ສປຊ ຮ່າງແຜນຈັດສັນອາຫານ ໃຫ້ຊາວໂຣຮິງຢາ 700.000 ຄົນ

- 1506505525045 960x0 - ສປຊ ຮ່າງແຜນຈັດສັນອາຫານ ໃຫ້ຊາວໂຣຮິງຢາ 700.000 ຄົນ
- Untitled design - ສປຊ ຮ່າງແຜນຈັດສັນອາຫານ ໃຫ້ຊາວໂຣຮິງຢາ 700.000 ຄົນ

​ເຈົ້າໜ້າ​ທີ່ ສປຊ ກ່າວ​ວ່າ: ສະຫະ​ປະຊາ​ຊາດ​ໄດ້​ຮ່າງ​ແຜນ​ສຸກ​ເສີນ ​ເພື່ອ​ຈັດ​ສັນ​ອາຫານ​ສຳລັບ​ຊາວ​ມຸດ​ສະ​ລິ​ມ​ໂຣຮິງ​ຢາ 700.000 ຄົນ​ທີ່​ອົບ​ພະຍົບມາ​ຈາກ​ມຽນມາ, ພາຍຫລັງ​ມີ​ຜູ້​ອົບ​ພະຍົບປະມານ 480.000 ຄົນ​ມາ​ບັງ​ກະລາ​ເທດ​ໄລຍະ​ເດືອນ​ຜ່ານ​ມາ ​ແລະ ຍັງ​ມ​ີ​ເຂົ້າມາ​ເລື້ອຍໆ.

​ເຈົ້າໜ້າ​ທີ່​ລະດັບ​ສູງ​ໂຄງການ​ອາຫານ​ໂລກ​ແຫ່ງ​ສະຫະ​ປະຊາ​ຊາດ ກ່າວ​ກັບ​ນັກ​ຂ່າວ​ວ່າ: ສປຊ ​ໄດ້​ກຽມ​ການຈັດ​ສັນ​ອາຫານ​ຄັ້ງ​ໃຫຍ່ ​ແລະ ​ເຄື່ອງ​ຂອງ​ຈຳ​ເປັນ​ຮີບ​ດ່ວນ ຖ້າ​ຍັງ​ມີ​ຜູ້​ອົບ​ພະ​ຍົບຫລັ່ງ​ໄຫລ​ເຂົ້າມາ​ໃນ​ຕໍ່ໜ້າ, ຜ່ານ​ມາ​ກຸ່ມ​ຊາວ​ມຸດ​ສະ​ລິ​ມ​ໂຣຮິງ​ຢາ​ອົບ​ພະຍົບໜີ​ຈາກ​ລັດ​ຍະ​ໄຂ່​ທາງ​ຕາ​ເວັນ​ອອກສຽງ​ເໜືອ​ຂອງ​ມຽນມາ​ໃນ​ຫລາຍ​ສິບ​ປີຜ່ານມາ, ສ່ວນ​ຜູ້​ອົບ​ພະຍົບທີ່​ເຂົ້າມາ​ຮອບ​ໃໝ່​ມີ​ມາ​ແຕ່​ວັນ​ທີ 25 ສິງຫາ ​ໂດຍ​ມີ​ຕົ້ນ​ເຫດ​ມາ​ຈາກ​ກຸ່ມ​ຕິດ​ອາວຸດ​ຊາວ​ໂຣຮິງ​ຢາ​ໂຈມ​ຕີ​ດ່ານ​ຕຳຫລວດ ​ແລະ ທະຫານ​ຫລາຍ​ແຫ່ງ​ຢ່າງ​ນອງ​ເລືອດ ສົ່ງ​ຜົນ​ໃຫ້​ກອງທັບ​ມຽນມາ​ໃຊ້​ປະຕິບັດ​ການ​ຕອບ​ໂຕ້​ຄັ້ງ​ໃຫຍ່. ​ເຈົ້າໜ້າ​ທີ່ ສປຊ ກ່າວ​ວ່າ: ​ແຜນການ​ຊ່ວຍ​ເຫລືອ​ດ້ານ​ອາຫານ​ຄວບ​ຄຸມ​ເຖິງ​ຊາວ​ໂຣຮິງ​ຢາ​ປະມານ 300.000 ຄົນ​ທີ່​ລີ້​ໄພ​ຢູ່​ທາງ​ຕາ​ເວັນ​ອອກສຽງ​ໃຕ້​ຂອງ​ບັງ​ກະລາ​ເທດ​ກ່ອນ​ຈະ​ມີ​ເຫດ​ຜູ້​ອົບ​ພະຍົບ​ເຂົ້າມາ​ຮອບ​ຫລ້າ​ສຸດ. ຂະນະ​ທີ່​ຂ້າ​ຫລວງ​ໃຫຍ່​ຜູ້​ລີ້​ໄພ​ ສປຊ ​ເຊິ່ງ​ໄດ້​ເດີນທາງ​ຢ້ຽມຢາມ​ຄ້າຍ​ຜູ້​ອົບ​ພະຍົບ​ໃນ​ອາທິດ​ຜ່ານ​ມາ​ກ່າວ​ວ່າ: ບັງ​ກະລາ​ເທດ​ຈຳ​ເປັນ​ຕ້ອງ​ໄດ້​ຮັບ​ການ​ຊ່ວຍ​ເຫລືອ​ຄັ້ງ​ໃຫຍ່​ຈາກ​ຕ່າງປະ​ເທດ ​ເພື່ອ​ຈັດ​ສັນ​ອາຫານ ​ແລະ ​ໃຫ້​ບ່ອນ​ອາ​ໄສ​ແກ່​ຊາວ​ໂຣຮິງ​ຢາ.

- Wave100S AD to Website 2020 0 - ສປຊ ຮ່າງແຜນຈັດສັນອາຫານ ໃຫ້ຊາວໂຣຮິງຢາ 700.000 ຄົນ
- WhatsApp Image 2020 05 27 at 5 - ສປຊ ຮ່າງແຜນຈັດສັນອາຫານ ໃຫ້ຊາວໂຣຮິງຢາ 700.000 ຄົນ
- WhatsApp Image 2020 05 27 at 5 - ສປຊ ຮ່າງແຜນຈັດສັນອາຫານ ໃຫ້ຊາວໂຣຮິງຢາ 700.000 ຄົນ
error: Alert: ເນື້ອຫາຂ່າວມີລິຂະສິດ !!