ອີຣານທົດລອງສຳເລັດ ລູກສອນໄຟຮຸ່ນໃໝ່

- advert banner 728 90 728x90 - ອີຣານທົດລອງສຳເລັດ ລູກສອນໄຟຮຸ່ນໃໝ່

- s4 - ອີຣານທົດລອງສຳເລັດ ລູກສອນໄຟຮຸ່ນໃໝ່

- new3 - ອີຣານທົດລອງສຳເລັດ ລູກສອນໄຟຮຸ່ນໃໝ່

ອີຣານບໍ່​ສົນ​ຄຳ​ເຕືອນ​ຈາກ​ລັດຖະບານ​ອາ​ເມ​ລິ​ກາ ປະກາດ​ຜົນສຳ​ເລັດ​ໃນ​ການ​ທົດ​ລອງ​ຍິງ​ລູກ​ອນ​ໄຟ​ໄລຍະ​ກາງ​ຮຸ່ນ​ໃໝ່ ​ໂກ​ຣຳຊາ ທີ່​ສາມາດ​ໂຈມ​ຕີ​ເປົ້າໝາຍ​ເກືອບ​ທຸກ​ປະ​ເທດ​ຢູ່​ຕາ​ເວັນ​ອອກ​ກາງ ລວມທັງ​ອິດສະ​ລາ​ແອນ. ລາຍ​ງານ​ການ​ທົດ​ລອງ​ມີ​ຂຶ້ນພຽງ 1 ວັນ ພາຍຫຼັງ​ເອົາ​ລູກ​ສອນ​ໄຟ​ຮຸ່ນ​ນີ້ມາ​ເປີດ​ເຜີຍ​ສູ່​ຊາວ​ໂລກ​ເປັນ​ເທື່ອ​ທຳ​ອິດ.

- 50fbbf7f5a02bc8aa4a66e54b507aea9 L 1 - ອີຣານທົດລອງສຳເລັດ ລູກສອນໄຟຮຸ່ນໃໝ່

 

ສຳນັກ​ຂ່າວ AFP, ຣອຍ​ເຕີ ​ແລະ AP ລາຍ​ງານ​ຈາກ​ນະຄອນຫຼວງ​ເຕຮາ​ຣານ ປະ​ເທດ​ອີຣານ ​ໃນ​ວັນ​ທີ 23 ກັນຍາ​ວ່າ: ສະຖານີ​ໂທລະພາບ IRIB ຂອງ​ທາງ​ການ​ອີຣານ ລາຍ​ງານ​ໃນ​ວັນ​ທີ 23 ກັນຍາ​ວ່າ: ກອງ​ກຳລັງ​ຮັກສາ​ການ​ປະຕິວັດ​ອີຣານປະສົບ​ຜົນສຳ​ເລັດ​ໃນ​ການ​ທົດ​ລອງ​ຍິງ​ລູກ​ສອນ​ໄຟ​ຮຸ່ນ​ໃໝ່ ​ໂກຣຳຊາ ທີ່​ມີ​ໄລຍະ​ຍິງ​ໄກ 2.000 ກມ ​ແລະ ຕິດ​ຫົວ​ຮົບ​ໄດ້​ເທື່ອ​ລະ​ຫຼາຍ​ລູກ ​ໂດຍ​ໃນ​ວີ​ດີ​ໂອ​ຈາກ​ກ້ອງ​ຕິດຕັ້ງນຳ​ລູກ​ສອນ​ໄຟ ສະ​ແດງ​ໃຫ້​ເຫັນ​ການ​ແຍກ​ຕົວ​ຂອງ​ກວຍ​ທີ່​ບັນຈຸ​ຫົວ​ຮົບ​ຫຼາຍ​ລູກ.

- lattana 1 - ອີຣານທົດລອງສຳເລັດ ລູກສອນໄຟຮຸ່ນໃໝ່

- photo l 1 - ອີຣານທົດລອງສຳເລັດ ລູກສອນໄຟຮຸ່ນໃໝ່

ການ​ລາຍ​ງານ​ການ​ທົດ​ລອງ​ມີ​ຂຶ້ນ 1 ວັນ ພາຍຫຼັງ​ກອງທັບ​ອີຣານ​ເອົາ​ລູກ​ສອນ​ໄຟ​ໂກຣຳຊາ​ອອກ​ສະ​ແດງ ​ໃນ​ພິທີ​ສວນສະໜາມ​ກອງທັບ​ຢູ່​ນະຄອນຫຼວງ​ເຕຮາ​ຣານ ​ໃນ​ວັນ​ທີ 22 ກັນຍາ ​ເນື່ອງ​ໃນ​ໂອກາດ​ຄົບຮອບ 37 ປີ​ສົງຄາມ​ອີຣັກ-ອີຣານ ​ເຊິ່ງຖື​ເປັນ​ເທື່ອ​ທຳ​ອິດ​ທີ່​ນຳ​ເອົາ​ລູກ​ສອນ​ໄຟ​ຮຸ່ນ​ນີ້​ອອກ​ສະ​ແດງ​ຕໍ່​ສາທາລະນະ​ຊົນ ​ແລະ ​ໃນ​ພິທີ, ປະທານາທິບໍດີ ຮຳ​ຊັນ ​ໂຣຮາ​ນີ ຜູ້ນຳ​ການ​ບໍລິຫານ​ປະ​ເທດ ປະກາດ​ວ່າ: ອີຣານຈະ​ເພີ່ມ​ປະສິດທິພາບ​ດ້ານ​ລູກ​ສອນ​ໄຟ​ໃຫ້​ກ້າວໜ້າ​ຕໍ່​ໄປ ​ໂດຍ​ຈະ​ບໍ່​ຂໍອະນຸຍາດ​ຈາກ​ປະ​ເທດ​ໃດ.

error: Content is protected !!