ຕໍາຫລວດແຂວງບໍ່ແກ້ວຈັບຜູ້ຄ້າຂາຍຢາເສບຕິດລາຍໃຫຍ່

- advert banner 728 90 728x90 - ຕໍາຫລວດແຂວງບໍ່ແກ້ວຈັບຜູ້ຄ້າຂາຍຢາເສບຕິດລາຍໃຫຍ່

ປກສ ແຂວງບໍ່ແກ້ວ ລາຍງານວ່າ: ເມື່ອບໍ່ດົນມານີ້, ກຳລັງເຈົ້າໜ້າທີ່ຂອງຕົນສາມາດຈັບຕົວຜູ້ຄ້າຢາເສບຕິດລາຍໃຫຍ່ໄດ້ 2 ຄົນຄື: ທ້າວ ກົວ​ເນັ່ງ​ຊົງ ອາຍຸ 31 ປີຢູ່​ບ້ານ​ຊາງ ​ເມືອງ​ນ້ຳບາກ​ ແຂວງຫລວງ​ພະ​ບາງ ​ແລະ ​ທ້າວ ຍົ່ງຍີ່​ວື ອາຍຸ 29 ປີ ຢູ່​ບ້ານ​ໂພນ​ສະຫວັນ ​ເມືອງ​ແປກ​ ແຂວງ​ຊຽງ​ຂວາງ, ພ້ອມຂອງກາງຢາເສບຕິດປະເພດເຮໂຣອິນ 48 ແທ່ງ ມາດໍາເນີນຄະດີຕາມລະບຽບກົດໝາຍ.

ເຈົ້າໜ້າທີ່ ໃຫ້ຮູ້ວ່າ: ພາຍຫລັງມີພົນລະເມືອງດີແຈ້ງໃຫ້ຊາບວ່າຈະມີການລັກລອບຂົນສົ່ງຢາເສບຕິດຈໍານວນຫລາຍຈາກແຂວງບໍ່ແກ້ວໄປແຂວງຫລວງພະບາງ ຈຶ່ງໄດ້ຈັດກໍາລັງລົງຕັ້ງດ່ານກວດກາຕາມສາຍທາງຕ່າງໆ ແລະ ພົບເປົ້າໝາຍລົດເກັງອີແລນຕາສີຂາວບໍ່ມີປ້າຍທະບຽນແລ່ນມາດ້ວຍຄວາມໄວເຈົ້າໜ້າທີ່ປະຈໍາດ່ານ​ກວດໃນເສັ້ນທາງເຂດ​ບ້ານ​ນາຫລວງ​ ເມືອງ​ຫ້ວຍ​ຊາຍ ຈຶ່ງໄດ້ຢຸດລົດເພື່ອກວດກາ​ ແລະ ພົບ​ເຫັນ​ຢາ​ເສບ​ຕິດດັ່ງກ່າວຊຸກ​ເຊື່ອງ​ໃນ​ລົດ, ພ້ອມ​ໂທລະສັບ​ມື​ຖື 2 ໜ່ວຍ, ປຶ້ມບັນຊີ​ທະນາຄານ 1 ຫົວ, ປຶ້ມພາດ​ສະປອດ 1 ຫົວ ແລະ ເຄື່ອງຕິດຕົວອີກຈຳນວນໜຶ່ງ ຈຶ່ງໄດ້ຈັບ​ຕົວ​ຜູ້ຕ້ອງສົງໄສ, ສ່ວນ​ຜູ້ຍິງຄົນໜຶ່ງ​ທີ່ນັ່ງ​ມາ​ນຳ​ກັນ​ແມ່ນສາມາດ​ເອົາ​ຕົວຫລົບໜີ​ໄປໄດ້ໃນຂະນະເຈົ້າໜ້າທີ່ພວມສຸມໃສ່ກວດຄົ້ນລົດດັ່ງກ່າວ.

- 1 1 - ຕໍາຫລວດແຂວງບໍ່ແກ້ວຈັບຜູ້ຄ້າຂາຍຢາເສບຕິດລາຍໃຫຍ່
- lattana 1 - ຕໍາຫລວດແຂວງບໍ່ແກ້ວຈັບຜູ້ຄ້າຂາຍຢາເສບຕິດລາຍໃຫຍ່

ຜ່ານ​ການ​ສືບສວນ-ສອບ​ສວນຂອງເຈົ້າໜ້າທີ່ ພວກກ່ຽວຮັບສາລະພາບວ່າ: ຢາເສບຕິດດັ່ງກ່າວແມ່ນເອົາມາ​ຈາກຂະບວນການຄ້າຢາເສບຕິດຢູ່ປະເທດ​ມຽນມາ ​ເພື່ອຈະ​​ໄປ​ສົ່ງ​ໃຫ້ຜູ້ສັ່ງຊື້ຢູ່​ແຂວງຫລວງ​ພະ​ບາງ, ​ແຕ່​ຖືກ​ເຈົ້າໜ້າທີ່ຈັບ​ຕົວ​ກ່ອນ ແລະ ຄະດີຢາເສບຕິດລາຍນີ້, ປັດຈຸບັນກຳລັງເຈົ້າໜ້າທີ່ພວມຂະຫຍາຍຜົນຫາຜູ້ຮ່ວມຂະບວນການເພື່ອຈັບຕົວມາດໍາເນີນຄະດີໃຫ້ໄດ້ໂດຍໄວ.

error: Content is protected !!