ທ່ານ ໂມດີ ຮັບປາກຈະເຮັດໃຫ້ໄຟຟ້າ ເຂົ້າເຖິງທຸກຄອບຄົວຂອງອິນເດຍ

- advert banner 728 90 728x90 - ທ່ານ ໂມດີ ຮັບປາກຈະເຮັດໃຫ້ໄຟຟ້າ ເຂົ້າເຖິງທຸກຄອບຄົວຂອງອິນເດຍ

ນາຍົກລັດຖະມົນຕີ ນາ​ເຣນທຣາ ​ໂມ​ດີ ຂອງ​ອິນ​ເດຍ ຮັບປາກ​ວ່າ: ທຸກ​ຄອບຄົວ​ໃນ​ອິນ​ເດຍຈະ​ມີ​ໄຟຟ້າ​​ເຂົ້າ​ເຖິງ​ພາຍ​ໃນ​ເດືອ​ນທັນວາ​ປີໜ້າ.

- new3 - ທ່ານ ໂມດີ ຮັບປາກຈະເຮັດໃຫ້ໄຟຟ້າ ເຂົ້າເຖິງທຸກຄອບຄົວຂອງອິນເດຍ

ນາຍົກລັດຖະມົນຕີ ​ໂມ​ດີ ປະກາດ​ແຜນ​ມູນ​ຄ່າ 2.500 ລ້ານ​ໂດ​ລາ​ສະຫະລັດ ລະຫວ່າງ​ກ່າວ​ສູນ​ທອນ​ພົດ​ໃນ​ວັນ​ທີ 25 ກັນຍາ​ວ່າ: ຊາວ​ອິນ​ເດຍ 40 ລ້ານ​ຄອບຄົວ​ຈາກ​ທັງ​ໝົດ 250 ລ້ານ​ຄອບຄົວ​ຍັງ​ບໍ່​ມີ​ໄຟຟ້າ​ໃຊ້ ຄື​ກັບ​ຍັງ​ອາ​ໄສ​ຢູ່​ໃນ​ສະຕະວັດ​ທີ 18 ລັດຖະບານ​ຈະ​ເຮັດ​ໃຫ້​ທຸກ​ຄອບຄົວ​ມີ​ໄຟຟ້າ​ໃຊ້ ບໍ່​ວ່າ​ຈະ​ຢູ່​ໃນ​ຊົນນະບົດ, ​ໃນ​ເມືອງ ຫລື ພື້ນທີ່​​ຫ່າງ​ໄກ​ສອກຫລີກ.

- lattana 1 - ທ່ານ ໂມດີ ຮັບປາກຈະເຮັດໃຫ້ໄຟຟ້າ ເຂົ້າເຖິງທຸກຄອບຄົວຂອງອິນເດຍ

ນັກວິ​ເຄາະ​ການ​ເມືອງ​ເບິ່ງ​ວ່າ: ນາຍົກລັດຖະມົນຕີ ​ໂມ​ດີ ຕ້ອງການ​ຮຽກ​ສຽງ​ສະໜັບສະໜູນ​ກ່ອນ​ຈະ​ມີ​ການ​ເລືອກ​ຕັ້ງທົ່ວ​ໄປ​ໃນ​ປີ 2019 ​ເນື່ອງ​ຈາກ​ທ່າ​ອ່ຽງ​ເສດຖະກິດ​ໃນ​ມໍ່ໆ​ນີ້​ໜ້າ​ເປັນ​ຫ່ວງ, ​ເສດຖະກິດ​ໄຕ​ມາດ​ທຳ​ອິດ​ຂະຫຍາຍຕົວ​ຫລຸດ​ລົງ​ເຫລືອ 5,7%. ນັກ​ເສດຖະສາດ​ສ່ວນ​ຫລາຍ​ເຊື່ອ​ວ່າ​ເປັນ​ຜົນ​ຈາກ​ການ​ຍົກ​ເລີກ​ທະນະ​ບັດ​ທີ່​ໃຊ້​ໝູນວຽນ​ໃນ​ລະບົບ​ຫລາຍ​ກວ່າ 80% ​ໃນ​ເດືອນ​ພະຈິກ​ປີ​ກ່ອນ ​ແລະ ການ​ປະກາດ​ໃຊ້​ພາສີ​ສິນຄ້າ ​ແລະ ບໍລິການ​ທົ່ວ​ປະ​ເທດ​ໃນ​ເດືອນ​ກໍລະກົດ. ນາຍົກລັດຖະມົນຕີ ​ໂມ​ດີ ​ເຊິ່ງຊະນະ​ເລືອກ​ຕັ້ງ​ໃນ​ປີ 2014 ​ເຄີຍ​ຮັບປາກ​ໃນ​ປີ 2015 ວ່າ: ​ຈະ​ເຮັດ​ໃຫ້​ບ້ານ 18.452 ​ແຫ່ງ​ມີ​ໄຟຟ້າ​ໃຊ້, ​ແຕ່​ຂໍ້​ມູນ​ລັດຖະບານ​ຫລ້າ​ສຸດ​ເປີດ​ເຜີຍ​ວ່າ: ຍັງ​ມີ​ບ້ານ​ເກືອບ 3.000 ​ແຫ່ງ​ລໍຖ້າ​ໄຟຟ້າ​ຢູ່, ຂະນະ​ທີ່​ອັດຕາ​ການ​ໃຊ້​ໄຟຟ້າ​ຕໍ່​ຫົວ​ປະຊາກອນ​ໃນ​ອິນ​ເດຍສະ​ເລ່ຍ 1 ​ໃນ 3 ຂອງ​ການ​ໃຊ້​ທົ່ວ​ໂລກ.

error: Content is protected !!