ປະ​ທານ​ກາ​ແດງ​ລາວສຳ​ເລັດ​ການ​ເຂົ້າ​ຮ່ວມກອງ​ປະ​ຊຸມຄະ​ນະ​​ນຳອົງ​ການ​ກາ​ແດງ​ ແລະ ຊີກວົງ​ເດືອນແດງ-ອາ​ຊີ​ຕ​າ​ເວັນ​ອອກ​ສ່ຽງ​ໃຕ້

- Untitled design - ປະ​ທານ​ກາ​ແດງ​ລາວສຳ​ເລັດ​ການ​ເຂົ້າ​ຮ່ວມກອງ​ປະ​ຊຸມຄະ​ນະ​​ນຳອົງ​ການ​ກາ​ແດງ​ ແລະ ຊີກວົງ​ເດືອນແດງ-ອາ​ຊີ​ຕ​າ​ເວັນ​ອອກ​ສ່ຽງ​ໃຕ້

ທ່ານ ຄຳ​ຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ, ພ້ອມ​ດ້ວຍ​ຄະ​ນະ​ ​ເດີນ​ທາງ​ເຂົ້າ​ຮ່ວມກ​ອງ​ປ​ະ​ຊຸມ​ຄະ​ນ​ະ​ນຳ​ອົງ​ການ​ກາ​ແດງ ແລະ ຊີ​ກວົ​ງ​ເດືອນ​ອາ​ຊີ​ຕາ​ເວັນ​ອອກ​ສ່ຽງ​ໃຕ້ ຄັ້ງ​ທີ 14 ໄດ້​ຈັດ​ຂຶ້ນ​ລະ​ຫວ່າງວັນ​ທີ 21-22 ກັນ​ຍ​າຜ່ານ​ມາ​ນີ້, ທີ່ຮ່າ​ໂນ້ຍ, ສ​ສ ຫວຽດ​ນາມ, ເຊິ່ງ​ລ​ວມ​ມີ​ບັນ​ດາ​ຄະ​ນະ​​ປະ​ທານ, ຮອງ​ປະ​ທານຈາກ 11 ປະ​ເທດ​ອາ​ຊີ​ຕາ​ເວ​ັນ​ອອກ​ສ່ຽງ​ໃຕ້​ເຂົ້າ​ຮ່ວມ, ພາຍ​ໃຕ້​ການ​ເປັນ​ປະທານ​ຂອງ​ສະ​ພາ​ກາ​ແດງ​ຫວຽດ​ນາມ, ຕາມ​ການ​ໝູນ​ວຽນ​ກັນ​ເປັນ​ເຈົ້າ​ພາບ​.

ກອງ​ປະ​ຊຸມຄັ້ງ​ນີ້ ກໍ​ເພື່ອ​ແນ່​ໃສ່​ທົບ​ທວນ​ຄືນ​ການ​ຜັນ​ຂະ​ຫ​ຍາຍ​ມະ​ຕິ​ກອງ​ປະ​ຊຸມ​ຄັ້ງ​ທີ 13, ​ການ​ຖອດ​ຖອນ​ບົດ​ຮຽນ, ​ປຶກ​ສາບັນ​ຫາ​ສະ​ພາບ​ການ​ຂອງ​ໂລກ​, ການ​ປ່​ຽນ​ແປງ​ດິນ​ຟ້າ​ອາ​ກາດອັນ​ເປັນ​ຜົນ​ກະ​ທົບ​ຕໍ່​ຄວາມ​ເປັນ​ຢູ່​ຂອງ​ປະ​ຊາ​ຊົນ​ໂດຍ​ສະ​ເພາະ​ບັນ​ຫາ​ໄພ​ພິ​ບັດ​ທາງ​ທຳ​ມະ​ຊາດ​ທີ່​ຄົນ ແລະ ທຳ​ມະ​ຊາດ​ສ້າງ​ຂຶ້​ນ, ການ​ເພີ່ມ​ທະ​ວີ​ການ​ຮ່ວມ​ມື​ລະ ຫວ່າງອົງ​ການ​ກາ​ແດງ​ປະ​ເທດ​ຕ່າງ​ໆ​ໃນ​ລະ​ດັບພາກ​ພື້ນ ແລະ ສາ​ກົນ, ໂດຍ​ສະ​ເພາະ​ແມ່ນ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ​ນຳ​ກັນ ແລະ ບັນ​ຫາ​ອືຶ່ນໆ.

