ລັດຖະມົນຕີ ຖວທ ເນັ້ນຄະນະຮັບພິຊອບ ກະກຽມຄວາມພ້ອມເປີດປີທ່ອງທ່ຽວ 2018 ໃຫ້ດີ

- Visit lao year - ລັດຖະມົນຕີ ຖວທ ເນັ້ນຄະນະຮັບພິຊອບ ກະກຽມຄວາມພ້ອມເປີດປີທ່ອງທ່ຽວ 2018 ໃຫ້ດີ
- AGL banner - ລັດຖະມົນຕີ ຖວທ ເນັ້ນຄະນະຮັບພິຊອບ ກະກຽມຄວາມພ້ອມເປີດປີທ່ອງທ່ຽວ 2018 ໃຫ້ດີ

ໃນໂອກາດເປັນປະທານກອງປະຊຸມປືກສາຫາລືການກະກຽມເປີດປີທ່ອງທ່ຽວລາວ 2018 ຂອງທ່ານລັດຖະມົນ ຕີກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ ບໍ່ແສງຄໍາ ວົງດາລາ ເມື່ອວັນທີ 26 ກັນຍານີ້ຢູ່ທີ່ກະຊວງດັ່ງກ່າວ, ທ່ານໄດ້ມີຄໍາເຫັນຊີ້ນໍາວ່າ: ເພື່ອໃຫ້ການເປີດປີທ່ອງທ່ຽວລາວມີບັນຍາກາດຟົດຟື້ນ ແລະ ມີຜົນສໍາເລັດຕາມແຜນການວາງໄວ້ ກໍຄືດຶງດູດນັກທ່ອງທ່ຽວຈາກຕ່າງປະເທດເຂົ້າມາທ່ອງທ່ຽວຢູ່ລາວໃຫ້ນັບມື້ຫລາຍຂຶ້ນ, ສະນັ້ນຂໍໃຫ້ ຄະນະຮັບພິຊອບວຽກງານຕ່າງໆເອົາໃຈໃສ່ປະສານງານກັນຢ່າງກົມກຽວກັບກ່ຽວຂ້ອງລະຫວ່າງສູນກາງ ແລະ ທ້ອງຖິ່ນ ແລະ ຫົວໜ່ວຍທຸລະກິດບໍລິການຕ່າງໆ, ໂດຍສະເພາະການປັບປຸງຂອດບໍລິການທ່ອງທ່ຽວ, ການອຳນວຍຄວາມສະດວກໃຫ້ແກ່ນັກທ່ອງທ່ຽວໃນດ້ານການເຂົ້າ-ອອກເມືອງ, ການຂົນສົ່ງນັກທ່ອງທ່ຽວທາງບົກ, ທາງນ້ຳ ແລະ ທາງອາກາດ, ສິ່ງສໍາຄັນແມ່ນຕ້ອງເພີ່ມທະວີເອົາໃຈໃສ່ຮັກສາຄວາມສະຫງົບປອດໄພໃຫ້ແກ່ນັກທ່ອງທ່ຽວ, ໄປຄຽງຄູ່ກັບການຊຸກຍູ້ໃຫ້ບັນດາຫົວໜ່ວຍທຸລະກິດຕ່າງໆເຊັ່ນ: ໂຮງແຮມ, ເຮືອນພັກ, ຮ້ານອາຫານ, ທຸລະກິດການບິນ ແລະ ທຸລະກິດອື່ນໆເອົາໃຈໃສ່ປັບປຸງຂອດບໍລິການໃຫ້ດີ ແລະ ປະທັບໃຈ ແລະ ກໍານົດລາຄາຄ່າບໍລິການຕ່າງໆໃຫ້ຢູ່ໃນຄວາມເໝາະສົມ.

ທ່ານລັດຖະມົນຕີ ກ່າວວ່າ: ປະເທດເຮົາໄດ້ຖືເອົາການພັດທະນາການທ່ອງທ່ຽວເປັນທ່າແຮງສໍາຄັນເພື່ອສ້າງຄວາມເຂັ້ມແຂງໃຫ້ແກ່ລະບົບເສດຖະກິດຂອງຊາດມີການຂະຫຍາຍຕົວຕິດພັນກັບການພັດທະນາທ້ອງຖິ່ນ, ສ້າງວຽກເຮັດງານທໍາທີ່ໝັ້ນຄົງໃຫ້ປະຊາຊົນບັນດາເຜົ່າ ກໍຄືປະກອບສ່ວນເຮັດໃຫ້ປະເທດຊາດຫລຸດພົ້ນອອກຈາກຄວາມທຸກຍາກໄດ້ໂດຍໄວ.

- Wave100S AD to Website 2020 0 - ລັດຖະມົນຕີ ຖວທ ເນັ້ນຄະນະຮັບພິຊອບ ກະກຽມຄວາມພ້ອມເປີດປີທ່ອງທ່ຽວ 2018 ໃຫ້ດີ
- lattana 1 - ລັດຖະມົນຕີ ຖວທ ເນັ້ນຄະນະຮັບພິຊອບ ກະກຽມຄວາມພ້ອມເປີດປີທ່ອງທ່ຽວ 2018 ໃຫ້ດີ
error: Alert: Content is protected !!