ລາວ​ເລັ່ງສົ່ງ​ເສີມ ​ແລະ ​ຄຸ້ມ​ຄອງ​ການ​ລົງທຶນ​ພາກ​ເອກະ​ຊົນ

- advert banner 728 90 728x90 - ລາວ​ເລັ່ງສົ່ງ​ເສີມ ​ແລະ ​ຄຸ້ມ​ຄອງ​ການ​ລົງທຶນ​ພາກ​ເອກະ​ຊົນ

ກອງ​ປະຊຸມ​ຄົບ​ຄະນະ​ກຳມະການ​ສົ່ງ​ເສີມ ​ແລະ ຄຸ້ມຄອງ​ການ​ລົງທຶນຂັ້ນ​ສູນ​ກາງ ຮ່ວມ​ກັບ​ບັນດາ​ແຂວງ ​ແລະ ນະຄອນຫລວງ​ວຽງຈັນ ​ໄດ້​ຈັດ​ຂຶ້ນ​​ເປັນ​ຄັ້ງ​ປະຖົມ​ມະ​ລືກ ​ໃນ​ວັນ​ທີ 22 ກັນຍານີ້ ທີ່​ນະຄອນຫລວງ​ວຽງຈັນ ເພື່ອ​ປຶກສາ​ຫາລື ​ແລະ ​ແລກປ່ຽນຄຳ​ຄິດ​ເຫັນກ່ຽວກັບ​ສະພາບ​ການ​ລົງທຶນພາກ​ເອກະ​ຊົນທັງ​ພາຍ​ໃນ ​ແລະ ຕ່າງປະ​ເທດ ​ເປັນ​ຕົ້ນ​ແມ່ນ​ຂອດ​ປະສານ​ງານ-​ຄຸ້ມ​ຄອງລະຫວ່າງ​ສູນ​ກາງ ​ແລະ ທ້ອງ​ຖິ່ນ ລວມທັງ​ການ​ຕິດຕາມ​ກວດກາ ​ແລະ ການ​ປະຕິບັດ​ຂອບ​ເຂດ​ສິດ​ໃນ​ການ​ອະນຸຍາດ​ລົງ​ທຶນ ​ໃຫ້​ມີ​ຄວາມ​ເປັນ​ເອກະ​ພາບ ​ແລະ ສາມາດ​ຊຸກຍູ້​ສົ່ງ​ເສີມ​ໃຫ້​ພາກ​ທຸລະ​ກິດມີ​ຄວາມກ້າວໜ້າຂະຫຍາຍຕົວ.

