ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ

ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ - 8894 - ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ
ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ - kitchen vibe - ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ
ວັນທີ 14 ກັນຍາ 2023 ນີ້, ເຈົ້າໜ້າທີ່ ປກສ ແຂວງບໍລິຄຳໄຊ ລາຍງານວ່າ: ວັນທີ 10 ກັນຍາ 2023 ຜ່ານມາ, ມີເຫດຍິງກັນຢູ່ທາງເລກທີ 13 ໃຕ້ ເຂດບ້ານວຽງຄໍາ ເມືອງປາກກະດິງ ແຂວງບໍລິຄໍາໄຊ, ເຈົ້າໜ້າທີ່ໄດ້ທໍາການກວດກາຊັນນະສູດສະຖານທີ່ເກີດເຫດ ພົບເຫັນຄົນໄດ້ຮັບບາດເຈັບ 1 ຄົນຊື່ທ້າວ ອາຫລົງ ອາຊີບກໍາມະກອນ ເຊື້ອຊາດ ແລະ ສັນຊາດຈີນ, ພັກເຊົາຢູ່ບ້ານນາພົງ ເມືອງປາກກະດິງ ແຂວງບໍລິຄໍາໄຊ, ຖືກປືນຍິງເຂົ້າບໍລິເວນຫົວຈໍານວນ 1 ລູກ, ຕົກມາຮອດເວລາປະມານ 11:00 ໂມງ ຂອງວັນດຽວກັນສາມາດຈັບຕົວຜູ້ກໍ່ເຫດໄດ້ ຊື່ທ້າວ ຈາວເຈ່ຍເຫວ່ (ອາວີ) ອາຍຸ 35 ປີ ອາຊີບກໍາມະກອນ ເຊື້ອຊາດ ແລະ ສັນຊາດຈີນ ປັດຈຸບັນແມ່ນພັກເຊົາຢູ່ ບ້ານນາຂ່າ ເມືອງນາຊາຍທອງ ນະຄອນຫລວງວຽງຈັນ ນຳຕົວຜູ້ກ່ຽວມາດໍາເນີນການສືບສວນ-ສອບສວນ.
ທ້າວ ຈາວເຈ່ຍເຫວ່ ຮັບສາລະພາບວ່າ: ໃນທ້າຍເດືອນສິງຫາ 2023, ຕົນກັບໝູ່ອີກ 2 ຄົນໄດ້ໄປນັ່ງດື່ມເບຍຢູ່ຮ້ານອາຫານແຫ່ງໜຶ່ງໃກ້ກັບຕະຫລາດຊັງຈຽງ ເມືອງສີໂຄດຕະບອງ ນະຄອນຫລວງວຽງຈັນ ໂດຍນັ່ງດື່ມຢູ່ຂ້າງໂຕະຂອງທ້າວ ອາຫລົງ (ຜູ້ໄດ້ຮັບບາດເຈັບ), ເຊິ່ງ ທ້າວ ອາຫລົງ ໄດ້ເວົ້າໃຫ້ຕົນວ່າເປັນຄົນບໍ່ດີ, ເສບຢາບ້າ ພ້ອມທັງເວົ້າທ້າທາຍວ່າ ຖ້າມຶງເກັ່ງລົງໄປຫາຢູ່ທາງແບ່ງຫລັກ 20 ເມືອງປາກກະດິງ ໂລດ, ດ້ວຍເຫດນີ້ ຈຶ່ງເຮັດໃຫ້ຜູ້ກ່ຽວມີຄວາມຄຽດແຄ້ນ.