ໃນ​ໂອ​ກາດ​ດັ່ງ​ກ່າວ, ອົງ​ການ​ກາ​ແດງ​ລາວ, ອົງ​ການ​ກາ​ແດງ​ກຳ​ປູ​ເຈຍ ແລະ ສະ​ພາ​ກາ​ແດງ​ຫວຽດ​ນາມ ​ໄດ້​ຕົກ​ລົງ​ເຫັນ​ດີ​ເຊັນ​ສັນ​ຍາ​ການ​ຮ່ວມ​ມື​ລະ​ຫວ່າງ​ສາມ​ຝ່າຍ ນັບ​ແຕ່​ປີ 2017-2022, ​ເພື່ອເພີ່ມ​ທະ​ວ​ີ​ການ​ຮ່ວມ​ມື​ຂອງ​ສາມ​ອົງ​ການ​ ທີ່​ມີ​ມູນ​ເຊື້ອອັນ​ດີ​ງາມມາແຕ່ດົນນານແລ້ວນັ້ນ​ໃຫ້​ມີ​ຄວາມ​ແໜ້ນ​ແຟ້ນ​ຍິ່ງ​ຂຶ້ນ, ​ທັງ​ເປັນ​ບ່ອນ​ອີງ​ໃນ​ການ​ກຳ​ນົດ​ກອບການ​ຮ່ວມ​ມື​ໃນ​ການ​ຈັດ​​ຕັ້ງ​ປະ​ຕິ​ບັດ​ວຽກ​ງານ​ມະ​ນຸດ​ສະ​ທ​ຳ​ຮ່ວມ​ກັນໃຫ້ມີປະສິດ ທິຜົນດີຂຶ້ນ.

- Wave100S AD to Website 2020 0 - ປະ​ທານ​ກາ​ແດງ​ລາວສຳ​ເລັດ​ການ​ເຂົ້າ​ຮ່ວມກອງ​ປະ​ຊຸມຄະ​ນະ​​ນຳອົງ​ການ​ກາ​ແດງ​ ແລະ ຊີກວົງ​ເດືອນແດງ-ອາ​ຊີ​ຕ​າ​ເວັນ​ອອກ​ສ່ຽງ​ໃຕ້

 

- WhatsApp Image 2020 05 27 at 5 - ປະ​ທານ​ກາ​ແດງ​ລາວສຳ​ເລັດ​ການ​ເຂົ້າ​ຮ່ວມກອງ​ປະ​ຊຸມຄະ​ນະ​​ນຳອົງ​ການ​ກາ​ແດງ​ ແລະ ຊີກວົງ​ເດືອນແດງ-ອາ​ຊີ​ຕ​າ​ເວັນ​ອອກ​ສ່ຽງ​ໃຕ້
- WhatsApp Image 2020 05 27 at 5 - ປະ​ທານ​ກາ​ແດງ​ລາວສຳ​ເລັດ​ການ​ເຂົ້າ​ຮ່ວມກອງ​ປະ​ຊຸມຄະ​ນະ​​ນຳອົງ​ການ​ກາ​ແດງ​ ແລະ ຊີກວົງ​ເດືອນແດງ-ອາ​ຊີ​ຕ​າ​ເວັນ​ອອກ​ສ່ຽງ​ໃຕ້
error: Alert: ເນື້ອຫາຂ່າວມີລິຂະສິດ !!