ກິນຢາຄຸມກຳເນີດແນວໃດຈຶ່ງບໍ່ຕຸ້ຍ ?

- advert banner 728 90 728x90 - ກິນຢາຄຸມກຳເນີດແນວໃດຈຶ່ງບໍ່ຕຸ້ຍ ?

– ເປັນຫຍັງກິນຢາຄຸມກຳເນີດແລ້ວຈຶ່ງຕຸ້ຍ ?

- new3 - ກິນຢາຄຸມກຳເນີດແນວໃດຈຶ່ງບໍ່ຕຸ້ຍ ?

ກ່ອນອື່ນຕ້ອງເຮັດຄວາມເຂົ້າໃຈຮ່ວມກັນກ່ອນວ່າການກິນຢາຄຸມກຳເນີດແລ້ວບໍ່ຕຸ້ຍນັ້ນເປັນສິ່ງທີ່ເປັນໄປໄດ້ຍາກ ເນື່ອງຈາກຢາຄຸມກຳເນີດສົ່ງຜົນກະທົບໂດຍກົງຕໍ່ລະດັບຮໍໂມນໃນຮ່າງກາຍ ສົ່ງຜົນຂ້າງຄຽງເຮັດໃຫ້ນຳ້ໜັກໂຕເພີ່ມຫລາຍຂຶ້ນ ແລະ ເກີດອາການບວມນຳ້ ເຊິ່ງເປັນສາເຫດສຳຄັນທີ່ເຮັດໃຫ້ເກີດຄວາມຕຸ້ຍຂຶ້ນເມື່ອກິນຢາຄຸມກຳເນີດຕິດຕໍ່ກັນດົນໆ.

– ວິທີແກ້ໄຂເມື່ອກິນຢາຄຸມກຳເນີດແລ້ວຕຸ້ຍຂຶ້ນ : ບັນຫາຄວາມຕຸ້ຍທີ່ເກີດຂຶ້ນຈາກຢາຄຸມກຳເນີດວິທີແກ້ໄຂທີ່ດີສຸດແມ່ນການປ່ຽນຊະນິດຂອງຢາຄຸມກຳເນີດໃຫ້ມີຄວາມເໝາະສົມກັບລະດັບຮໍໂມນໃນຮ່າງກາຍຂອງໂຕທ່ານ ສຳລັບວິທີການເລືອກຢາຄຸມກຳເນີດໃຫ້ບໍ່ຕຸ້ຍສາມາດເຮັດໄດ້ງ່າຍໆດັ່ງນີ້ :

