ອາເມລິກາວາງແຜນຮັບຜູ້ລີ້ໄພ 45.000 ຄົນໃນປີການເງິນໜ້າ

- 1506481995929 960x0 - ອາເມລິກາວາງແຜນຮັບຜູ້ລີ້ໄພ 45.000 ຄົນໃນປີການເງິນໜ້າ
- Untitled design - ອາເມລິກາວາງແຜນຮັບຜູ້ລີ້ໄພ 45.000 ຄົນໃນປີການເງິນໜ້າ

ອະດີ​ດ​ເຈົ້າໜ້າ​ທີ່ອາ​ເມ​ລິ​ກາ​ເປີດ​ເຜີຍ​ວ່າ​: ລັດຖະບານ​ປະທານາທິບໍດີ ​ໂດ​ນັນ ທຣຳ ມີ​ແຜນ​ຮັບ​ຜູ້​ລີ້​ໄພ​ຈຳ​ນວນ 45.000 ຄົນ​ເຂົ້າອາ​ເມ​ລິ​ກາ​ໃນ​ປີ​ງົບປະມານ​ໜ້າ​ທີ່​ຈະ​​ເລີ່​ມ​ໃນ​ວັນ​ທີ 1 ຕຸລາ. ຖື​ເປັນ​ຕົວ​ເລກ​ການ​ຮັບ​ຜູ້​ລີ້​ໄພ​ຈຳນວນ​ໜ້ອຍ​ທີ່​ສຸດ​ໃນ​ຮອບກວ່າ 10 ປີ.

​ເຈົ້າໜ້າ​ທີ່​ເຊິ່ງບໍ່​ເປີດ​ເຜີຍ​ຊື່​ກ່າວ​ວ່າ: ທຳນຽບຂາວ​ອາ​ເມ​ລິ​ກາ​ກຳນົດ​ຕົວ​ເລກ​ດັ່ງກ່າວ​ພາຍຫລັງ​ການ​ຕອບ​ໂຕ້​ວິຈານ​ກັນ​ລະຫວ່າງ​ເຈົ້າໜ້າ​ທີ່​ທີ່​ຕ້ອງການ​ກຳນົດ​ເພດານ​ໃຫ້​ໜ້ອຍ​ລົງ​ກັບ​ເຈົ້າໜ້າ​ທີ່​ທີ່​ຕ້ອງການ​ໃຫ້​ປັບ​ເພີ່ມ​ຂຶ້ນ. ​ເຈົ້າໜ້າ​ທີ່​ຝ່າຍ​ໜຶ່ງ​ຕ້ອງການ​ໃຫ້​ລັດຖະບານ​ປະທານາທິບໍດີ ທຣຳ ​ເນັ້ນການ​ຄວບ​ຄຸມ​ຈຳນວນ​ຜູ້​ອົບ​ພະຍົບຕາມ​ທີ່​ມີ​ນະ​ໂຍບາຍ​ຫາ​ສຽງ​ໄວ້​ໃນ​ການ​ເລືອກ​ຕັ້ງປະທານາທິບໍດີ​ອາ​ເມ​ລິ​ກາ 2016, ພາຍຫລັງ​ໜັງສືພິມ​ວໍ​ສຕີ​ດ​ເຈີ​ນັດ​ເຄີຍ​ລາຍ​ງານ​ໄວ້​ກ່ອນ​ໜ້າ​ນີ້​ວ່າ: ລັດຖະບານ​ມີ​ແຜນ​ຈຳກັດ​ຈຳນວນ​ຜູ້​ລີ້​ໄພ​ໄວ້​ໃນ​ລະດັບ 45.000 ຄົນ. ອະດີດ​ເຈົ້າໜ້າ​ທີ່​ອາ​ເມ​ລິ​ກາ​ທີ່​ຕ້ອງການ​ໃຫ້​ປັບ​ເພີ່ມ​ຕົວ​ເລກ​ຮັບ​ຜູ້​ລີ້​ໄພ ກ່າວ​ວ່າ: ການ​ຕັດສິນ​ໃຈ​ຂອງ​ລັດຖະບານ​ອາ​ເມ​ລິ​ກາ​ຄັ້ງນີ້​ຈະ​ເຮັດ​ໃຫ້​ອາ​ເມ​ລິ​ກາ​ບໍ່​ສາມາດ​ຊັກ​ຊວນ​ໃຫ້​ຊອກ​ດາ​ນີ, ຕວກກີ ​ແລະ ລີ​ບັງ​ຍອມຮັບ​ຜູ້​ອົບ​ພະຍົບຊາວ​ຊີຣີຈຳນວນ​ຫລາຍ​ເຂົ້າປະ​ເທດ​ໄດ້, ​ເຊັ່ນ​ດຽວ​ກັບ​ການ​ສ້າງ​ຄວາມ​ໝັ້ນ​ໃຈ​ໃຫ້​ກຸ່ມ​ປະ​ເທດ​ຜູ້​ບໍລິຈາກ​ທີ່​ຈະ​ຍັງ​ໃຫ້ການ​ຊ່ວຍ​​ເຫລືອ​ທາງ​ການ​ເງິນ​ແກ່​ຜູ້​ລີ້​ໄພ​ຕໍ່​ໄປ. ປະທານາທິບໍດີ ທຣຳ ກຳນົດ​ຮັບ​ຜູ້​ລີ້​ໄພ 50.000 ຄົນ​ໃນ​ປີ​ການ​ເງິນ 2017 ທີ່​ຈະ​ສິ້ນສຸດ​ໃນ​ວັນ​ທີ 30 ກັນຍາ​ນີ້ ​ເຊິ່ງມີ​ຈຳນວນ​ບໍ່​ຮອດ​ເຄິ່ງຈາກ​ສະ​ໄໝ​ອະດີດ​ປະທານາທິບໍດີ ບາຣັກ ​ໂອ​ບາ​ມາ ລັດຖະບານ​ຊຸດ​ກ່ອນ​ທີ່​ມີ​ນະ​ໂຍບາຍ​ຮັບ​ຜູ້​ລີ້​ໄພ​ຈຳນວນ 110.000 ຄົນ.

- Wave100S AD to Website 2020 0 - ອາເມລິກາວາງແຜນຮັບຜູ້ລີ້ໄພ 45.000 ຄົນໃນປີການເງິນໜ້າ
- WhatsApp Image 2020 05 27 at 5 - ອາເມລິກາວາງແຜນຮັບຜູ້ລີ້ໄພ 45.000 ຄົນໃນປີການເງິນໜ້າ
- WhatsApp Image 2020 05 27 at 5 - ອາເມລິກາວາງແຜນຮັບຜູ້ລີ້ໄພ 45.000 ຄົນໃນປີການເງິນໜ້າ
error: Alert: ເນື້ອຫາຂ່າວມີລິຂະສິດ !!