ເກີດເຫດໄຟໄໝ້ເຮືອນປະຊາຊົນບ້ານຕາດທອງ ຍັງບໍ່ຮູ້ສາເຫດ

- advert banner 728 90 728x90 - ເກີດເຫດໄຟໄໝ້ເຮືອນປະຊາຊົນບ້ານຕາດທອງ ຍັງບໍ່ຮູ້ສາເຫດ

ບ່າຍວັນທີ 23 ກັນຍາຜ່ານມານີ້, ໄດ້ເກີດເຫດໄຟໄໝ້ເຮືອນປະຊາຊົນຫລັງໜຶ່ງ ຢູ່ບ້ານຕາດທອງ, ເມືອງສີໂຄດຕະບອງ ນະຄອນຫລວງວຽງຈັນ ຊຶ່ງເປັນເຮືອນ 2 ຊັ້ນ, ເທິງໄມ້ລຸ່ມກໍ່, ຊຶ່ງກຳລັງເຈົ້າໜ້າທີ່ມອດໄຟ ໄດ້ໃຊ້ເວລາປະມານ 30 ນາທີ ຈຶ່ງສາມາດສະກັດກັ້ນໄຟໄໝ້ດັ່ງກ່າວໄດ້ ສົ່ງຜົນໃຫ້ເຮືອນ ແລະ ເຄື່ອງໃຊ້ຕ່າງໆຖືກໄຟໄໝ້ກ້ຽງ ແລະ ປັດຈຸບັນເຈົ້າໜ້າທີ່ຍັງບໍ່ສາມາດຮູ້ສາເຫດຂອງການເກີດເຫດໄຟໄໝ້ໄດ້ເທື່ອ, ຊຶ່ງພວມເລັ່ງສືບສວນ-ສອບສວນເພື່ອຮູ້ສາເຫດຂອງໄຟໄໝ້ດັ່ງກ່າວໃຫ້ໄດ້ໂດຍໄວ.

- new3 - ເກີດເຫດໄຟໄໝ້ເຮືອນປະຊາຊົນບ້ານຕາດທອງ ຍັງບໍ່ຮູ້ສາເຫດ

ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພ ນະຄອນຫລວງວຽງຈັນ ເຕືອນວ່າ: ອັກຄີໄພ ສາມາດເກີດຂຶ້ນໄດ້ທຸກເວລາ, ຖ້າພວກເຮົາຂາດສະຕິໃນການຊົມໃຊ້ຟືນໄຟໃນຄົວເຮືອນ, ໂດຍສະເພາະ ເຄື່ອງໃຊ້ໄຟຟ້າ ແລະ ລະບົບສາຍໄຟ ຖ້າເຫັນເກົ່າແກ່ ກໍຈະຕ້ອງໄດ້ປ່ຽນຖ່າຍ ແລະ ການຈູດທູບທຽນບູນຊາຕ້ອງມີສະຕິ ເພື່ອປ້ອງກັນ ການເກີດອັກຄີໄພຄືພຽງ 7 ເດືອນກວ່າຜ່ານມາ ຢູ່ນະຄອນຫລວງວຽງຈັນ ມີອັກຄີໄພເກີດຂຶ້ນຫລາຍກວ່າ 40 ກໍລະນີ, ມີມູນຄ່າເສຍຫາຍປະມານ 100 ຕື້ກີບ ແລະ ມີຜູ້ເສຍຊີວິດ 1 ຄົນ, ໃນນັ້ນ ກໍລະນີຮ້າຍແຮງທີ່ສຸດ ແມ່ນໄຟໄໝ້ຕະຫລາດຊັງຈຽງ ໃນເດືອນກໍລະກົດຜ່ານມານີ້, ຮອງລົງມາແມ່ນເຫດການໄຟໄໝ້ຕະຫລາດດົງໂດກ, ອັນໄດ້ສົ່ງຜົນເສຍຫາຍຢ່າງຫລວງຫລາຍຄື: ມີຫ້ອງຂາຍເຄື່ອງ 158 ຫ້ອງ, ເຮືອນ 13 ຫລັງ ແລະ ໂຮງສີເຂົ້າອື່ນໆອີກ ແລະ ປີ 2016 ຜ່ານມານ ມີເຫດການໄຟໄໝ້ເກີດຂຶ້ນ 75 ກໍລະນີ.

- lattana 1 - ເກີດເຫດໄຟໄໝ້ເຮືອນປະຊາຊົນບ້ານຕາດທອງ ຍັງບໍ່ຮູ້ສາເຫດ

ເກີດໄຟ​ໄໝ້ເຮືອນຢູ່ບ້ານໂພນຕ້ອງຍ້ອນໃຕ້ທຽນບູຊາ

error: Content is protected !!