ຕໍາຫລວດສາມາດຈັບຜູ້ຄ້າຢາເສບຕິດລາຍໃຫຍ່ຫລາຍລາຍມາດໍາເນີນຄະດີ

- advert banner 728 90 728x90 - ຕໍາຫລວດສາມາດຈັບຜູ້ຄ້າຢາເສບຕິດລາຍໃຫຍ່ຫລາຍລາຍມາດໍາເນີນຄະດີ

ກົມຕໍາຫລວດຕ້ານ ແລະ ສະກັດກັ້ນຢາເສບຕິດ ໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ຕ້ານຢາເສບຕິດໃນຫລາຍທ້ອງຖິ່ນສາມາດຈັບຕົວຜູ້ຄ້າຢາເສບຕິດລາຍໃຫຍ່ຫລາຍລາຍມາດໍາເນີນຄະດີ ຄື: ເວລາປະມານ 17:30 ໂມງຂອງວັນທີ 23 ກັນຍານີ້, ເຈົ້າໜ້າທີ່ ປກສ ເມືອງປາກທາແຂວງບໍ່ແກ້ວ, ສາມາດຈັບຕົວທ້າວ ເຢະປໍວາ ອາຍຸ 42 ປີ ແລະ ນາງໄມວາງວື ອາຍຸ 20 ປີຢູ່ບ້ານຈອມຈຸກເມືອງຫ້ວຍຊາຍແຂວງບໍ່ແກ້ວ, ພ້ອມຂອງກາງຢາບ້າ 6 ເປົາເທົ່າກັບ 480 ມັດ ຊຸກເຊື່ອງໄວ້ຢູ່ໃນລົດກະບະວີໂກ້ສີຂາວໝາຍເລກທະບຽນ ມດ 9992 ກໍາແພງນະຄອນ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ ພວກກ່ຽວຮັບສາລະພາບວ່າ: ຢາເສບຕິດດັ່ງກ່າວ, ໄດ້ເອົາມາຈາກຂະບວນການຄ້າຢາເສບຕິດຢູ່ພາກເໜືອເພື່ອໄປສົ່ງໃຫ້ລູກຄ້າຢູ່ແຂວງບໍ່ແກ້ວ, ແຕ່ຖືກເຈົ້າໜ້າທີ່ຈັບຕົວກ່ອນ ແລະ ກ່ອນໜ້ານັ້ນ, ເຈົ້າໜ້າທີ່ແຂວງດັ່ງກ່າວກໍສາມາດຈັບຕົວ ທ້າວ ຈ່າ​ລໍ​ຊີ ອາຍຸ 25 ປີຢູ່​ບ້ານ​ຈ່າ​ຢີ​ເມືອງ​ລອງແຂວງຫລວງນໍ້າທາ, ພ້ອມຂອງກາງຢາບ້າ 40 ພັນເມັດຊຸກເຊື່ອງໄວ້ໃນຖົງພາຍ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາບວ່າ: ຢາເສບຕິດດັ່ງກ່າວເອົາມາຈາກຂະບວນການຄ້າຢາເສບຕິດໃນປະເທດມຽນມາ ເພື່ອໄປສົ່ງໃຫ້ລູກຄ້າແຕ່ຖືກເຈົ້າໜ້າທີ່ຈັບຕົວກ່ອນ ແລະ ຄະດີຢາເສບຕິດລາຍໃຫຍ່ນີ້, ເຈົ້າໜ້າທີ່ພວມຂະຫຍາຍຜົນຫາຜູ້ຮ່ວມຂະບວນການມາດໍາເນີນຄະດີຕາມລະບຽບກົດໝາຍໂດຍໄວ.

- new3 - ຕໍາຫລວດສາມາດຈັບຜູ້ຄ້າຢາເສບຕິດລາຍໃຫຍ່ຫລາຍລາຍມາດໍາເນີນຄະດີ

ຂ່າວໃຫ້ຮູ້ຕື່ມວ່າ: ເມື່ອບໍ່ດົນມານີ້, ເຈົ້າໜ້າທີ່ແຂວງວຽງຈັນ, ໄດ້ນໍາກໍາລັງລົງ ມ້າງແຫລ່ງ​ມົ້ວສຸມຢາເສບຕິດຢູ່ເຂດບ້ານໂພນງາມເມືອງໂພນໂຮງແຂວງວຽງຈັນ  ແລະ ສາມາດຈັບຕົວຜູ້ມົ້ວສຸມຢາເສບຕິດໄດ້ຫລາຍຄົນຄື: ທ້າວ ຈິດ ອາຍຸ 42 ປີຢູ່​ບ້ານ​ໂພນ​ຫໍ, ທ້າວ ຄຳ​ເສັງ ອາຍຸ 24 ປີ, ທ້າວ ສີ​ລິ​ມຸງຄຸນ ອາຍຸ 20 ປີຢູ່​ບ້ານ​ນາ​ເລົ່າ, ທ້າວ ນ້ອຍ ອາຍຸ 34 ປີຢູ່​ບ້ານ​ໂພນ​ໂຮງ ​ແລະ ນາງ ລີ ອາຍຸ 29 ປີຢູ່​ບ້ານ​ໂພນ​ງາມ​ເໜືອ​ເມືອງ​ໂພນ​ໂຮງ​ແຂວງ​ວຽງ​ຈັນ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ພວກເຂົາຮັບສາລະພາບວ່າໄດ້ຮ່ວມກັນເສບ ແລະ ຂາຍຢາເສບຕິດມາດົນແລ້ວ, ໂດຍຊື້ນໍາເຄືອຂ່າຍຢາເສບຕິດໃນແຂວງວຽງຈັນ, ພ້ອມທັງໄດ້ຊັກທອດຫາຜູ້ຮ່ວມຂະບວນການອີກຫລາຍກຸ່ມ, ຊຶ່ງເຈົ້າໜ້າທີ່ພວມເລັ່ງນໍາຈັບຕົວມາດໍາເນີນຄະດີໃຫ້ໄດ້ໂດຍໄວ.

- lattana 1 - ຕໍາຫລວດສາມາດຈັບຜູ້ຄ້າຢາເສບຕິດລາຍໃຫຍ່ຫລາຍລາຍມາດໍາເນີນຄະດີ
error: Content is protected !!