ອັດຕາຜູ້ຕິດເຊື້ອ HIV/ເອດ ເພີ່ມຂຶ້ນ ໃນກຸ່ມອາຍຸ 50 ປີຂຶ້ນໄປຢູ່ເອີຣົບ

- advert banner 728 90 728x90 - ອັດຕາຜູ້ຕິດເຊື້ອ HIV/ເອດ ເພີ່ມຂຶ້ນ ໃນກຸ່ມອາຍຸ 50 ປີຂຶ້ນໄປຢູ່ເອີຣົບ

​ເຈົ້າໜ້າ​ທີ່​ສາທາລະນະ​ສຸກ ກ່າວ​ໃນ​ວັນ​ທີ 27 ກັນຍາ​ນີ້​ວ່າ: ປະມານ 1 ​ໃນ 6 ຂອງ​ຜູ້​ໄດ້​ຮັບ​ການ​ບົ່ງມະຕິ​ວ່າ​ຕິດ​ເຊື້ອ HIV ລາຍ​ໃໝ່​ຢູ່​ເອີຣົບ ພັດ​ເປັນ​ກຸ່ມ​ຄົນ​ອາຍຸ 50 ປີ​ຂຶ້ນ​ໄປ ​ເປັນ​ສັນຍານ​ວ່າ​ຈຳ​ເປັນ​ຕ້ອງ​ປຸກລະດົມ​ໃຫ້​ຮູ້ ​ແລະ ​ມີ​ໂຄງການ​ຕີ​ລາຄາ​ສຳລັບ​ກຸ່ມ​ຄົນ​ອາຍ​ຸສູງ.

- new3 - ອັດຕາຜູ້ຕິດເຊື້ອ HIV/ເອດ ເພີ່ມຂຶ້ນ ໃນກຸ່ມອາຍຸ 50 ປີຂຶ້ນໄປຢູ່ເອີຣົບ

ຜົນ​ການ​ສຶກສາຂອງ​ຄະນະ​ນັກວິ​ໄຈ​ສູນ​ຄວບ​ຄຸມ​ ​ແລະ ປ້ອງ​ກັນ​ພະຍາດ​ເອີຣົບ (ECDC) ພົບ​ວ່າ: ອັດຕາ​ການ​ຂະຫຍາຍຕົວ​ເພີ່ມ​ຂຶ້ນ​ໃນ​ໄລຍະ 12 ປີຜ່ານມາ​ສຳລັບ​ຜູ້​ຕິດ​ເຊື້ອ HIV ລາຍ​ໃໝ່​ໃນ​ກຸ່ມ​ຄົນ​ເກົ່າ​ຢູ່​ເອີຣົບ ​ໂດຍ​ພົບ​ວ່າ​ຄົນ​ທີ່​ມີ​ອາຍຸ​ກວ່າ 50 ປີ​ມີ​ທ່າ​ອ່ຽງຫລາຍ​ກວ່າ​ຄົນ​ໜຸ່ມ​ສາວ​ເຖິງ 50% ທີ່​ຈະ​ໄດ້​ຮັບ​ເຊື້ອ HIV ​ແລະ ການ​ຕິດ​ເຊື້ອ​ໃນ​ການ​ມີ​ເພດ​ສຳພັນ​ກັບ​ເພດ​ກົງ​ກັນ​ຂ້າມ. ທ່ານ ລາຣາ ທາວ​ອສຊິ ຫົວໜ້າ​ທີ​ມວິ​ໄຈ ECDC ​ເຊິ່ງມີ​ຜົນງານ​​ໃນ​ວາລະສານ​ແພດ​ແລນ​ເຊ​ດ HIV ພົບ​ວ່າ: ທ່າ​ອ່ຽງຜູ້​ຕິດ​ເຊື້ອລາຍ​ໃໝ່​ພັດ​ກາຍ​ເປັນ​ຜູ້​ອາຍຸ​ສູງ​ທີ່​ບໍ່​ຄ່ອຍ​ຮູ້​ເຖິງ​ການ​ຕິດ​ເຊື້ອ HIV ​​ແລະ ຕິດ​ເຊື້ອມາ​ໄດ້​ແນວ​ໃດ. ຜູ້​ວິ​ໄຈ​ກ່າວ​ວ່າ: ການ​ເນັ້ນໜັກ​ເຖິງ​ອັນຕະລາຍ​ຂອງ​ເຊື້ອ HIV ​ໃນ​ກຸ່ມ​ຄົນ​ອາຍຸ 50 ປີ​ຂຶ້ນ​ໄປ​ມີ​ໜ້ອຍ​ກວ່າ, ຂະນະ​​ເຈົ້າໜ້າ​ທີ່​ສາທາລະນະ​ສຸກ​ມັກ​ເນັ້ນ​ໃສ່​ການ​ປຸກລະດົມ​ເຕືອນ​ໃຫ້​ຄົນ​ອາຍຸ​ຕໍ່າ​ກວ່າ 50 ປີ, ມີ​ລາຍ​ງານ​ປະຊາຊົນ​ເກືອບ 37 ລ້ານ​ຄົນ​ທົ່ວ​ໂລກ​ໄດ້​ຮັບ​ເຊື້ອ HIV ​ເຊິ່ງ​ເປັນສາ​ເຫດ​ຂອງ​ພະຍາດ​ເອດ, ສ່ວນ​ການ​ສຶກສາ​ຢູ່​ເອີຣົບພົບ​ວ່າ: ອັດຕາ​ຜູ້​ອາຍ​ຸສູງ​ຕິດ​ເຊື້ອ​ເພີ່ມ​ຂຶ້ນຢູ່​ເອີຣົບ 16 ປະ​ເທດ​ເຊັ່ນ: ອັງກິດ, ​ແບນ​ຊິກ, ​ເຢຍລະ​ມັນ ​ແລະ ອຽກລັງ.

- lattana 1 - ອັດຕາຜູ້ຕິດເຊື້ອ HIV/ເອດ ເພີ່ມຂຶ້ນ ໃນກຸ່ມອາຍຸ 50 ປີຂຶ້ນໄປຢູ່ເອີຣົບ
error: Content is protected !!