ລາວ-ຈີນ ​ແລກປ່ຽນ​ບົດຮຽນດ້ານ​ການ​ຄ້າ​-ການ​ລົງທຶນ

- advert banner 728 90 728x90 - ລາວ-ຈີນ ​ແລກປ່ຽນ​ບົດຮຽນດ້ານ​ການ​ຄ້າ​-ການ​ລົງທຶນ

ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ​ລາວຮ່ວມ​ກັບ​ບໍລິສັດ​ສະຫວັນ​ຊິ​ດຕີຈຳກັດ ​ຈັດ​ເວທີ​ປຶກສາ​ຫາລື​ແລກປ່ຽນ​ບົດຮຽນດ້ານ​ການ​ຄ້າ-ການ​ລົງທຶນ ​ແລະ ​ວັດທະນະທຳສາກົນລາວ-ຈີນ​​ໜຶ່ງ​ແລວ​ທາງ​ໜຶ່ງ​ເສັ້ນທາງ​ເປີດ​ປະຕູ​ຄຳສູ່​ເສັ້ນທາງ​ສາຍ​ວັດທະນະທຳລາວ ​ຂຶ້ນໃນ​ວັນ​ທີ 25 ກັນຍານີ້ທີ່ນະຄອນຫລວງ​ວຽງ​ຈັນ, ​ໂດຍ​ມີທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ເງິນ, ມີ​​ຜູ້ຕາງໜ້າ​ຈາກ​ພາກ​ລັດ, ພາກ​ທຸລະ​ກິດ ລາວ ​ແລະ ສປຈີນ ​ເຂົ້າ​ຮ່ວມຈໍານວນຫລາຍ.

- new3 - ລາວ-ຈີນ ​ແລກປ່ຽນ​ບົດຮຽນດ້ານ​ການ​ຄ້າ​-ການ​ລົງທຶນ

​​ການ​ແລກປ່ຽນ​ບົດຮຽນດັ່ງກ່າວ, ​ເປັນ​ໂອກາດ​ອັນ​ດີ​ໃຫ້​ແກ່ນັກທຸລະກິດ​ທັງ​ສອງ​ປະ​ເທດລາວ-ຈີນ ​​ໄດ້​ມີ​ໂອກາດ​ພົບປະ​ແລກ​ປ່ຽນບົດຮຽນ ແລະ ປະສົບການທາງ​ດ້ານ​ການ​ຄ້າ​ການ​ລົງທຶນ​ເຊິ່ງກັນ ​ແລະ ກັນ, ເປີດໂອກາດໃຫ້ມີການພົວພັນ​ທາງ​ດ້ານ​ທຸລະ​ກິດ​ໃນຂະ​ແໜງ​ການ ແລະ ​ເປັນ​​ໂອ​ກາດ​ໃຫ້​​ລາວ ສາມາດຂະຫຍາຍ​ຕະຫລາດ​ຂອງ​ຕົນ​ໄປ​ຍັງ ສປຈີນ ແລະ ສາມາດດຶງດູດການລົງທຶນຂອງຈີນເຂົ້າມາລາວຫລາຍ​ຂຶ້ນ.

ປັດຈຸບັນການ​ລົງທຶນຂອງ ສປຈີນ ຢູ່ ສປປ ລາວ ​ແມ່ນ​ມີ​ຈຳນວນ​ມະຫາສານ ກວມ​ເອົາ​ທຸກ​ຂົງ​ເຂດ ເຊັ່ນ: ​ດ້ານ​ພະລັງງານ​ໄຟຟ້າ, ບໍ່​ແຮ່, ການ​ເງິນ, ທະນາຄານ, ສູນ​ການ​ຄ້າ​, ​ເຂດ​ເສດຖະກິດ​ພິ​ເສດ, ກະສິກຳ, ​ໂຮງ​ແຮມ, ຮ້ານ​ອາຫານ ​ແລະ ອື່ນໆ. ​ໃນ​ນັ້ນ, ການ​ຮ່ວມ​ມື​ໃນ​ຂະ​ແໜງ​ພະລັງງານ ​ແລະ ບໍ່​ແຮ່ ​ເປັນ​ຂະ​ແໜງ​ການ​ໜຶ່ງທີ່ ສປຈີນ ​ໃຫ້​ຄວາມ​ສົນ​ໃຈ​ຫລາຍ ​ແລະ ​ໄດ້​ໃຫ້ການ​ສະໜັບສະໜູນ​ດ້ານ​ຕ່າງໆ.

- lattana 1 - ລາວ-ຈີນ ​ແລກປ່ຽນ​ບົດຮຽນດ້ານ​ການ​ຄ້າ​-ການ​ລົງທຶນ

​​ໃນໂອກາດ​ດຽວ​ກັນ, ກໍ​ໄດ້​ມີ​ພິທີ​ເຊັນ​ບົດບັນທຶກ​ຄວາມ​ເຂົ້າ​ໃຈ (MOU) ກ່ຽວ​ກັບ​ການ​ຮ່ວມ​ມືດ້ານກາ​ນຄ້າ-ການ​ລົງ​ທຶນ​ຢູ່​ເຂດ​ເສດຖະກິດ​ພິ​ເສດສະຫວັນ​-​ເຊ​ໂນລະຫວ່າງສະພາ​ການ​ຄ້າ ​ແລະ ອຸດສາຫະກຳແຫ່ງ​ຊາດ​ລາວ ກັບບໍລິສັດ​ສະຫວັນ​ຊິດ​ຕີ ຈຳກັດ ​ແລະ ສະພາ​ການ​ຄ້າ​ຊາວ​ຈີນທີ່ຢູ່​ຕ່າງປະ​ເທດ.

 

error: Content is protected !!