ມູນຄ່າການຄ້າຂອງລາວ ເດືອນຕຸລາ 2023 ບັນລຸ 985 ລ້ານໂດລາ ຂາດດຸນ 264 ລ້ານໂດລາ
ສູນຂໍ້ມູນຂ່າວສານການຄ້າ ກະຊວງອຸດສາຫະກຳ ແລະ ການຄ້າລາຍງານ ວັນທີ 16 ພະຈິກ 2023 ນີ້ວ່າ: ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນ 10 ປີ 2023 ບັນລຸໄດ້ ປະມານ 985 ລ້ານໂດລາສະຫະລັດ. ໃນນີ້, ມູນຄ່າການສົ່ງອອກ ປະມານ 361 ລ້ານໂດລາສະຫະລັດ, ມູນຄ່າການນໍາເຂົ້າ ປະມານ 625 ລ້ານໂດລາສະຫະລັດ ແລະ ຂາດດຸນການຄ້າ ປະມານ 264 ລ້ານໂດລາສະຫະລັດ.
10 ອັນດັບ ສິນຄ້າສົ່ງອອກຕົ້ນຕໍ ໄດ້ແກ່: ຄໍາປະສົມ, ຄຳແທ່ງ ປະມານ 61 ລ້ານໂດລາ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ປະມານ 41 ລ້ານໂດລາ, ແຮ່ທອງ ປະມານ 38 ລ້ານໂດລາ, ຢາງພາລາປະມານ 29 ລ້ານໂດລາ, ເຍື້ອໄມ້ ແລະ ເສດເຈ້ຍ ປະມານ 24 ລ້ານໂດລາ, ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ…) ປະມານ 22 ລ້ານໂດລາ, ໝາກກ້ວຍ ປະມານ 16 ລ້ານໂດລາ, ເຄື່ອງນຸ່ງຫົ່ມ ປະມານ 16 ລ້ານໂດລາ, ນໍ້າຕານ ປະມານ 14 ລ້ານໂດລາ ແລະ ໂຄງຮ່າງ, ຊິ້ນສ່ວນກ້ອງບັນທຶກພາບ ປະມານ 9 ລ້ານໂດລາ.
10 ອັນດັບ ສິນຄ້ານໍາເຂົ້າຕົ້ນຕໍ ໄດ້ແກ່: ນ້ຳມັນກາຊວນ ປະມານ 83 ລ້ານໂດລາ, ຊິ້ນສ່ວນອາໄຫຼ່ລົດ ປະມານ 61 ລ້ານໂດລາ, ພາຫະນະທາງບົກ ປະມານ 56 ລ້ານໂດລາ, ອຸປະກອນກົນຈັກ ປະມານ 52 ລ້ານໂດລາ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ-ເຫຼັກກ້າ ປະມານ 31 ລ້ານໂດລາ, ເຄື່ອງໄຟຟ້າ ແລະ ອຸປະກອນໄຟຟ້າ ປະມານ 26 ລ້ານໂດລາ, ເຍື້ອໄມ້ ແລະ ເສດເຈ້ຍ ປະມານ 20 ລ້ານໂດລາ, ນໍ້າມັນແອັດຊັງ ປະມານ 19 ລ້ານໂດລາ, ເຄື່ອງໃຊ້ທີ່ເຮັດດ້ວຍພລາສະຕິກ ປະມານ 18 ລ້ານໂດລາສະຫະລັດ ແລະ ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ…) ປະມານ 17 ລ້ານໂດລາ
5 ອັນດັບ ປະເທດ ທີ່ ສປປ ລາວ ສົ່ງອອກຫຼາຍໄດ້ແກ່: ຈີນ ປະມານ 154 ລ້ານໂດລາສະຫະລັດ, ຫວຽດນາມ ປະມານ 71 ລ້ານໂດລາສະຫະລັດ, ໄທ ປະມານ 39 ລ້ານໂດລາສະຫະລັດ, ອົດສະຕາລີ ປະມານ 36 ລ້ານໂດລາສະຫະລັດ ແລະ ສະວິດເຊີແລນ ປະມານ 11 ລ້ານໂດລາສະຫະລັດ.
5 ອັນດັບ ປະເທດ ທີ່ ສປປ ລາວ ນໍາເຂົ້າຫຼາຍ ໄດ້ແກ່: ໄທ ປະມານ 273 ລ້ານໂດລາສະຫະລັດ, ຈີນ ປະມານ 224 ລ້ານໂດລາສະຫະລັດ, ຫວຽດນາມ ປະມານ 23 ລ້ານໂດລາສະຫະລັດ, ສະຫະລັດອາເມລິກາ ປະມານ 23 ລ້ານໂດລາສະຫະລັດ ແລະ ອົດສະຕາລີ ປະມານ 16 ລ້ານໂດລາສະຫະລັດ.
ມູນຄ່າການນໍາເຂົ້າ ແລະ ສົ່ງອອກ ປະຈໍາເດືອນ 10 ປີ 2023 ແມ່ນຍັງບໍ່ກວມເອົາມູນຄ່າການນຳເຂົ້າ ແລະ ສົ່ງອອກ ໄຟຟ້າ (ສໍາລັບມູນຄ່າການນຳເຂົ້າ ແລະ ສົ່ງອອກ ໄຟຟ້າ ພວກເຮົາຈະເອົາລົງພາຍຫຼັງທີ່ເກັບກໍາຕົວເລກສະຖິຕິໄດ້ຄົບຖ້ວນ ແລະ ຊັດເຈນແລ້ວ).
