ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ

- 1506571902487 960x0 - ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ
- AGL banner - ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ

ຍີ່ປຸ່ນ​ປະກາດ​ຍຸບ​ສະພາ​ແລ້ວ​ໃນ​ວັນ​ທີ 28 ກັນຍາ​ນີ້, ຄາດ​ວ່າການ​ເລືອກ​ຕັ້ງກ່ອນ​ກຳນົດ​ຮອບ​ໃໝ່​ຈະ​ມີ​ຂຶ້ນ​ໃນ​ວັນ​ທີ 22 ຕຸລາ.

ນາຍົກລັດຖະມົນຕີ ຊິນ​ໂຊ ອາ​ເບະ ຄາດ​ຫວັງ​ວ່າ: ສຽງ​ສະໜັບສະໜູນ​ທີ່​ເພີ່ມ​ຂຶ້ນ​ໃນ​ໄລຍະ​ເດືອນ​ຜ່ານ​ມາ​ຈະ​ຊ່ວຍ​ໃຫ້​ລັດຖະບານ​ປະສົມ​ພາຍ​ໃຕ້​ການ​ນຳ​ຂອງ​ພັກ​ເສລີ​ປະຊາທິປະ​ໄຕ ຫລື LDP ສາມາດ​ຄອງ​ສຽງ​ສ່ວນ​ຫລາຍ​ປົກກະຕິ​ໄວ້​ໄດ້. ມີ​ລາຍ​ງານ​ວ່າ: ສະມາຊິກ​ພັກ​ຝ່າຍ​ຄ້ານຈຳນວນ​ໜຶ່ງ​ບໍ່​ເຂົ້າຮ່ວມ​ປະຊຸມ ​ເຊິ່ງມີ​ການ​ປະກາດ​ຍຸບ​ສະພາ ​ເພື່ອ​ປະ​ທ້ວງ​ນາຍົກລັດຖະມົນຕີທີ່ປະກາດ​ຈັດການ​ເລືອກ​ຕັ້ງກ່ອນ​ກຳນົດ ​ແລະ ກໍ່​ໃຫ້​ເກີດ​ບັນຍາກາດ​ທາງ​ການ​ເມືອງ​ໃນ​ຂະນະ​ທີ່​ສະຖານ​ະການ​ຄວາມ​ເຄັ່ງ​ຕຶງ​ກັບ ສປປ ​ເກົາຫລີ ຢູ່​ໃນ​ລະດັບ​ສູງ.

ຜົນສຳ​ຫລວດ​ຂອງ​ໜັງສືພິມ​ໄມ​ນິຈິລະ​ບຸ​ວ່າ: ຜູ້​ມີ​ສິດ​ເລືອກ​ຕັ້ງ 18% ຈະ​ລົງ​ຄະ​ແນນ​ໃຫ້​ພັກ​ຂອງ​ທ່ານ ຢູຣິ​ໂກະ ​ໂຄ​ອິ​ເກະ ​ເຈົ້າຄອງ​ນະຄອນຫລວງ​ໂຕ​ກຽວ ທີ່​ຫາ​ກໍ​ເປີດ​ຕົວຢ່າງ​ເປັນ​ທາງ​ການ, ຂະນະ​ທີ່ 29% ຈະ​ລົງ​ຄະ​ແນນ​ໃຫ້​ພັກ LDP ຂອງ​ທ່ານ ອາ​ເບະ, ຂະນະ​ທີ່​ຜົນສຳ​ຫລວດ​ຂອງ​ໜັງສືພິມ​ອາຊາ​ຮິ​ພົບ​ວ່າ: 13% ຈະ​ລົງ​ຄະ​ແນນ​ໃຫ້​ພັກ​ຂອງ​ທ່ານ​ນາງ ​ໂຄ​ອິ​ເກະ ​ແລະ 32% ຈະ​ລົງ​ຄະ​ແນນ​ໃຫ້​ພັກ LDP. ຄະ​ແນນ​ນິຍົມ​ຂອງ​ທ່ານ ອາ​ເບະ ​ເພີ່ມ​ຂຶ້ນ​ເປັນ 50% ຈາກ 30% ​ໃນ​ເດືອນ​ກໍລະກົດຜ່ານ​ມາ ​ໂດຍ​ສ່ວນ​ໜຶ່ງ​ເປັນ​ຜົນ​ມາ​ຈາກ​ບົດບາດນຳ​ຂອງ​ທ່ານ​ໃນ​ໄລຍະ​ເກີດ​ວິ​ກິດ ສປປ ​ເກົາຫລີ.

- Wave100S AD to Website 2020 0 - ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ
-    AD conten website - ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ
- lattana banner 1 - ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ
- lattana banner - ຍີ່ປຸ່ນປະກາດຍຸບສະພາແລ້ວ ຄາດເລືອກຕັ້ງຮອບໃໝ່ 22 ຕຸລາ
error: Alert: ເນື້ອຫາຂ່າວມີລິຂະສິດ !!