ອາຫານເພື່ອສຸຂະພາບທີ່ອາດເຮັດໃຫ້ທ່ານຕຸ້ຍ

- Untitled design - ອາຫານເພື່ອສຸຂະພາບທີ່ອາດເຮັດໃຫ້ທ່ານຕຸ້ຍ

- 3101 300x201 - ອາຫານເພື່ອສຸຂະພາບທີ່ອາດເຮັດໃຫ້ທ່ານຕຸ້ຍ     – ນ້ຳໝາກໄມ້ : ເຖິງວ່າໝາກໄມ້ຈະມີເອັນໄຊທີ່ເປັນກົດອາມິໂນ ຫລື ໂປຣຕິນຊ່ວຍໃຫ້ລະບົບຍ່ອຍອາຫານເຮັດວຽກຢ່າງມີປະສິດທິພາບ, ແຕ່ກ່ວາຈະໄດ້ນ້ຳໝາກໄມ້ 1 ຈອກ ຕ້ອງໃຊ້ໝາກໄມ້ຫລາຍໜ່ວຍ ເຊັ່ນ : ນ້ຳໝາກກ້ຽງ 1 ຈອກ ໃຊ້ໝາກກ້ຽງເຖິງ 5 ໜ່ວຍ ໃຫ້ພະລັງງານລວມ 250 ກາລໍຣີ (ໝາກກ້ຽງ 1 ໜ່ວຍໃຫ້ພະລັງງານ ປະມານ 50 ກາລໍຣີ) ຫາກດື່ມມື້ລະ 2 – 3 ຈອກ ຈະໄດ້ຮັບພະລັງງານຫລາຍເກີນໄປ ເຮັດໃຫ້ນ້ຳໜັກເພີ່ມຂຶ້ນ. ຄວນດື່ມນ້ຳໝາກໄມ້ພຽງ 1 ຈອກນ້ອຍ ຫລື ເຄິ່ງຈອກ ແລ້ວຫລຸດປະລິມານອາຫານອື່ນ ຈະໄດ້ຮັບພະລັງງານທີ່ດຸ່ນດ່ຽງ ແລະ ບໍ່ເຮັດໃຫ້ນ້ຳໜັກເພີ່ມຂຶ້ນ.

– ໝາກໄມ້ອົບແຫ້ງ : ເຖິງຈະດີກ່ວາເຂົ້າໜົມກິນຫລິ້ນກອບໆ, ແຕ່ໝາກໄມ້ອົບແຫ້ງມີພະລັງງານຈາກນ້ຳຕານຟຣຸດໂຕສຫລາຍ ເຊັ່ນ : ໝາກແອັບເປິ້ນ ຫລື ໝາກສະຕໍເບີຣີອົບແຫ້ງ 100 ກຣາມ ໃຫ້ພະລັງງານຫລາຍກ່ວາ 400 ກາລໍຣີ ເມື່ອປຽບທຽບກັບໝາກແອັບເປິ້ນສົດ 1 ໜ່ວຍໃຫ້ພະລັງງານພຽງ 50 ກາລໍຣີ ທັງຍັງຮູ້ສຶກອີ່ມກ່ວາ ສະນັ້ນປ່ຽນມາກິນໝາກໄມ້ສົດຈະໄດ້ປະໂຫຍດກ່ວາໝາກໄມ້ແຫ້ງ.

– ຖົ່ວ : ມີກົດໂອເລອິກ (Oleic Acid) ເຊິ່ງພົບໃນໄຂມັນບໍ່ອີ່ມໂຕ ຊ່ວຍຫຸດໄຂມັນໃນເລືອດ ແລະ ຫລຸດຄວາມສ່ຽງພະຍາດຫົວໃຈ. ຖົ່ວມີກາລໍຣີຫລາຍ 1 ຖ້ວຍນ້ອຍໃຫ້ພະລັງງານກ່ວາ 1.000 ກາລໍຣີ ຫາກໄດ້ໄຂມັນບໍ່ອີ່ມໂຕ ແລະ ແຮ່ທາດດັ່ງສັງກະສີ, ຊິລິນຽມ, ໂປຕັສຊຽມ ແລະ ແມັກນີຊຽມຈາກຖົ່ວ ແນະນຳໃຫ້ນັບແກ່ນ ເຊັ່ນ : ກິນໝາກຖົ່ວອາວມັອນ ຫລື ຖົ່ວດິນ ມື້ລະ 5 – 10 ແກ່ນ ຈຶ່ງບໍ່ເຮັດໃຫ້ນ້ຳໜັກເພີ່ມ.

