ປີທ່ອງທ່ຽວລາວຈະມາຮອດແລ້ວ ຂໍໃຫ້ເຂັ້ມງວດເລື່ອງອາຫານປອດໄພ

- advert banner 728 90 728x90 - ປີທ່ອງທ່ຽວລາວຈະມາຮອດແລ້ວ ຂໍໃຫ້ເຂັ້ມງວດເລື່ອງອາຫານປອດໄພ

ໂດຍ: ທ່ຽງ​ທຳ

- new3 - ປີທ່ອງທ່ຽວລາວຈະມາຮອດແລ້ວ ຂໍໃຫ້ເຂັ້ມງວດເລື່ອງອາຫານປອດໄພ

ສະບາຍດີ ​ເພື່ອ​ນຜູ້​ອ່ານ​ທີ່​ຮັກ​ແພງ, ຍັງ​ອີກ​ບໍ່​ດົນ​ປີ​ທ່ອງ​ທ່ຽວ​ລາວ 2018 ກໍ​ຈະ​ເປີດ​ຂຶ້ນ​ເປັນ​ທາງ​ການ​ແລ້ວ ຈຸດປະສົງ​ຫຼັກ​ຂອງ​ການ​ເປີດ​ປີ​ທ່ອງ​ທ່ຽວ​ດັ່ງກ່າວ​ກໍ​ເພື່ອ​ແນ​ໃສ່​ສົ່ງ​ເສີມ ​ແລະ ດຶງ​ດູດ​ນັກ​ທ່ອງ​ທ່ຽວ​ເຂົ້າມາ​ທ່ຽວ​ລາວ​ໃຫ້​ນັບ​ມື້​ເພີ່ມ​ທະວີ​ຂຶ້ນ ​ແລະ ໜຶ່ງ​ໃນ​ປັດ​ໄຈ​ກະຕຸກ​ຊຸກຍູ້​ບັນລຸ​ເປົ້າໝາຍ​ດັ່ງກ່າວ​ກໍ​ແມ່ນ​ຄວາມ​ປອດ​ໄພ​ທາງ​ດ້ານ​​ໂພຊະ​ນາ​ການ ​ເພາະ​ປັດຈຸບັນ​ກໍ​ບໍ່​ພຽງ​ແຕ່​ມີ​ຢູ່​ປະ​ເທດ​ເຮົາ​ພຽງ​ຢ່າງ​ດຽວ​ເທົ່າ​ນັ້ນ​ໃນ​​ເລື່ອງ​ອາຫານ​ປົນ​ເປື້ອນ ​ເຊິ່ງມັນ​ເກີດມີ​ຂຶ້ນນັບ​ແຕ່​ຂອດ​ການ​ຜະລິດ​ຈົນ​ມາ​ເຖິງ​ຂອດ​ຈຳໜ່າຍ ​ແລະ ຂອດ​ການ​ປຸງ​ແຕ່ງ. ​ໃນ​ຂະນະ​ທີ່​ຫຼາຍ​ປະ​ເທດ​ກໍ​ມີ​ລະບຽບ​ກົດໝາຍ​ເພື່ອ​ຄຸ້ມ​ຄອງ​ບັນຫາ​ດັ່ງກ່າວ, ​ແຕ່​ກໍ​ຍັງ​ເຮັດ​ໄດ້​ຍາກ. ຕົວຢ່າງ​ຄື: ນັບ​ແຕ່​ຂອດ​ປູກ​ພືດ ຫລື ລ້ຽງ​ໝູ​ໂຕ​ໜຶ່ງ​ເພື່ອ​ໃຫ້​ໄດ້​ປະລິມານ​ຫຼາຍ ​ແລະ ວ່ອງ​ໄວ​ນັ້ນ ຜູ້​ລ້ຽງ, ຜູ້​ປູກ​ກໍ​ຈະ​ຕ້ອງ​ໄດ້​ໃຊ້​ສານ​ກະ​ຕຸ້ນ ນັບ​ທັງ​ປຸ໋ຍ​ເລັ່ງ, ຝຸ່ນວິທະຍາສາດ ​ໄປ​ຈົນ​ຮອດ​ສານ​ກະ​ຕຸ້ນ​ໃຫ້​ສັດລ້ຽງ​ໃຫຍ່​ໄວ ​ແລະ ​ໄດ້​ນ້ຳໜັກ​ຫຼາຍ ​ເຮ​ັດ​ໄປ​ໂດຍ​ລຳພັງ, ຢ່າງ​ຂາດ​ຄວາມ​ຮັບຜິດຊອບ ​ແລ້ວ​ຕົກ​ມາ​ມື​ແມ່​ຄ້າ​ມື​ສອງ​ພັດ​ມາ​ເພີ່ມ​ຕື່ມ​ເພື່ອ​ບໍ່​ໃຫ້​ອາຫານ​ດັ່ງກ່າວ​ບູດ​ເໜົ່າ​ໄວ ກໍ​ຕ້ອງ​ໄດ້​ໃຊ້​ສານ​ກັນ​ບູດ (ຝ໋ອກມາ​ລິນ) ​ໃນ​ປະລິມານ​ຫຼາຍ​ແລ້ວ ກ້າວ​ມາ​ຮອດ​ຜູ້​ປຸງ​ແຕ່ງ ​ເພື່ອ​ຢາກ​ໃຫ້​ແຊບ​ໃຫ້​ນົວ​ກໍ​ຕ້ອງ​ໄດ້​ເຖ​ແປ້ງ​ນົວ ​ແລະ ຄະ​ນໍ​ລົງ​ໃສ່​ຢ່າງ​ບໍ່​ໄດ້​ຄຳນຶງ​ເຖິງ​ຜູ້​ບໍລິ​ໂພ​ກ ​ເຊິ່ງ​ແຕ່​ລະມື້ຈະ​ຕ້ອງ​ໄດ້​ກິນ​ທາດ​ພິດ​ດັ່ງກ່າວ​ລົງ​ໄປ​ໜ້ອຍ​ຫຼາຍ​ປານ​ໃດ ​ແລະ ຍັງ​ບໍ່​ທັນ​ເວົ້າ​ເຖິງ​ຂອດ​ເກັບ​ມ້ຽນ​ອາຫານ​ສຸກ​ໃຫ້​ມີ​ຄວາມ​ປອດ​ໄພ, ປາສະຈາກ​ສິ່ງ​ເປິະ​ເປື້ອນ, ​ແມງວັນ​ແມງ​ໝີ່​ຕອມ ​ແລະ ອື່ນໆ ​ເຊິ່ງທັງ​ໝົດ​ນີ້ ຂະ​ແໜງ​ກ່ຽວຂ້ອງ​ຈະ​ຕ້ອງ​ໄດ້​ເອົາ​ໃຈ​ໃສ່​ເຂັ້ມງວດ​ກວດກາ​ສະກັດ​ກັ້ນສິ່ງ​ຫຍໍ້​ທ້ໍ​ດັ່ງກ່າວ​ໃຫ້​ຫຼຸດ​ໜ້ອຍ​ຖອຍ​ລົງ. ຖ້າ​ເຮົາ​ເຮັດ​ໄດ້​ແນວ​ນີ້ ກໍ​ຈຶ່ງຈະ​ເຮັດ​ໃຫ້​ປີ​ທ່ອງ​ທ່ຽວ​ລາວ​ເປັນ​ທີ່​ຈັບ​ອົກ​ຈັບ​ໃຈ​ຂອງ​ຜູ້​ມາ​ທ່ຽວ, ມາ​ເມືອງ​ລາວ​ໄດ້​ກິນ​ອາຫານ​ປອດ​ໄພ, ​ໄດ້​ເບິ່ງ​ທຳ​ມະ​ຊາດ​ອັນ​ງົດ​ງາມ ​ແລະ ສຳຜັດ​ກັບ​ວັດທະນະທຳ​ທີ່​ຫຼາກ​ຫຼາຍ​ຢ່າງ​ບໍ່​ມີ​ມື້ອີ່ມ​ເປັນ.

- lattana 1 - ປີທ່ອງທ່ຽວລາວຈະມາຮອດແລ້ວ ຂໍໃຫ້ເຂັ້ມງວດເລື່ອງອາຫານປອດໄພ
error: Content is protected !!