ທາງໄປເມືອງວັງວຽງເພຫລາຍ

- advert banner 728 90 728x90 - ທາງໄປເມືອງວັງວຽງເພຫລາຍ

ໂດຍ: ທ່ຽງ​ທຳ

- new3 - ທາງໄປເມືອງວັງວຽງເພຫລາຍ

​ເພື່ອນ​ຜູ້​ອ່ານທີ່​ຮັກ​ແພງ, ຖ້າ​ໃຜ​ໄດ້​ອອກ​ໄປ​ເມືອງ​ວັງ​ວຽງ ​ແຂວງ​ວຽງ​ຈັນ ອັນ​ເປັນ​ເມືອງ​ຂຶ້ນຊື່​ລືຊາ​ຂອງ​ການທ່ອງທ່ຽວ​ໃນ​ໄລຍະ​ນີ້​ ກໍ​ຈະ​ເຫັນ ​ແລະ ​ໄດ້​ສຳຜັດ​ກັບ​ຄວາມ​ຫຍຸ້ງຍາກ​ລຳບາກ​ຂອງ​ການ​ເດີນທາງ​ຜ່ານ​ເສັ້ນທາງ 13 ​ເໜືອ ອັນ​ເປັນ​ເສັ້ນທາງ​ຫລັກ​ຂອງ​ການ​ຄົມມະນາຄົມ​ຂົນ​ສົ່ງ​ແຕ່​ເໜືອ​ຮອດ​ໃຕ້​ຂອງ​ປະ​ເທດ​ເຮົາ, ​ແຕ່​ໃນ​ປັດຈຸບັນ ​ໄດ້​ສຳ​ຫລຸດ ​ແລະ ​ເປ່​ເພ​ລົງ​ຫລາຍ ​ເນື່ອງ​ຈາກ​ສະພາບ​ຝົນຕົກ, ນ້ຳຖ້ວມ​ຂັງ ​ແລະ ລົດ​ບັນທຸກ​ນ້ຳໜັກ​ເກີນ​ຢ່າງ​ຂາດ​ການ​ຄວບ​ຄຸມ, ຖ້າ​ປະປ່ອຍ​ໄວ້​ດົນ​ກໍ​ຈະ​ສົ່ງ​ຜົນ​ກະທົບ​ຕໍ່​ການທ່ອງທ່ຽວ​​ເມືອງ​ວັງ​ວຽງ​ກໍ​ເປັນ​ໄດ້ ​ເພາະວ່າ​ນັກ​ທ່ອງ​ທ່ຽວ​ທັງ​ໝົດ​ທີ່​ຈະ​ອອກ​ໄປ​ທ່ອງ​ທ່ຽວ​ເມືອງ​ສະ​ເໜ່ດັ່ງກ່າວ​ກໍ​ຈະ​ບໍ່​ມີ​ທາງ​ເລືອກ​ອື່ນ​ໃດ​ນອກຈາກ​ເສັ້ນທາງ​ດັ່ງກ່າວ ​ແລະ ​ເພື່ອ​ຮອງ​ຮັບປີ​ທ່ອງ​ທ່ຽວ​ລາວ 2018 ທີ່​ຈະ​ມາ​ເຖິງ​ນີ້, ການ​ສ້າງ​ສິ່ງ​ອຳນວຍ​ຄວາມ​ສະດວກ​ຕ່າງໆ​ມັນ​ມີ​ຄວາມ​ໝາຍ​ສຳຄັນ​ຍິ່ງ, ນອກຈາກ​ການ​ປັບປຸງ​ພື້ນຖານ​ໂຄງ​ລ່າງ​ດ້ານ​ການ​ຄົມມະນາຄົມ​ແລ້ວ, ດ້ານ​ການ​ຮອງ​ຮັບ​ອື່ນໆ​ກໍ​ບໍ່​ຄວນ​ເບິ່ງ​ຂ້າມ​ເຊັ່ນ: