ເກີດເຫດລະທຶກຂວັນ ຢູ່ໂຮງຮູບເງົາປະເທດອິນເດຍ ຍ້ອນມີຜູ້ຊົມຈຳນວນໜຶ່ງຈູດບັ້ງໄຟພຸໃນຂະນະທີ່ນັ່ງຊົມຮູບເງົາ

ສຳນັກຂ່າວຕ່າງປະເທດລາຍງານ ວັນທີ 15 ພະຈິກ 2023 ວ່າ: ເກີດເຫດທີ່ໜ້າຕື່ນຕົກໃຈຢູ່ພາຍໃນໂຮງຮູບເງົາ Mohan Cinema ເມືອງ ມາເລກອນ ປະເທດອິນເດຍ, ເມື່ອມີຜູ້ຊົມຈຳນວນໜຶ່ງ ຈູດບັ້ງໄຟພຸ ໃນຂະນະທີ່ນັ່ງຊົມຮູບເງົາເລື່ອງ Tiger 3.

ຕາມການລາຍງານລະບຸວ່າ: ເຫດການເກີດຂຶ້ນ ໃນວັນທີ 12 ພະຈິກ ຜ່ານມາ ຂະນະທີ່ຮູບເງົາກຳລັງສາຍຢູ່ ພໍມາຮອດສາກທີ່ ຕົວລະຄອນ ຊັລມານ ຂ່ານ ນັກສະແດງຊື່ດັງ ແຫ່ງບໍລີວູດ ປາກົດຕົວຂຶ້ນ ກໍມີການຈູດບັ້ງພຸຂຶ້ນໃນໂຮງຮູບເງົາ ຈົນເກີດປະກາຍໄຟ ແລະ ມີຄວັນພຸ່ງອອກມາ ຂະນະທີ່ຜູ້ຄົນຈຳນວນຫລາຍທີ່ຢູ່ໃນໂຮງຮູບເງົາຕ່າງກໍພາກັນແລ່ນໜີຕາຍ, ປັດຈຸບັນ ຍັງຢູ່ໃນຂັ້ນຕອນສືບສວນຂອງເຈົ້າໜ້າທີ່ ແລະ ມີ 2 ຄົນ ທີ່ຖືກຈັບແລ້ວ.