- Wave100S AD to Website 2020 0 - ອາຫານເພື່ອສຸຂະພາບທີ່ອາດເຮັດໃຫ້ທ່ານຕຸ້ຍ

– ຂົ້ວຜັກ : ເຖິງວ່າຜັກຈະໃຫ້ພະລັງງານອ່າວໜ້ອຍ, ແຕ່ເມື່ອປຸງແຕ່ງໂດຍການຂົ້ວຈະເຮັດໃຫ້ຮັບພະລັງງານຫລາຍກ່ວາ 300 ກາລໍຣີ ເພາະນ້ຳມັນ 1 ບ່ວງແກງ  (15 ກຣາມ) ໃຫ້ພະລັງງານຫລາຍກ່ວາ 135 ກາລໍຣີ. ຫາກຢາກຫລຸດນ້ຳໜັກ ກິນຜັກຕົ້ມ ຫລື  ຜັກໜຶ້ງດີກ່ວາ ເຊິ່ງຈະໃຫ້ພະລັງງານບໍ່ເຖິງເຄິ່ງໜຶ່ງຂອງຜັກຂົ້ວ.

– ນຳ້ມັນໝາກກອກ : ຫລາຍຄົນເຂົ້າໃຈວ່ານຳ້ມັນໝາກກອກບໍ່ເຮັດໃຫ້ຕຸ້ຍ ຄວາມຈິງແລ້ວໄຂມັນ 1 ກຣາມ ໃຫ້ພະລັງງານ 9 ກາລໍຣີ, ນ້ຳມັນ 1 ບ່ວງແກງ ໃຫ້ພະລັງງານ 135 ກາລໍຣີ ຫາກຈືນໄຂ່ໂດຍນ້ຳມັນໝາກກອກກໍໄດ້ຮັບພະລັງງານບໍ່ແຕກຕ່າງຈາກນ້ຳມັນພືດຊະນິດອື່ນ ພຽງແຕ່ນ້ຳມັນໝາກກອກມີກົດໂອເມກ້າ 9 ຊ່ວຍຫລຸດຄໍເລສເຕີໂຣນ ເຮັດໃຫ້ເສັ້ນເລືອດບໍ່ອັດຕັນ ແລະ ບໍ່ເປັນພະຍາດຫົວໃຈ, ແຕ່ນ້ຳມັນໝາກກອກຈະຫລຸດຄຸນຄ່າເມື່ອຜ່ານຄວາມຮ້ອນ ຈຶ່ງຄວນກິນນ້ຳມັນໝາກກອກໃນຮູບແບບຂອງນ້ຳມັນສະຫລັດ ປະສົມນ້ຳມັນໝາກກອກເຄິ່ງບ່ວງແກງກັບນ້ຳໝາກນາວ ຫລື ນ້ຳສົ້ມສາຍຊູ ເພື່ອເປັນນ້ຳສະຫລັດ ຈຶ່ງຈະບໍ່ຕຸ້ຍ.

- WhatsApp Image 2020 05 27 at 5 - ອາຫານເພື່ອສຸຂະພາບທີ່ອາດເຮັດໃຫ້ທ່ານຕຸ້ຍ
- WhatsApp Image 2020 05 27 at 5 - ອາຫານເພື່ອສຸຂະພາບທີ່ອາດເຮັດໃຫ້ທ່ານຕຸ້ຍ
error: Alert: ເນື້ອຫາຂ່າວມີລິຂະສິດ !!