ກ່ອນມື້ເກີດເຫດເວລາທ່ຽງຄືນຂອງວັນທີ 9 ກັນຍາ 2023 ທ້າວ ຈາວເຈ່ຍເຫວ່ ໄດ້ເສບຢາບ້າ 2 ເມັດ ພ້ອມດື່ມເຫລົ້າຂາວ ແລ້ວຄິດຮອດຄຳເວົ້າຂອງທ້າວ ອາຫລົງ ທີ່ເວົ້າໃຫ້ໃນມື້ນັ້ນແລ້ວຄິດຄຽດແຄ້ນ ຈຶ່ງເອົາປືນສັ້ນຢູ່ຫ້ອງນອນ ແລ້ວລັກເອົາລົດ ກະບະວີໂກ້ ຂອງແມ່ຜູ້ກ່ຽວຂັບຂີ່ອອກໄປແຂວງບໍລິຄຳໄຊ, ຮອດບ້ານວຽງຄຳ ເມືອງປາກກະດິງ ໃນເວລາປະມານ 9:00 ໂມງເຊົ້າ ຂອງວັນທີ 10 ກັນຍາ 2023 ແລະ ໄດ້ຂີ່ລົດຊອກຫາທ້າວ ອາຫລົງ ແລ້ວພົບເຫັນລົດຂອງທ້າວ ອາຫລົງ ຈອດຢູ່ຕໍ່ໜ້າຮ້ານຂາຍເຄື່ອງ 4 ແຍກບ້ານວຽງຄໍາ ຈຶ່ງໄດ້ຈັບເອົາປືນສັ້ນທີ່ກຽມມາ ແລ້ວຍ່າງໄປຫາທ້າວ ອາຫລົງ ທີ່ກຳລັງກົ້ມເລືອກຊື້ເຄື່ອງຢູ່ໃນຮ້ານ ແລ້ວຍົກປືນຍິງໃສ່ຫົວ ທ້າວ ອາຫລົງ ທັນທີ 1 ນັດ ໃນໄລຍະຫ່າງ 1 ແມັດ ຫລັງຈາກລັ່ນໄກປືນແລ້ວເຫັນ ທ້າວ ອາຫລົງ ລົ້ມລົງກັບທີ ຜູ້ກ່ຽວຈຶ່ງຮີບເອົາຕົວຫລົບໜີ ຂັບຂີ່ລົດຂຶ້ນມານະຄອນຫລວງວຽງຈັນ ແຕ່ຮອດຕໍ່ໜ້າຫ້ອງການ ປກສ ເມືອງປາກກະດິງ ກໍຖືກເຈົ້າໜ້າທີ່ຈັບຕົວໄດ້.
ເຈົ້າໜ້າທີ່ ໃຫ້ຮູ້ຕື່ມວ່າ: ຜ່ານມາ ທ້າວ ຈາວເຈ່ຍເຫວ່ ເຄີຍຖືກສານຕັດສິນຕັດອິດສະຫລະພາບຈໍາຄຸກມາແລ້ວ 1 ຄັ້ງ, ໃນຂໍ້ຫາຄາຕະກໍາ ແລະ ໄດ້ພົ້ນໂທດອອກມາໃນໄລຍະເດືອນ ມັງກອນ 2023 ພາຍຫລັງພົ້ນໂທດ ຜູ້ກ່ຽວຍັງກັບມາກະທໍາຜິດຊໍ້າອີກ, ປັດຈຸບັນຜູ້ກ່ຽວກຳລັງຢູ່ໃນຂັ້ນຕອນດຳເນີນຄະດີຕາມຂັ້ນຕອນຂອງລະບຽບກົດໝາຍ.
ສ່ວນຜູ້ໄດ້ຮັບບາດເຈັບປັດຈຸບັນໄດ້ນໍາສົ່ງໄປປິ່ນປົວຢູ່ໂຮງໝໍ 150 ຕຽງ ນະຄອນຫລວງວຽງຈັນ ແລະ ມີອາການດີຂື້ນຕາມລໍາດັບ.
ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ - 5 - ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ
ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ - 3 - ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ
ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ - 4 - ເປີດເຜີຍ!! ສາເຫດຄົນຍິງກັນ ຢູ່ທາງແບ່ງຫລັກ 20 ແຂວງບໍລິຄຳໄຊ