ແຜ່ນດິນໄຫວ 4,1 ຣິກເຕີ ຢູ່ ເມືອງວຽງພູຄາ ແຂວງຫລວງນໍ້າທາ ຍັງບໍ່ມີລາຍງານຜົນເສຍຫາຍ
September 12, 2023 - 9:23 AM


ກົມອຸຕຸນິຍົມ ແລະ ອຸທົກກະສາດ ລາຍງານວ່າ: ເວລາ 03:32:41 ວັນທີ 12 ກັນຍາ 2023 ນີ້ ພົບສັນຍານການເກີດແຜ່ນດິນໄຫວພາຍໃນປະເທດລາວ ຈໍານວນ 1 ຄັ້ງ, ໃນບໍລິເວນ ແຂວງຫລວງນໍ້າທາ ມີຈຸດສູນກາງເສັ້ນຂະໜານທີ 20.830°N ແລະ ເສັ້ນແວງທີ 101.116°E ຄວາມແຮງສັ່ນສະເທືອນວັດແທກໄດ້ 4.1 ຣິກເຕີ, ເຊິ່ງມີຄວາມເລິກຈາກເທິງໜ້າດິນປະມານ 1 Km ຈຸດສູນກາງເກີດແຜ່ນດິນໄຫວຢູ່ທີ່ ບໍລິເວນ ບ້ານຄາ ເມືອງວຽງພູຄາ ແຂວງຫຼວງນໍ້າທາ, ຫ່າງຈາກເທສະບານ ເມືອງວຽງພູຄາ ປະມານ 18 Km
ໝາຍເຫດ: ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.