ນອນໜ້ອຍກິນຫຍັງຈຶ່ງສົດຊື່ນ ?

- advert banner 728 90 728x90 - ນອນໜ້ອຍກິນຫຍັງຈຶ່ງສົດຊື່ນ ?

ສຳລັບຄົນທີ່ມີຄວາມຈຳເປັນຕ້ອງນອນເດິກທຸກມື້ ຫລື ນອນບໍ່ພໍເປັນປະຈຳ ຮ່າງກາຍອ່ອນເພຍຈົນຢາກຫາຫຍັງມາບຳລຸງໃຫ້ຮູ້ສຶກສົດຊື່ນຂຶ້ນອ່ານເຄັດລັບນີ້ :

- new3 - ນອນໜ້ອຍກິນຫຍັງຈຶ່ງສົດຊື່ນ ?
- lattana 1 - ນອນໜ້ອຍກິນຫຍັງຈຶ່ງສົດຊື່ນ ?
  1. ເຕົ້າຫູ້, ຊີ້ນປາ, ໄກ່, ໄຂ່ ຂາວ, ໄຂ່ແດງ ແລະ ຖົ່ວເຫລືອງ : ອາຫານເຫລົ່ານີ້ມີໂຄລີນ (Choline) ໂຕຊ່ວຍສ້າງເຄມີສະໝອງ ສານອາຫານທີ່ຈຳເປັນສຳລັບຄົນນອນເດິກ ເພາະຈະຊ່ວຍໃຫ້ສະໝອງທີ່ອ່ອນເພຍຈາກການນອນບໍ່ພໍໄດ້ຮັບສານອາຫານໄປບຳລຸງທົດແທນເຄມີສະໝອງທຳມະຊາດທີ່ຮ່າງກາຍບໍ່ມີໂອກາດສ້າງຂຶ້ນມາເອງຍ້ອນເຮົາອົດນອນ ເຮັດໃຫ້ສະໝອງເກີດຄວາມຕື່ນໂຕເຖິງວ່າຈະພັກຜ່ອນທີ່ບໍ່ພຽງພໍມາກ່ອນກໍຕາມ.
  2. ທັນຍາພືດ : ກາບ້າ (GABA) ແມ່ນສິ່ງທີ່ຮ່າງກາຍຕ້ອງການຈາກທັນຍາພືດ ແລະ ເຂົ້າບໍ່ຜ່ານຂະບວນການຜັດສີ ໂດຍກາບ້າຈະຊ່ວຍໃຫ້ສະໝອງທີ່ຍັງມຶນໆເຮັດວຽກໄດ້ດີຂຶ້ນ ທັງມີວິຕາມິນເບໃນອາຫານເຫລົ່ານີ້ຍັງຊ່ວຍກະຕຸ້ນລະບົບປະສາດ ແລະ ສະໝອງໃຫ້ຕື່ນໂຕນຳອີກ.
  3. ນຳ້ : ການດື່ມນຳ້ໃຫ້ພຽງພໍຕໍ່ຄວາມຕ້ອງການຂອງຮ່າງກາຍເປັນສິ່ງທີ່ຄວນເຮັດຫລາຍທີ່ສຸດ ເພາະນຳ້ຈະຊ່ວຍໃຫ້ປະລິມານອົກຊີແຊນໃນຮ່າງກາຍເພີ່ມຂຶ້ນ ສົ່ງຜົນໃຫ້ຮູ້ສຶກສົດຊື່ນຫລາຍຂຶ້ນ.
  4. ດື່ມຊັອກໂກແລັດດຳປັ່ນ ຫລື ໂກໂກ້ແທນກາເຟ : ຖ້າຢາກປຸກໂຕເອງໃຫ້ຕື່ນດ້ວຍກາເຟອີນຂໍແນະນຳໃຫ້ດື່ມຊັອກໂກແລັດດຳ ຫລື ໂກໂກ້ແທນດີກ່ວາ ເພາະໃນເຄື່ອງດື່ມທັງສອງຊະນິດນີ້ມີຟລາໂວນອຍ ສານກະຕຸ້ນໃຫ້ເລືອດໄປລ້ຽງສະໝອງໄດ້ດີຂຶ້ນ.
  5. ເນັ້ນຜັກ ແລະ ໝາກໄມ້ : ເພາະມີວິຕາມິນເຊ ແລະ ວິຕາມິນເບຫລາຍພໍສົມຄວນ ລວມທັງແຮ່ທາດທີ່ເປັນປະໂຫຍດຕໍ່ການເຮັດວຽກຂອງຕ່ອມໄພນຽວ (Pineal Gland) ເພາະຖ້າເມື່ອເຮົານອນບໍ່ພໍຍາມໃດ ຕ່ອມໄພນຽວກໍຈະອອກອາການເຫງົານອນ ບໍ່ຢາກຈະເຮັດໜ້າທີ່ຈົນເຮົາຮູ້ສຶກເພຍໄປນຳ ດັ່ງນັ້ນຫາກຢາກປຸກຄວາມສົກຊື່ນ ຜັກສົດ ແລະນຳ້ໝາກໄມ້ສົດໆຊ່ວຍໄດ້ດີ.
  6. ນຳ້ໃບຜັກໜອກ : ສັບພະຄຸນຂອງໃບຜັກໜອກໂດດເດັ່ນຈົນເຮັດໃຫ້ຄົນນອນໜ້ອຍ ຫລື ນອນບໍ່ພໍ ມີຮ່າງກາຍແຂງແຮງຕໍ່ຕ້ານການອັກເສບບໍລິເວນຕ່າງໆໄດ້ ແລະ ໃບຜັກໜອກຍັງຊ່ວຍຫລຸດຄວາມສ່ຽງອາການອັກເສບລົງໄດ້ນຳ.
  7. ໂປຣຕິນຢ່າໃຫ້ຂາດ : ໂດຍສະເພາະໃນເຂົ້າເຊົ້າ ແລະ ເຂົ້າສວາຍ ສານອາຫານທີ່ຮ່າງກາຍຄວນໄດ້ຮັບຕ້ອງແມ່ນໂປຣຕິນ ຈາກອາຫານປະເພດນົມ, ໂຮເກຣນ ແລະ ວິຕາມິນຈາກຜັກ – ໝາກໄມ້ໃຫ້ພຽງພໍ ເພື່ອໃຫ້ຮ່າງກາຍມີພະລັງງານໄປໃຊ້ເຮັດກິດ ຈະກຳຕ່າງໆໄດ້ ແລະ ໃຫ້ບັນດາວິຕາມິນ ແລະ ເກືອແຮ່ເຂົ້າໄປເສີມທັບການເຮັດວຽກຂອງລະບົບປະສາດ ແລະ ສະໝອງ.
  8. ຖົ່ວຊະນິດຕ່າງໆ : ຖົ່ວກໍແມ່ນພືດທີ່ອຸດົມໄປດ້ວຍໂປຣຕິນ ແລະ ແຮ່ທາດອ່າວສູງ ທັງຍັງມີໂປຕັສຊຽມ ແຮ່ທາດທີ່ຊ່ວຍໃນ ການເຮັດວຽກຂອງລະບົບປະສາດ ແລະ ສະໝອງ ໃນມື້ທີ່ຮ່າງກາຍອ່ອນເພຍ ຍ້ອນນອນບໍ່ພໍ ຂໍໃຫ້ຖົ່ວເປັນຂອງກິນໃນມື້ນັ້ນ.
error: Content is protected !!