ຂອດ​ບໍລິການ​ໂຮງ​ແຮມ, ​ເຮືອນ​ພັກ​ກໍ​ຕ້ອງ​ໃຫ້​ມີ​ມາດຕະຖານ, ອາຫານ​ການ​ກິນ​ກໍ​ຈະ​ຕ້ອງ​ໄດ້​ມີ​ການ​ຄວບ​ຄຸມ​ເຖິງ​ຄຸນ​ນະພາ​ບ, ຄວາມ​ສະອາດ ຕະຫລອດ​ລາຄາ​ກໍ​ຕ້ອງ​ຢູ່​ໃນ​ຄວາມ​ເປັນ​ທຳ ​ແລະ ຄຽງ​ຄູ່​ກັນນັ້ນ ກໍ​ແມ່ນ​ການ​ພັດທະນາ​ແຫ​ລ່ງທ່ອງ​ທ່ຽວ ​ແລະ ກິດຈະກຳ​ຕ່າງໆ​ຕາມ​ທ່າ​ແຮງ​ຂອງ​ເມືອງ​ທຳ​ມະ​ຊາດ​ຢ່າງ​ມີ​ສະ​ເໜ່​ແຫ່ງ​ນີ້, ​ແຕ່​ຢາກ​ເຮັດ​ໄດ້​ໃນ​ສິ່ງ​ດັ່ງກ່າວ ຂະ​ແໜງ​ການທ່ອງທ່ຽວ​ກໍ​ຈະ​ບໍ່​ເມີນ​ເສີຍ​ໄດ້ ຈະ​ຕ້ອງ​ໄດ້​ລົງ​ໄມ້​ລົງມື​ ​ແລະ ຫົວຄິດ​ປັນຍາ​ນັ້ນ ທັງ​ກຳລັງ​ຄົນ, ກຳລັງ​ຊັບ​ເຂົ້າ​ໃນ​ການ​ພັດທະນາ​ອັນ​ໃໝ່​ດັ່ງກ່າວ ຈຶ່ງ​ຈະ​ເຮັດ​ໃຫ້ການ​ທ່ອງ​ທ່ຽວ​ເມືອງ​ວັງ​ວຽງ​ມີ​ສີສັນ​ໃໝ່ ​ແລະ ສາມາດ​ດຶງ​ດູດ​ເອົາ​ເງິນ​ເອົາ​ຄຳ​ຈາກ​ນັກ​ທ່ອງ​ທ່ຽວ​ໄດ້, ບໍ່​ແມ່ນ​ວ່າ 9 ປີ 10 ປີ​ກໍ​ມີ​ພຽງ​ກິດຈະກຳ​ໂດດ​ນ້ຳ, ລອຍ​ກົງ​ເບັງ, ຂີ່​ເຮືອ​ໄວ​ແລ້ວ​ກໍ​ຈົບ ​ເຊິ່ງ​ເບິ່ງ​ແລ້ວ​ຂ້ອນ​ຂ້າງ​ດ້ອຍ​ກິດຈະກຳ. ​ເອົາລະ ! ປີ​ທ່ອງ​ທ່ຽວ​ລາວ​ນີ້ ຫວັງ​ວ່າການ​ທ່ອງ​ທ່ຽວ​ລາວ​ຈະ​ຫຶ​ດ ​ແລະ ສ້າງ​ສີສັນ​ໃຫ້​ການທ່ອງທ່ຽວ​ລາວ​ນັບ​ມື້ອຸດົມສົມບູນ ​ແລະ ສາມາດ​ນຳ​ລາຍ​ຮັບ​ມາສູ່​ຊາດ​ຢ່າງ​ບໍ່​ມີ​ມື້ບົກ​ແຫ້ງ​ເປັນ.

- lattana 1 - ທາງໄປເມືອງວັງວຽງເພຫລາຍ
error: Content is protected !!