ​ຈາກ ສປປ ​ເກົາຫຼີ. ຂະນະ​ທີ່​ນ້ຳມັນ​ດິບ ​ແລະ ຜະລິດ​ຕະພັນ​ປີ​ໂຕຼລຽມຊະນິດ​ອື່ນ​ໃຫ້​ຢຸດ​ການ​ສົ່ງ​ອອກ​ແຕ່​ວັນ​ທີ 1 ຕຸລາ​ນີ້​ເປັນຕົ້ນ​ໄປ ​ເພື່ອ​ໃຫ້​ເປັນ​ໄປ​ຕາມ​ມະຕິ​ຂວ້ຳບາດ​ຮອບ​ຫຼ້າ​ສຸດ​ຂອງ​ສະພາ​ຄວາມ​ໝັ້ນຄົງ​​ແຫ່ງ​ສະຫະ​ປະຊາ​ຊາດ (UNSC) ​ເຊິ່ງຕ້ອງການ​ລົງ​ໂທດ​ການ​ທົດ​ລອງ​ລະ​ເບີດ​ນິວ​ເຄຼຍຂອງ​ລັດຖະບານ​ພຽງ​ຢາງ ທີ່​ມີ​ຂຶ້ນ​ໃນ​ວັນ​ທີ 3 ກັນຍາ.

- China trade north korea 960x540 - ຈີນຫ້າມຄ້າຂາຍນ້ຳມັນ-ແຜ່ນແພກັບ ສປປ ເກົາຫຼີ

- lattana 1 - ຈີນຫ້າມຄ້າຂາຍນ້ຳມັນ-ແຜ່ນແພກັບ ສປປ ເກົາຫຼີ

​ໃນ​ເວລາ​ດຽວ​ກັນ​ມີ​ລາຍ​ງານ​ວ່າ: ລາຄາ​ຈຳໜ່າຍ​ນ້ຳມັນ​ແອັດ​ຊັງ​ຢູ່ ສປປ ​ເກົາຫຼີ ​ເຊິ່ງ​ໃຊ້​ໜ່ວຍ​ເປັນ​ກິ​ໂລກຼາມ ​ເພີ່ມ​ຂຶ້ນຈາກ 1,90 ​ໂດ​ລາ​ສະຫະລັດຕໍ່ 1 ກິ​ໂລກຼາມ ​ໃນ​ວັນ​ທີ 22 ກັນຍາ ​ເປັນ 2 ​ໂດ​ລາ​ສະຫະລັດ ​ໃນ​ວັນ​ທີ 23 ກັນຍາ ​ແລະ ມີ​ທ່າ​ອ່ຽງ​ເພີ່ມ​ສູງ​ຂຶ້ນອີກ. ຕາມ​ການ​ຕີ​ລາຄາ​ຂອງ​ພະນັກງານສະຖານ​ບໍລິການ​ນ້ຳມັນ​ແຫ່ງ​ໜຶ່ງ​ຢູ່​ນະຄອນຫຼວງ​ພຽງ​ຢາງ ​ເຊິ່ງ​ເປີດ​ເຜີຍ​ຕໍ່​ສຳນັກ​ຂ່າວ AFP ​ໂດຍ​ລາຄາ​ດັ່ງກ່າວ​ຖື​ວ່າ​ປ່ຽນ​ແປງ​ໄວ​ທີ່​ສຸດ ​ເນື່ອງ​ຈາກ​ລາຄາ​ໃນ​ເດືອນ​ກໍລະກົດ​ຜ່ານ​ມາ​ຍັງ​ຢູ່​ລະດັບ 1,65 ​ໂດ​ລາ​ສະຫະລັດ​ຕໍ່ 1 ກິ​ໂລກຼາມ.

error: Content is protected !!