ຍາມໜາວຈະມາຮອດແລ້ວ ໃຫ້ລະວັງພະຍາດລະດູການ

- advert banner 728 90 728x90 - ຍາມໜາວຈະມາຮອດແລ້ວ ໃຫ້ລະວັງພະຍາດລະດູການ

ໂດຍ​: ທ່ຽງ​ທຳ

- new3 - ຍາມໜາວຈະມາຮອດແລ້ວ ໃຫ້ລະວັງພະຍາດລະດູການ

​ເພື່ອນ​ຜູ້​ຮັກ​ທີ່​ແພງ, ​ໃຫ້​ເອົາ​ໃຈ​ໃສ່ຮັກສາ​ສຸຂະພາບ​ຂອງ​ຕົນ​ໃຫ້​ດີ​ເນີ້, ອອກ​ພັນ​ສາ​ແລ້ວ ອາກາດ​ບ້ານ​ເມື​ອງ​ເຮົາ​ກໍ​ຈະ​ຄ່ອຍໆ​ໜາວ​ເຢັນ​ເຂົ້າມາ​ແລ້ວ ​ແລະ ສິ່ງ​ທີ່​ໜ້າ​ເປັນ​ຫ່ວງ​ທີ່​ສຸດ​ໃນ​ໄລຍະ​ນີ້​ກໍ​ອາດ​ແມ່ນ​ພະຍາດ​ທີ່​ຈະ​ມາ​ກັບ​ລະດູ​ການ, ລະດູຝົນ​ແມ່ນ​ໄຂ້ຍຸງ​ລາຍ​ກໍ​ຄ່ອຍໆ​ຫລຸດຜ່ອນ​ລົງ​ແລ້ວ ​ແລະ ລະດູ​ໜາວ​ສ່ວນ​ໃຫຍ່​ກໍ​ຈະ​ແມ່ນ​ໄຂ້ຫວັດ, ປອດ​ອັກ​ເສບ ​ແລະ ພະຍາດ​ຫລອດລົມ​ຫາຍ​ໃຈ​ອື່ນໆ. ຄື​ຜ່ານ​ມາ​ນີ້ ທາງ​ຂະ​ແໜງ​ກະສິກຳ​ເພິ່ນ​ກໍ​ອອກ​ມາ​ແຈ້ງ​ເຕືອນ​ໃຫ້​ພວກ​ເຮົາ​ລະມັດລະວັງ​ພະຍາ​ດ​ໄຂ້ຫວັດ​ສັດ​ປີກ​ກໍ​ອາດ​ມີ​ຄວາມ​ສ່ຽງ​ສູງ​ໃນ​ໄລຍະ​ນີ້ ​ແລະ ປັດຈຸບັນ ພະຍາດ​ດັ່ງກ່າວ​ກໍ​ມີ​ຫລາຍ​ອັນ​ເປັນຕາ​ຢ້ານ​ຫລາຍ ​ເນື່ອງ​ຈາກ​ການ​ປ່ຽນ​ແປງ​ສາຍ​ພັນ​ຂອງ​ມັນ ຈົນກະທັ້ງຮອດ​ໄຂ້ຍຸງ​ລາຍ​ກໍ​ມີ​ຄວາມ​ສ່ຽງ​ເສຍ​ຊີວິດ​ສູງ ​ເຖິງ​ເຮົາ​ຈະ​ມີ​ວິທີ​ປິ່ນປົວ ​ແຕ່​ກໍ​ຍັງ​ມີ​ຫລາຍ​ອັນ​ທີ່​ເຮົາ​ບໍ່​ຄາດ​ຄິດ. ດັ່ງນັ້ນ ​ໃນ​ບົດ​ຂຽນ​ນີ້​ກໍ​ຂໍ​ໃຫ້​ຂະ​ແໜງ​ສາ​ທາ​ມີ​ບົດ​ແຈ້ງ​ການ​ຕັກ​ເຕືອນ​ປະຊາຊົນ​ແດ່ ​ເພື່ອ​ໃຫ້​ເຂົາ​ເຈົ້າມີ​ສະຕິ​ປ້ອງ​ກັນ​ຕົນ​ເອງ​ຕໍ່​ພະຍາດ​ແຕ່ລະ​ຢ່າງ​ທີ່​ມັກ​ຈະ​ເກີດ​ຂຶ້ນ​ໃນ​ແຕ່​ລະ​ລະດູ​ການ, ​ແຕ່​ເວົ້າ​ແນວ​ນີ້​ກໍ​ບໍ່​ແມ່ນ​ການ​ສັ່ງສອນ​ດອກ ​ໃນ​ນາມ​ສື່​ມວນ​ຊົນ​ກໍ​ເປັນ​ຫ່ວ​ງ​ເຖິງ​ສຸຂະພາບ​ຂອງ​ທົ່ວ​ປວງ​ຊົນ​ເຮົາ, ມີ​ຫຍັງ​ກໍ​ກ່າວ​ເຕືອນ​ກັນ​ເພື່ອ​ມີ​ທາງ​ອອກ. ​ເອົາລະ ! ​ເວົ້າມາ​ກໍ​ອາດ​ເຫລືອ, ບາງ​ທີ່​ຂະ​ແໜງ​ການ​ມະຫາ​ພາກ​ເພິ່ນ​ກໍ​ຈະ​ກະກຽມ​ໄວ້​ຮຽບຮ້ອຍ​ແລ້ວ, ບໍ່​ແມ່ນ​ວ່າ​ອັນ​ໃດ​ກໍ​ມິດ​ຈີ່​ຫລີ. ດັ່ງ​ບູຮານ​ເວົ້າວ່າ: “ມິດ​ປານ​ຫອຍ​ໄຂ່” ບໍ່​ແມ່ນ​ດອກ !.

- lattana 1 - ຍາມໜາວຈະມາຮອດແລ້ວ ໃຫ້ລະວັງພະຍາດລະດູການ
error: Content is protected !!