ກິນຢາແຮງເກີນໄປເຮັດໃຫ້ມຶນ ແລະ ສັບສົນ

- 032809 2017 - ກິນຢາແຮງເກີນໄປເຮັດໃຫ້ມຶນ ແລະ ສັບສົນ
- Untitled design - ກິນຢາແຮງເກີນໄປເຮັດໃຫ້ມຶນ ແລະ ສັບສົນ

ໃນຄວາມເຂົ້າໃຈຂອງຫລາຍຄົນມັກຈະຄິດວ່າອາການເຈັບໄຂ້ໄດ້ປ່ວຍນັ້ນສາມາດຫລຸດຜ່ອນລົງໄດ້ໂດຍການກິນຢາ ບໍ່ວ່າຈະແມ່ນຢາແກ້ປວດ, ຢາຫລຸດໄຂ້ ຫລື ຢາຊະນິດອື່ນໆ ເຊິ່ງຕາມຄວາມຈິງແລ້ວ ຢາເຫລົ່ານັ້ນຈະຫລຸດຜ່ອນອາການເຈັບປ່ວຍໄດ້ ຖ້າຫາກເລືອກໃຊ້ຢາຢ່າງຖືກຕ້ອງ ແລະ ກົງກັບອາການເຈັບປ່ວຍ, ແຕ່ຖ້າກິນຢາໃນປະລິມານທີ່ຫລາຍເກີນໄປກໍອາດຈະເຮັດໃຫ້ເກີດຜົນຮ້າຍຕໍ່ຮ່າງກາຍໄດ້. ມີໜຶ່ງກໍລະນີທີ່ໜ້າສົນໃຈກ່ຽວກັບອັນຕະລາຍທີ່ໄດ້ຮັບຈາກຢາແກ້ປວດ ຈາກກໍລະນີໄວໜຸ່ມຢູ່ຕ່າງປະເທດເອົາຢາມາໃຊ້ເປັນສ່ວນປະສົມຂອງຢາເສບຕິດ ເມື່ອເສບແລ້ວເຮັດໃຫ້ມີອາການມຶນງົງສັບສົນ ແລະ ເພີດເພີນ ເຊິ່ງໃນຄວາມຈິງແລ້ວອາການດັ່ງກ່າວເປັນຜົນຂ້າງຄຽງຈາກການໃຊ້ຢາ ທັງນີ້ ຍ້ອນຢາແກ້ປວດມີສັບພະຄຸນຫລຸດອາການປວດຊະນິດຮຸນແຮງທີ່່ມີອາການຂ້າງຄຽງສູງ ໄດ້ແກ່ : ວິນຫົວ, ປວດຮາກ, ມຶນງົງສັບສົນ, ກົດທັບລະບົບຫາຍໃຈ, ຄວາມຮູ້ສຶກສຳຜັດປ່ຽນໄປ ເປັນຕົ້ນ. ນອກຈາກນີ້, ຍັງມີອາການຂ້າງຄຽງທາງຈິດ – ປະສາດ ເຊັ່ນ : ອາລົມປ່ຽນແປງ, ເຊື່ອງຊຶງ, ບໍ່ຫ້າວຫັນ ເປັນຕົ້ນ.

ຢາແຕ່ລະຊະນິດໃຫ້ຄຸນປະໂຫຍດໃນການປິ່ນປົວໂດຍການຫລຸດຄວາມເຈັບປວດລົງໄດ້, ແຕ່ກໍສາມາດໃຫ້ໂທດແກ່ຮ່າງກາຍ  ໄດ້ຄືກັນຫາກໃຊ້ບໍ່ຖືກຕ້ອງຕາມປະລິມານ ຫລື ຂະໜາດທີ່ກຳນົດ ເຊິ່ງຜົນຂ້າງຄຽງຈາກການໃຊ້ຢາເກີນຂະໜາດນັ້ນກໍມີນັບແຕ່ຂັ້ນຕໍ່າຈົນເຖິງຂັ້ນຮຸນແຮງ ຫລື ອາດເຖິງຂັ້ນເຮັດໃຫ້ເສຍຊີວິດໄດ້. ສະນັ້ນ, ທຸກເທື່ອທີ່ຈະຕ້ອງກິນ ຫລື ໃຊ້ຢາຄວນປຶກສາແພດຢ່າງຮອບຄອບ ແລະ ປະຕິບັດຕາມຄຳແນະນຳໃນການໃຊ້ຢາຢ່າງເຄັ່ງຄັດ.

- Wave100S AD to Website 2020 0 - ກິນຢາແຮງເກີນໄປເຮັດໃຫ້ມຶນ ແລະ ສັບສົນ
- WhatsApp Image 2020 05 27 at 5 - ກິນຢາແຮງເກີນໄປເຮັດໃຫ້ມຶນ ແລະ ສັບສົນ
- WhatsApp Image 2020 05 27 at 5 - ກິນຢາແຮງເກີນໄປເຮັດໃຫ້ມຶນ ແລະ ສັບສົນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!