ຊາວເຄີຣດຢູ່ອີຣັກລົງ ປະຊາມະຕິແຍກປະເທດ

- advert banner 728 90 728x90 - ຊາວເຄີຣດຢູ່ອີຣັກລົງ ປະຊາມະຕິແຍກປະເທດ

- iraq kurdish 7591 - ຊາວເຄີຣດຢູ່ອີຣັກລົງ ປະຊາມະຕິແຍກປະເທດ

ຊາວ​ອີຣັກ​ເຊື້ອສາຍ​ເຄິຣດ ​ເຊິ່ງອາ​ໄສ​ຢູ່​ໃນ​ເຂດ​ປົກຄອງ​ຕົນ​ເອງ​ທາງ​ພາກ​ເໜືອ ຈັດການ​ລົງ​ປະຊາ​ມະຕິ​ໃນ​ວັນ​ທີ 25 ກັນຍາ​ນີ້ ​ເພື່ອ​ປູ​ທາງ​ໄປ​ສູ່​ການ​ແຍກ​ຕົວ​ອອກ​ເປັນ​ປະ​ເທດ​ເອກະລາດ. ຂະນະ​ທີ່​ລັດຖະບານ​ອີຣັກຢູ່​ນະຄອນຫຼວງ​ແບກ​ແດດ​ຂູ່​ຈະ​ຢຶດລາຍ​ໄດ້​ຈາກ​ນ້ຳມັນ ​ເຊິ່ງ​ເປັນ​ລາຍ​ໄດ້​ຕົ້ນຕໍ​ຂອງ​ຊາວ​ເຄິຣດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫຼວງ​ແບກ​ແດດ ປະ​ເທດ​ອີຣັກ ​ໃນ​ວັນ​ທີ 25 ກັນຍາ​ວ່າ: ຊາວ​ອີຣັກ​ເຊື້ອສາຍ​ເຄິຣດ​ເລີ່​ມ​ໃຊ້​ສິດ​ໃນ​ການ​ລົງ​ປະຊາ​ມະຕິ​ເອກະລາດ​ໃນ​ວັນ​ທີ 25 ກັນຍາ ​ໂດຍ​ບໍ່​ສົນ​ຄຳ​ເຕືອນ​ຂອງ​ລັດຖະບານ​ອີຣັກທີ່​ຈະ​ດຳ​ເນີນ​ມາດ​ຕະການ​ຕ່າງໆ ​ເພື່ອ​ປົກ​ປ້ອງ​ຄວາມ​ເປັນ​ເອກະລາດ​ຂອງ​ປະ​ເທດ ​ແລະ ຂູ່​ຢຶດລາຍ​ໄດ້​ຈາກ​ນ້ຳມັນ​ທີ່​ລ້ຽງ​ປະຊາຊົນ​ຊາວ​ເຄິຣດ, ພ້ອມ​ກັບ​ຮຽກຮ້ອງ​ປະ​ເທດ​ຕ່າງໆ​ໃຫ້​ຢຸດ​ນຳ​ເຂົ້ານ້ຳມັນ​ໂດຍ​ກົງ​ຈາກ​ເຂດ​ປົກຄອງ​ຕົນ​ເອງ​ຊາວ​ເຄິຣດ.

- 1 1 - ຊາວເຄີຣດຢູ່ອີຣັກລົງ ປະຊາມະຕິແຍກປະເທດ
- Tiger Head 728x90 - ຊາວເຄີຣດຢູ່ອີຣັກລົງ ປະຊາມະຕິແຍກປະເທດ

​ເຖິງ​ວ່າການ​ລົງ​ປະຊາ​ມະຕິ​ຄັ້ງນີ້​ບໍ່​ມີ​ຜົນ​ຜູກ​ພັນ​ທາງ​ກົດໝາຍ, ​ແຕ່​ເປັນຄວາມ​ຝັນ​ຂອງ​ຊາວ​ເຄິຣດທີ່​ຕ້ອງການ​ມີ​ປະ​ເທດ​ຂອງ​ຕົນ​ເອງ ​ເຊິ່ງການ​ລົງ​ປະຊາ​ມະຕິ​ດັ່ງກ່າວ​ມາ​ຈາ​ກ​ແນວ​ຄິດ​ຂອງ​ທ່ານ ມາສຊູດ ບາ​ຊາ​ນີ ຜູ້ນຳ​ຊາວ​ເຄິຣດ ​ແລະ ບໍ່​ພຽງ​ແຕ່​ສ້າງ​ຄວາມ​ບໍ່ພໍ​ໃຈ​ໃຫ້​ແກ່​ລັດຖະບານ​ກາງ​ອີຣັກ ຍັງ​ເຮັດ​ໃຫ້​ຕວກກີ ​ແລະ ອີຣານ ສອງ​ປະ​ເທດ​​ໃກ້​ຄຽງ​ສະ​ແດງ​ຄວາມ​ກັງວົນ​ວ່າ: ການ​ລົງ​ປະຊາ​ມະຕິ​ຂອງ​ຊາວ​ເຄິຣດ​ຢູ່​ອີຣັກ ອາດ​ໄປ​ກະ​ຕຸ້ນ​ໃຫ້​ຊາວ​ເຄິຣດຢູ່​ຕວກກີ​ກັບ​ອີຣານ ຈັດ​ລົງ​ປະຊາ​ມະຕິ​ວ່າ​ດ້ວຍ​ການ​ເປັນ​ເອກະລາດ​ເຊັ່ນ​ດຽວ​ກັນ.

error: Content is protected !!