ອາຣັບບີ ຊາອຸດິດ ຈະອະນຸຍາດ ໃຫ້ຜູ້ຍິງຂັບລົດຍົນໄດ້

- advert banner 728 90 728x90 - ອາຣັບບີ ຊາອຸດິດ ຈະອະນຸຍາດ ໃຫ້ຜູ້ຍິງຂັບລົດຍົນໄດ້

ພະຣາຊາ​ທິບໍດີ ຊັດ​ມານ ​ແຫ່ງ​ອາຣັບບີ ຊາ​ອຸ​ດິດ ມີ​ຄຳ​ສັ່ງ​ອະນຸຍາດ​ໃຫ້​ຜູ້ຍິງ​ສາມາດ​ຂັບ​ລົດຍົນ​ໄດ້​ນັບ​ແຕ່​ເດືອນ​ມິຖຸນາ​ປີໜ້າ​ເປັນຕົ້ນ​ໄປ ​ເຊິ່ງ​ເປັນ​ການ​ປ່ຽນ​ແປງ​ຄັ້ງປະຫວັດສາດ​ຂອງ​ອາຣັບບີ ຊາ​ອຸ​ດິດ ທີ່​ມີ​ແນວທາງ​ອະນຸ​ລັກ​ນິຍົມ.

- new3 - ອາຣັບບີ ຊາອຸດິດ ຈະອະນຸຍາດ ໃຫ້ຜູ້ຍິງຂັບລົດຍົນໄດ້

ສະຖານີ​ໂທລະພາບ​ຂອງ​ທາງ​ການ​ອາຣັບບີ ຊາ​ອຸ​ດິດ ລາຍ​ງານ​ວ່າ: ພະຣາຊາ​ທິບໍດີ ຊັດ​ມານ ມີ​ຄຳ​ສັ່ງ​ອະນຸຍາດ​ໃຫ້​ອອກ​ໃບ​ຂັບ​ຂີ່​ລົດ​ຍົນ​ໃຫ້​ຜູ້ຍິງ​ຢູ່​ອາຣັບບີ ຊາ​ອຸ​ດິດ ​ໂດຍ​ຄຳ​ສັ່ງ​ດັ່ງກ່າວ​ຈະ​ມີ​ຜົນ​ບັງຄັບ​ໃຊ້​ໃນ​ເດືອນ​ມິຖຸນາ 2018 ​ໂດຍ​ໃນ​ລະຫວ່າງ​ນີ້ ອາຣັບບີ ຊາ​ອຸ​ດິດ ຈະ​ເພີ່ມ​ສິ່ງ​ອຳນວຍ​ຄວາມ​ສະດວກ​ເພື່ອ​ການ​ອອກ​ໃບ​ຂັບ​ຂີ່ ​ແລະ ພັດທະນາ​ໂຄງ​ສ້າງ​ພື້ນຖານ​ຕ່າງໆ ​ເພື່ອ​ໃຫ້​ຄວາມ​ສະດວກ​ແກ່​ນັກ​ຂັບ​ໜ້າ​ໃໝ່​ທີ່​ຈະ​ເພີ່ມ​ຂຶ້ນຫລາຍ​ລ້ານ​ຄົນ. ການ​ຕັດສິນ​ໃຈຄັ້ງນີ້​ເປັນ​ສ່ວນ​ໜຶ່ງ​ຂອງ​ຄວາມ​ພະຍາຍາມ​ຂອງ​ອາຣັບບີ ຊາ​ອຸ​ດິດ ​ໃນ​ການ​ຊຸກ​ດັນ​ການ​ປະຕິ​ຮູບ ທີ່​ມີ​ເປົ້າໝາຍ​ໃນ​ການ​ປັບ​ຕົວ ​ແລະ ປັບປຸງ​ພາບ​ພົດ​ໃນ​ດ້ານ​ສິດທິ​ມະນຸດ. ທັງ​ນີ້ ການ​ຫ້າມ​ຜູ້ຍິງ​ຂັບ​ລົດ​ຢູ່​ອາຣັບບີ ຊາ​ອຸ​ດິດ ​ເປັນ​ກົດ​ທີ່​ດຳ​ເນີນ​ມາ​ເປັນ​ເວລາ​ຍາວ​ນານ​ແລ້ວ, ​ແຕ່​ຖືກ​ເບິ່ງ​ຈາກ​ພາຍ​ນອກ​ປະ​ເທດ​ວ່າ​ເປັນ​ສັນຍາ​ລັກ​ຂອງ​ການ​ກົດ​ຂີ່​ຂູດ​ຮີດ​ຜູ້ຍິງ ​ໂດຍ​ກຸ່ມ​ນັກ​ເຄື່ອນ​ໄຫວ​ຂອງ​ຜູ້ຍິງ​ໄດ້​ຕໍ່ຕ້ານ​ ພະຍາຍາມ​ຊຸກ​ດັນ​ໃຫ້​ມີ​ການ​ປ່ຽນ​ແປງ​ເລື່ອງ​ນີ້​ມາ​ຫລາຍ​ປີ​ແລ້ວ.

- lattana 1 - ອາຣັບບີ ຊາອຸດິດ ຈະອະນຸຍາດ ໃຫ້ຜູ້ຍິງຂັບລົດຍົນໄດ້
error: Content is protected !!