- lattana 1 - ກິນຢາຄຸມກຳເນີດແນວໃດຈຶ່ງບໍ່ຕຸ້ຍ ?
  1. ເລືອກຢາຄຸມກຳເນີດທີ່ມີລະດັບຮໍໂມນຕໍ່າໆ : ໂດຍສາມາດສັງເກດປະລິມານຂອງຮໍໂມນໄດ້ຈາກສ່ວນປະສົມຂ້າງແຜງຂອງຢາຄຸມ ເນື່ອງຈາກຢາຄຸມທີ່ມີປະລິມານຮໍໂມນສູງໆຈະສົ່ງຜົນຂ້າງຄຽງອ່າວຫລາຍ ເຊັ່ນ : ອາການວິນຫົວປວດຮາກ ລວມໄປເຖິງນຳ້ໜັກໂຕທີ່ເພີ່ມຫລາຍຂຶ້ນຈາກອາການບວມນຳ້ນຳອີກ, ແຕ່ຖ້າທ່ານມີລະດັບຮໍໂມນຕໍ່າຢູ່ແລ້ວ ກໍຄວນຈະເລືອກກິນຢາຄຸມໃນລະດັບສູງຂຶ້ນ ເພື່ອໃຫ້ຮ່າງກາຍເກີດຄວາມດຸ່ນດ່ຽງຫລາຍຂຶ້ນ.
  2. ຫລີກເວັ້ນຢາຄຸມກຳເນີດທີ່ມີໂຕຢາ Desogestrel 0.15 mg : ເນື່ອງຈາກເປັນສ່ວນປະສົມຂອງໂຕຢາທີ່ມັກໃຊ້ໃນຢາຄຸມກຳເນີດສຳລັບແມ່ຍິງທີ່ຕ້ອງການເພີ່ມຂະໜາດເຕົ້ານົມ ເຊິ່ງມັກຈະມີຜົນຂ້າງຄຽງຄ້າຍຄືກັບຄົນທີ່ຖືພາ ຄື ອວບຂຶ້ນ ແລະ ມີອາການເບັງເຕົ້ານົມ. ສຳລັບແມ່ຍິງທີ່ບໍ່ຢາກຕຸ້ຍຄວນກິນຢາຄຸມທີ່ມີສ່ວນປະສົມຂອງຢາ Desogestrel ໃນປະລິມານບໍ່ເກີນ 0,05 mg.
  3. ຢາຄຸມກຳເນີດທີ່ມີໂຕຢາ Drospirenone : ຈະມີລິດໃນການໄລ່ນຳ້ຍ່ຽວ ແລະ ເກືອແຮ່ສູງ ຈຶ່ງຫລຸດຜົນຂອງອາການ ບວມນຳ້ ແລະ ອາການເບັງເຕົ້ານົມໄດ້ຫລາຍກ່ວາປົກກະຕິ.
  4. ຫລີກເວັ້ນການກິນຢາຄຸມກຳເນີດສຸກເສີນເປັນປະຈຳ : ເພາະຈະສົ່ງຜົນຮ້າຍຕໍ່ຮ່າງກາຍ ເພາະຢາຄຸມກຳເນີດສຸກເສີນຫາກກິນຕະຫລອດຈະສົ່ງຜົນໃຫ້ເກີດອາການບວມນຳ້ໃນຮ່າງກາຍຫລາຍຂຶ້ນກ່ວາປົກກະຕິ.
  5. ລອງກິນຢາຄຸມກຳເນີດໃຫ້ຄົບ 3 ແຜງ : ຈາກນັ້ນໃຫ້ສັງເກດວ່ານຳ້ໜັກໂຕເພີ່ມຂຶ້ນຈາກປົກກະຕິຫລາຍຫລືບໍ່ ຖ້າຫາກນຳ້ໜັກເພີ່ມຂຶ້ນ ໝາຍຄວາມວ່າຮໍໂມນທີ່ໄດ້ຮັບຈາກຢາຄຸມດັ່ງກ່າວຈະສົ່ງຜົນໃຫ້ເກີດຄວາມຕຸ້ຍຂຶ້ນ ແລະ ຄວນຢຸດກິນຢາຍີ່ຫໍ້ດັ່ງກ່າວທັນທີ.
  6. ຂໍຄຳແນະນຳຈາກແພດທຸກເທື່ອກ່ອນຊື້ຢາຄຸມ : ສຳລັບແມ່ຍິງທີ່ບໍ່ໝັ້ນໃຈວ່າຢາຄຸມກຳເນີດຍີ່ຫໍ້ໃດເໝາະສົມກັບໂຕເອງ ໃຫ້ລອງຖາມຂໍ້ມູນຈາກແພດຜູ້ຈ່າຍຢາກ່ອນເປັນອັນດັບທຳອິດ ເພື່ອທີ່ຈະໄດ້ສາມາດຊື້ຢາຄຸມກຳເນີດບໍ່ຕຸ້ຍທີ່ເໝາະສົມກັບໂຕເອງໄດ້ຢ່າງປອດໄພ ຜົນຂ້າງຄຽງໜ້ອຍ ແລະ ບໍ່ຕ້ອງເຮັດໃຫ້ເກີດຄວາມສ່ຽງໃດອີກ. ແນວໃດກໍຕາມ, ຜົນຂ້າງຄຽງດັ່ງຄວາມຕຸ້ຍທີ່ເກີດຂຶ້ນຈາກການກິນຢາຄຸມກຳເນີດນັ້ນຖືເປັນເລື່ອງປົກກະຕິ ຖ້າຫາກອາການບໍ່ດີຂຶ້ນ ທ່ານສາມາດປ່ຽນຍີ່ຫໍ້ຂອງຢາຄຸມເພື່ອຫລຸດອາການໃຫ້ໜ້ອຍລົງເປັນອັນດັບທຳອິດ.

 

error: Content is protected !!