ຊົມເຊີຍການສະໜອງໄຟຟ້າໄລຍະນີ້ດີຫລາຍ

- advert banner 728 90 728x90 - ຊົມເຊີຍການສະໜອງໄຟຟ້າໄລຍະນີ້ດີຫລາຍ

ໂດຍ: ທ່ຽງ​ທຳ

- new3 - ຊົມເຊີຍການສະໜອງໄຟຟ້າໄລຍະນີ້ດີຫລາຍ

ສະບາຍດີ ​ເພື່ອນ​ຜູ້​ອ່ານທີ່​ຮັກ​ແພງ, ບໍ່​ຮູ້​ວ່າ​ຫລາຍ​ຄົນ​ຈະ​ຄິດ​ຄື​ແນວ​ນີ້​ບໍ່ ? ​ແຕ່​ໃນ​ອາທິດ​ຜ່ານ​ມາ​ນີ້ ​ໄດ້​ມີ​ມວນ​ຊົນ​ໃນ​ນະຄອນຫລວງ​ວຽງ​ຈັນ​ສະ​ແດງ​ຄວາມ​ຍິນ​ດີ​ອອກ​ມາ​ວ່າ: ຂໍ​ສະ​ແດງ​ຄວາມ​ຊົມ​ເຊີຍ​ຂະ​ແໜງ​ການ​ກ່ຽວຂ້ອງ ​ໂດຍ​ສະ​ເພາະ​ຜູ້​ຕອບ​ສະໜອງ​ໄຟຟ້າ​ໃນ​ນະຄອນຫລວງ​ວຽງ​ຈັນ​ແມ່ນ​ມີ​ທ່າ​ກ້າວ​ດີ​ຂຶ້ນ, ​ໄລຍະ​ນີ້​ເຖິງ​ວ່າ​ລະດູຝົນ​ແດ່ ​ແຕ່​ພາກສ່ວນ​ກ່ຽວຂ້ອງ​ກໍ​ບໍ່​ປະປ່ອຍ​ໃຫ້​ມີ​ປາກົດການ​ໄຟ​ຂາດ​ໄຟ​ຕົກ​ເໝືອນ​ດັ່ງ​ແຕ່​ກ່ອນ ບາງ​ຄັ້ງ​ໄຟ​ມາ​ບໍ່​ປົກກະຕິ ບຶດ​ມອດ​ບຶດ​ຮຸ່ງ​ຈົນ​ເຄື່ອງ​ໃຊ້​ໄຟຟ້າ​ໃນ​ຄົວ​ເຮືອນ​ຫລາຍ​ຄົນ​ເປັນ​ອຳມະພາດ ​ແຕ່​ປັດຈຸບັນ​ສິ່ງ​ດັ່ງກ່າວ​ບໍ່​ມີ​ອີກ​ແລ້ວ ​ແລະ ​ເກືອບ​ທຸກໆ​ເສັ້ນທາງ​ໃນ​ຕົວ​ເມືອງ​ຫລວງ​ພໍ​ຕົກ​ມືດ​ມາ​ກໍ​ມີ​ແສງ​ໄຟ​ສະຫວ່າງ​ຮຸ່ງ​ແຈ້ງ​ຂຶ້ນ​ໂລດ ສົມ​ເປັນ​ຕົວ​ເມືອງ​ຫລວງ​ອີ່ຫລີ ​ແລະ ການຈັດຕັ້ງປະຕິບັດ​ຄຳ​ຂວັນ ສ.ສະຫວ່າງ ກໍ​ໃກ້ໆ​ຈະ​ເປັນ​ຈິງ​ແລ້ວ, ຫລາຍ​ຄົນ​ໃຫ້​ຂໍ້​ສັງ​ເກດ​ວ່າ: ອັນ​ນີ້​ອາດ​ເນື່ອງ​ມາ​ຈາກ​ຂະ​ແໜງ​ການ​ດັ່ງກ່າວ​ໄດ້​ມີ​ຄວາມ​ເຂັ້ມງວດ​ຕໍ່​ການ​ປະຕິບັດ​ໜ້າ​ທີ່​ວຽກ​ງານ​ຂອງ​ພະນັກງານ​ໄຟຟ້າ​ໃຫ້​ມີ​ຈັນ​ຍາ​ບັນ ​ແລະ ຄວາມ​ໂປ່​ງ​ໃສ ຈົນ​ເພິ່ນ​ໄດ້​ລົງ​ໂຄສະນາ​ທາງ​ວິທະຍຸ​ກະຈາຍສຽງ​ວ່າ: ຖ້າ​ພົບ​ເຫັນ​ພະນັກງານ​ໄຟຟ້າ​ຜູ້​ໃດ​ມີ​ການ​ປະພຶດ​ບໍ່​ດີ, ​ເວົ້າຈາ​ບໍ່​ສຸພາບ​ຕໍ່​ປະຊາຊົນ ສາມາດ​ໂທ​ເຂົ້າ​ແຈ້ງ​ໃນ​​ເບີ​ສຸກ​ເສີນ​ໄຟຟ້າ 1199 ​ໄດ້​ທັນທີ ​ເພື່ອ​ຈະ​ມີ​ການ​ປັບປຸງ​ແກ້​ໄຂ.

- lattana 1 - ຊົມເຊີຍການສະໜອງໄຟຟ້າໄລຍະນີ້ດີຫລາຍ

​ໃນ​ຈຸດ​ນີ້ ທ່ຽງ​ທຳ ​ເຫັນ​ວ່າ: ນີ້​ເປັນ​ແບບຢ່າງ​ທີ່​ດີ, ຖ້າ​ທຸກຂະ​ແໜງ​ການ​ຫາກ​ເຮັດ​ໜ້າ​ທີ່​ເພື່ອ​ຜົນ​ປະ​ໂຫຍ​ດຂອງ​ປະຊາຊົນ ​ແລະ ປະ​ເທດ​ຊາດ​ບ້ານ​ເມືອງ​ຢ່າງ​ແທ້​ຈິງ​ແລ້ວ ອັນ​ໃດ​ມັນ​ກໍ​ຈະ​ຕ້ອງ​ມີ​ການ​ພັດທະນາ​ດີ​ຂຶ້ນ ດັ່ງ​ຄວາມ​ຕ້ອງການ ​ແລະ ຄວາມ​ມຸ້ງ​ຫວັງ​ນັ້ນ​ໄດ້​ຢ່າງ​ແທ້​ຈິງ. ດັ່ງນັ້ນ ກໍ​ຂໍ​ໃຫ້​ຂະ​ແໜງ​ການ​ອື່ນໆ​ຮໍ່າຮຽນ​ເອົາ​ສິ່ງ​ທີ່​ດີ​ດັ່ງກ່າວ ​ແລະ ​ເຂັ້ມງວດ​ຕ້ານ​ສິ່ງ​ບໍ່​ດີ​ໃຫ້​ໝົດ​ໄປ​ໃນ​ສັງຄົມ​ເຮົາ ​ເພື່ອ​ພ້ອມ​ກັນ​ສ້າງສາ​ພັດທະນາ​ບ້ານ​ເມືອງ​ໃຫ້​ນັບ​ມື້ຮຸ່ງ​ເຮືອງ​ສີວິ​ໄລ​ຍິ່ງໆ​ຂຶ້ນ.

error: Content is protected !!