- new3 - ລາວ​ເລັ່ງສົ່ງ​ເສີມ ​ແລະ ​ຄຸ້ມ​ຄອງ​ການ​ລົງທຶນ​ພາກ​ເອກະ​ຊົນ

​ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ, ປະທານຄະນະ​ກຳມະການ​ສົ່ງ​ເສີມ ​ແລະ ຄຸ້ມຄອງ​ການ​ລົງທຶນຂັ້ນ​ສູນ​ກາງ ກ່າວ​ວ່າ: ​ເນື່ອງ​ຈາກ​ແຜນ​ພັດທະນາ​ເສດຖະກິດ-​ສັງຄົມ 5 ປີ ຄັ້ງ​ທີ VIII ຂອງ​ລັດຖະບານມີ​ອັດຕາ​ການ​ເຕີບ​​​​ໃຫຍ່​ສູງ ສະ​ເລັ່ຍບໍ່ຫລຸດ 7,5% ​ແລະ ຕ້ອງການ​ງົບປະມານ​ໃນ​ການ​ພັດທະນາ​ເປັນ​ຈຳນວນ​ຫລາຍ​ ຄື​ຢ່າງ​ໜ້ອຍ 28 ຕື້​ໂດ​ລາ​ສະຫະລັດ ​ເທົ່າ​ກັບ 30% ຂອງຈີ​ດີ​ພີ, ​ໃນ​ນັ້ນ ວຽກງານ​ການ​ສົ່ງ​ເສີມ​ການ​ລົງທຶນພາກ​ເອກ​ະຊົນພາຍ​ໃນ ​ແລະ ຕ່າງປະ​ເທດຄາດໝາຍຕ້ອງ​ໃຫ້​ໄດ້​ປະມານ 54-58% ຫລື 15-16 ຕື້​ໂດ​ລາ​ສະຫະລັດ ຂອງ​ຄວາມ​ຕ້ອງການ​ງົບປະມານ​ດັ່ງກ່າວ ເຊິ່ງ​ເຫັນ​ໄດ້​ວ່າສິ່ງ​ນີ້​ເປັນ​ສິ່ງ​ທ້າ​ທາຍຫລາຍ ​​ເພື່ອ​ກະຕຸກຊຸກຍູ້​ເສດຖະກິດ​ຂອງປະ​ເທດ​ຂະຫຍາຍຕົວ. ດັ່ງນັ້ນ ລັດຖະບານຈຶ່ງ​ໄດ້​ຊີ້​ນຳ​ຢ່າງ​ໃກ້ຊິດໃນ​ການ​ປັບປຸງ​ກົດໝາຍການ​ລົງທຶນ ​​ແລະ ​ແຕ່ງ​ຕັ້ງ​ຄະນະ​ກຳມະການຄຸ້ມ​ຄອງ​ບໍລິການ​ລົງທຶນ​ຜ່ານ​ປະຕູ​ດຽວ ​ເພື່ອ​ເຮັດໃຫ້​ການ​ລົງທຶນມີ​ຄວາມ​ສະດວກ​, ວ່ອງ​ໄວ, ​ໂປ່​ງ​ໃສ ​ແລະ ຖືກຕ້ອງ ທັງ​ໄດ້​ຮັບ​ການ​ປົກ​ປ້ອງ​ໃນດ້ານ​ຕ່າງ​ໆ ​ແນ​ໃສ່​ຮັບປະກັນ​ສິດ ​ແລະ ຜົນ​ປະ​ໂຫຍ​ດຂອງ​ຜູ້​ລົງທຶນ, ຂອງ​ລັດ, ຂອງ​ລວມໝູ່ ​ແລະ ຂອງ​ປະຊາຊົນ​ໃຫ້​ສາມາດ​ເຊື່ອມ​ໂຍງ​ເຂົ້າ​ກັບ​ເສດຖະກິດພາກພື້ນ ​ແລະ ສາກົນ​ໄດ້​ເທື່ອ​ລະ​ກ້າວ.

- lattana 1 - ລາວ​ເລັ່ງສົ່ງ​ເສີມ ​ແລະ ​ຄຸ້ມ​ຄອງ​ການ​ລົງທຶນ​ພາກ​ເອກະ​ຊົນ

ທ່ານ ສຸພັນ ​ແກ້ວ​ມີ​ໄຊ ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ ​ໃຫ້​ຮູ້​ວ່າ: ປັດຈຸບັນ ບັນດາ​ຂະ​ແໜງການ​ຕ່າງໆ​ຂອງ​ລາວ ນັບ​ແຕ່ຂັ້ນ​ສູນ​ກາງ ​ແລະ ທ້ອງ​ຖິ່​ນ ສາມາດ​ດຶງ​ດູດ​ການ​ລົງທຶນ​ພາກ​ເອກະ​ຊົນພາຍ​ໃນ ​ແລະ ຕ່າງປະ​ເທດ​​ໄດ້​ດີ​ສົມຄວນ ເຊິ່ງ​ເຫັນ​ວ່າການຈັດ​ຕັ້ງ​ປະຕິບັດ​ໃນ​ໄລຍະ​ເກືອບ 2 ປີຜ່ານມາ ​ໄດ້ບັນລຸ​ຄາດໝາຍ 2,4 ຕື້ໂດ​ລາ​ສະຫະລັດຕໍ່ປີ.

error: Content is protected !!