ເກີດເຫດ ລົດໄຟໂດຍສານ 2 ຂະບວນຕຳກັນ ຢູ່ທາງຕອນໃຕ້ຂອງອິນເດຍ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 10 ຄົນ

ສຳນັກຂ່າວ bbc ລາຍງານໃນວັນທີ 29 ຕຸລາ 2023 ວ່າ: ເກີດເຫດລົດໄຟໂດຍສານ 2 ຂະບວນຕຳກັນພາຍໃນບໍລິເວນຊານຊາລາ ທາງຕອນໃຕ້ຂອງອິນເດຍ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 10 ຄົນ, ບາດເຈັບ 40 ຄົນ.

ເຈົ້າໜ້າທີ່ອາວຸໂສຂອງການລົດໄຟອິນເດຍເປີດເຜີຍວ່າ: ເຫດການນີ້ເກີດຂຶ້ນຂະນະທີ່ລົດໄຟໂດຍສານຂະບວນໜຶ່ງແລ່ນເຂົ້າມາຕຳກັບອີກຂະບວນໜຶ່ງທີ່ກຳລັງຈອດເພື່ອລໍຖ້າຮັບຜູ້ໂດຍສານຢູ່ຊານຊາລາ ເຮັດໃຫ້ມີຕູ້ໂດຍສານຕົກລາງ 3 ຕູ້, ປັດຈຸບັນໄດ້ເລັ່ງຂໍຄວາມຊ່ວຍເຫລືອສົ່ງໄປຍັງຈຸດເກີດເຫດ ແລະ ສັ່ງມາດຕະການຍຽວຢາຜູ້ທີ່ໄດ້ຮັບຜົນກະທົບຈາກເຫດການທີ່ເກີດຂຶ້ນ.

ອ້າງອີງຈາກ: https://www.thairath.co.th/news/foreign/2736607