ສະພາບນ້ຳຖ້ວມທາງໃນຕົວເມືອງຫຼວງ ຈະແກ້ໄຂແນວໃດ ?

- advert banner 728 90 728x90 - ສະພາບນ້ຳຖ້ວມທາງໃນຕົວເມືອງຫຼວງ ຈະແກ້ໄຂແນວໃດ ?

- index - ສະພາບນ້ຳຖ້ວມທາງໃນຕົວເມືອງຫຼວງ ຈະແກ້ໄຂແນວໃດ ?

- new3 - ສະພາບນ້ຳຖ້ວມທາງໃນຕົວເມືອງຫຼວງ ຈະແກ້ໄຂແນວໃດ ?

ໂດຍ: ທ່ຽງ​ທຳ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ວານ​ນີ້​ຫຼາຍ​ຄົນ​ຢູ່​ນະຄອນຫຼວງ​ວຽງ​ຈັນ​ຕ້ອງ​ຜະ​ເຊີນ​ກັບ​ສະພາບ​ນ້ຳອັ່ງ​ຂັງ ​ແລະ ຖ້ວມ​ເສັ້ນທາງ​ຫຼາຍ​ຈຸດ ຍ້ອນ​ຝົນຕົກ​ໜັກ​ເກືອບ​ໝົດ​ມື້ ​ແລະ ​ເຮັດ​ໃຫ້ການ​ລະບາຍ​ນ້ຳອອກ​ບໍ່​ທັນ ​ເຊິ່ງຮ້າຍ​ແຮງ​ທີ່​ສຸດ​ແມ່ນ​ເສັ້ນທາງ​ເບື້ອງຫຼັງ​ຫໍ​ວັດທະນະທຳ ​ແລະ ​ເຂດ​ໄຟ​ແດງ​ຖະໜົນ​ລ້ານ​ຊ້າງ​ຕັດ​ອອກ​ທາດ​ຝຸ່ນ, ​ເຂດ​ສາຍ​ລົມ ​ແລະ ຫຼາຍ​ເຂດ​ພື້ນທີ່​ຕໍ່າ​ດັ່ງ​ທາງ​ຕັດ​ໃໝ່​ໂພນ​ສີນ​ວນ, ​ໄຟ​ແດງ​ທາດຫຼວງ ​ແລະ ອື່ນໆ ສົ່ງ​ຜົນ​ໃຫ້ການ​ສັນຈອນ​ໄປມາ​ພົບ​ຄວາມ​ຫຍຸ້ງຍາກ ​ແລະ ​ເປັນ​ເງື່ອນ​ໄຂ​ຫຼັກ​ທີ່​ເຮັດ​ໃຫ້​ເສັ້ນທາງ​ເປ່​ເພ​ໄດ້​ງ່າຍ ​ແລະ ບັນຫາ​ນີ້​ກໍ​ມັກ​ເກີດ​ຂຶ້ນ​ເລື້ອຍໆ ​ແລະ ​ແກ່ຍາວ​ມາ​ຫຼາຍ​ປີ​ແລ້ວ, ​ແຕ່​ຍັງ​ແກ້​ບໍ່​ຕົກ. ຜູ້ມີ​ປະສົບ​ການ​ຫຼາຍ​ຄົນ​ໃຫ້​ຂໍ້​ສັງ​ເກດ​ວ່າ: ບັນຫາ​ຫຼັກ​ແມ່ນ​ຮ່ອງ​ລະບາຍ​ນ້ຳຢູ່​ຫຼາຍ​ເສັ້ນທາງ​ຍັງ​ບໍ່​ມາດຕະຖານ ​ແລະ ມີ​ຄວາມ​ສ່ຽງ​ໃຫ້​ເກີດ​ການ​ອຸດ​ຕັນ​ໄດ້​ງ່າຍ, ອັນ​ສອງ​ແມ່ນ​ຈາກ​ການ​ຄວບ​ຄຸມ​ການ​ກໍ່ສ້າງ​ຕຶກ​ອາຄານ​ຕ່າງໆ​ໃນ​ຕົວ​ເມືອງ​ຍັງ​ບໍ່​ເຂັ້ມງວດ ​ເອົາ​ແຕ່​ຜູ້​ຈະ​ເຮັດ​ຜູ້​ຈະ​ສ້າງ ​ແລະ ການ​ຖົມ​ດິນ​ດອນ​ຕ່າງໆ​ກໍ​ຍັງ​ເຮັດ​ຕາມ​ໃຈ, ບ່ອນ​ສູງ​ກໍ​ສູງ​ໂພດ ​ແລະ ​ເປ​ັນ​ໂອກາດ​ໃຫ້​ເກີດ​ສະພາບ​ນ້ຳຖ້ວມ​ນ້ຳຂັງ​ໄດ້​ງ່າຍ ຂໍ​ພຽງ​ມີ​ຝົນຕົກ​ລົງ​ມາ​ແຮງ​ແດ່​ກໍ​ເກີດ​ນ້ຳຖ້ວມ​ທາງ​ໂລດ. ສິ່ງ​ນີ້​ມັນ​ສົ່ງ​ຜົນ​ກະທົບ​ໜັກ​ຕໍ່​ອາຍຸ​ການ​ໃຊ້​ງານ​ຂອງ​ເສັ້ນທາງ ​ແລະ ​ເປ່​ເພ​ໄດ້ງ່າຍ ​ແລະ ພວກ​ເຮົາ​ຈະ​ມີ​ມາດ​ຕະການ​ແກ້​ໄຂ​ແນວ​ໃດ ? ອັນ​ນີ້​ອາດ​ເປັນ​ຄຳ​ຖາມ​ຕັ້ງ​ໄວ້ ​ເພື່ອ​ໃຫ້​ຜູ້​ຊ່ຽວຊານ ​ແລະ ນັກວິຊາການ​ຂະ​ແໜງ​ການ​ກ່ຽວຂ້ອງ​ເພິ່ນ​ຈະ​ເປັນ​ຜູ້​ແກ້​ໄຂ.

- lattana 1 - ສະພາບນ້ຳຖ້ວມທາງໃນຕົວເມືອງຫຼວງ ຈະແກ້ໄຂແນວໃດ ?
error: Content is protected !!