ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ

ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ - kitchen vibe - ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ

ວັນທີ 8 ທັນວາ 2023, ອົງການກວດກາແຫ່ງລັດ ຈັດພິທີສະເຫຼີມສະຫຼອງວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ (9/12/2003-9/12/2023) ເປັນປະທານຂອງ ທ່ານ ວິໄລວັນ ບຸດດາຄໍາ, ຮອງປະທານອົງການກວດກາແຫ່ງລັດ, ຮອງຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ.

ທ່ານ ວິໄລວັນ ບຸດດາຄຳ ໄດ້ຫວນຄືນ ຄວາມເປັນມາຂອງວັນຕ້ານການສໍ້ລາດບັງຫລວງສາກົນ, ໂດຍຍົກໃຫ້ເຫັນຜົນຮ້າຍ ແລະຄວາມເປັນອັນຕະລາຍຂອງການສໍ້ລາດບັງຫລວງ ເຊິ່ງແມ່ນອາຊະຍາກຳໜຶ່ງທີ່ເກີດຂຶ້ນໃນກົງຈັກການຈັດຕັ້ງຂອງພັກ-ລັດ, ເປັນໄພອັນຕະລາຍອັນໃຫຍ່ຫລວງທີ່ສົ່ງຜົນກະທົບ ແລະ ກົດໜ່ວງຖ່ວງດຶງການພັດທະນາເສດຖະກິດ-ສັງຄົມຂອງແຕ່ລະປະເທດໃນໂລກບໍ່ວ່າຈະແມ່ນປະເທດນ້ອຍຫຼືໃຫຍ່, ທຸກຍາກ ຫຼື ຮັ່ງມີກໍລ້ວນແຕ່ມີຜົນກະທົບເຊັ່ນດຽວກັນ; ການສໍ້ລາດບັງຫລວງພວມເປັນໄພຂົ່ມຂູ່ຕໍ່ຄວາມມີສະຖຽນລະພາບຂອງການຈັດຕັ້ງລັດແລະເອກະຊົນ, ກໍ່ໃຫ້ເກີດມີຄວາມບໍ່ສະຫງົບ, ຄວາມບໍ່ຍຸຕິທໍາໃນສັງຄົມ, ເປັນການບັ່ນທອນກໍາລັງແຮງກໍ່ຄືຄວາມເຊື່ອໝັ້ນ ແລະຄ່ານິຍົມຂອງສັງຄົມຕໍ່ບັນດາສະຖາບັນການປົກຄອງ ແລະ ການຈັດຕັ້ງຕ່າງໆ, ຍ້ອນເຫັນໄດ້ຜົນຮ້າຍ ແລະໄພອັນຕະລາຍຂອງການສໍ້ລາດບັງຫລວງຄືດັ່ງກ່າວຈຶ່ງໄດ້ມີການຄົ້ນຄວ້າສ້າງກໍານົດໝາຍສາກົນເພື່ອເປັນບ່ອນອີງໃຫ້ແກ່ການພົວພັນຮ່ວມມືລະຫວ່າງປະເທດນັບທັງຢູ່ໃນຂົງເຂດພາກພື້ນ ແລະສາກົນເພື່ອພ້ອມກັນສະກັດກັ້ນແລະຕໍ່ສູ້ຢ່າງມີປະສິດຕິຜົນຕໍ່ການກະທໍາຫຼືພຶດຕິກໍາທີ່ເປັນການສໍ້ລາດບັງຫລວງ. ດັ່ງນັ້ນ, ກອງປະຊຸມໃຫຍ່ອົງການສະຫະປະຊາຊາດ ປີ 2000 ຈຶ່ງໄດ້ມີມະຕິເລກທີ55/61, ລົງວັນທີ 4ທັນວາ 2000 ກໍານົດຄວາມຈໍາເປັນໃນການສ້າງກົດບັດສາກົນໃນການສະກັດກັ້ນແລະຕ້ານການສໍ້ລາດບັງຫລວງ.

ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ - Visit Laos Visit SALANA BOUTIQUE HOTEL - ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ

ຈາກນັ້ນສົນທິສັນຍາສະຫະປະຊາຊາດວ່າດ້ວຍການຕ້ານການສໍ້ລາດບັງຫລວງໄດ້ຖືກຮັບຮອງເອົາຢ່າງເປັນເອກະສັນໃນວັນທີ 18 ທັນວາ 2002 ທີ່ນິວຢອກ, ປະເທດສະຫະລັດອາເມລິກາ ແລະໄດ້ເປີດໃຫ້ປະເທດຕ່າງໆລົງນາມເຂົ້າເປັນສະມາຊິກໃນວັນທີ 9-11 ທັນວາ 2003 ທີ່ເມືອງເມລິດາປະເທດແມັກຊີໂກ, ມາຮອດປັດຈຸບັນມີ 189 ລັດພາຄີ. ສໍາລັບ ສປປ ລາວ ໄດ້ລົງນາມໃນວັນທີ 10 ທັນວາ 2003 ແລະໃຫ້ສັດຕະຍາບັນໃນວັນທີ 25 ກັນຍາ 2009; ກອງປະຊຸມອົງການສະຫະປະຊາຊາດປີ 2003 ໄດ້ອອກຍັດຕິ58/4 ໂດຍກໍານົດເອົາວັນທີ 9 ທັນວາ ຂອງທຸກໆປີ ເປັນວັນຕ້ານການສໍ້ລາດບັງຫລວງສາກົນ. ນັບແຕ່ນັ້ນມາ, ວັນທີ 9 ທັນວາໄດ້ກາຍເປັນວັນທີ່ມີຄວາມໝາຍສໍາຄັນແຫ່ງຄວາມສາມັກຄີໃນການຕໍ່ສູ້ຕ້ານການສໍ້ລາດບັງຫລວງຂອງບັນດາປະຊາຊາດໃນໂລກ; ສຳລັບຄຳຂັວນໃນປີນີ້ແມ່ນ “ສາມັກຄີຮ່ວມກັບປະຊາຄົມໂລກຕ້ານການສໍ້ລາດບັງຫລວງ”.

ສຳລັບປີ 2023 ດໍາເນີນຄະດີສໍ້ລາດບັງຫລວງທັງໝົດ 5 ເປົ້າໝາຍ, ມີຜູ້ພົວພັນ 34 ຄົນ, ສືບສວນສອບສວນແລ້ວ 19 ຄົນ, ໃນນັ້ນ ກັກຕົວ 15 ຄົນ, ພົບເຫັນມູນຄ່າເສຍຫາຍ 800 ກວ່າຕື້ກີບ ແລະ 16 ລ້ານກວ່າໂດລາສະຫະລັດ. ຜົນເສຍຫາຍຈາກການສໍ້ລາດບັງຫລວງດັ່ງກ່າວ ແມ່ນຖືກເກັບກູ້ຄືນໄດ້ຈຳນວນໜຶ່ງ. ພຶດຕິກໍາສໍ້ລາດບັງຫລວງທີ່ພົ້ນເດັ່ນແມ່ນ: ການສວຍໃຊ້ຖານະຕໍາແໜ່ງ, ສິດອໍານາດ, ໜ້າທີ່, ການໃຫ້ ແລະ ຮັບສິນບົນ, ການຍັກຍອກ, ການສໍ້ໂກງຊັບຂອງລັດ, ການປອມແປງ ແລະ ນຳໃຊ້ເອກະສານປອມ ແລະ ອື່ນໆ.

 

 

ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ - 3 - ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ
ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ - 4 - ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ
ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ - 5 - ສະເຫຼີມສະຫຼອງ ວັນຕ້ານການສໍ້ລາດບັງຫລວງສາກົນ ຄົບຮອບ 20 ປີ