ອາຊຽນຮຽກຮ້ອງໃຫ້ລົງທຶນດ້ານພະລັງງານ

- advert banner 728 90 728x90 - ອາຊຽນຮຽກຮ້ອງໃຫ້ລົງທຶນດ້ານພະລັງງານ

ສຳນັກ​ຂ່າວ​ຊິນ​ຮົວຂອງ​ທາງ​ການ​ຈີນ​ລາຍ​ງານ​ວ່າ: ສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກສຽງ​ໃຕ້ ຫລື ອາ​ຊຽນ ຮຽກຮ້ອງ​ໃຫ້​ບັນດາ​ນັກ​ລົງທຶນ​ສະໜັບສະໜູນ​ການ​ລົງທຶນ​ໃນ​ໂຄງການ​ດ້ານ​ພະລັງງານ ​ເພື່ອ​ສົ່ງ​ເສີມ​ການ​ຂະຫຍາຍຕົວ​ໃນ​ພາກພື້ນ.

- new3 - ອາຊຽນຮຽກຮ້ອງໃຫ້ລົງທຶນດ້ານພະລັງງານ

ທ່ານ ອານ​ຟົນ​ໂຊ ກູ​ຊິ ລັດຖະມົນຕີ​ກະຊວງ​ພະລັງງານ​ຟີ​ລິບ​ປິນ ກ່າວ​ວ່າ: ​ໃນ​ພິທີ​ເປີດ​ກອງ​ປະຊຸມ​ລັດຖະມົນຕີ​ພະລັງງານ​ອາ​ຊຽນ ຄັ້ງທີ 35 ກ່ຽວ​ກັບ​ແຜນການ​ຂອງ​ອາ​ຊຽນ ​ເພື່ອ​ຄວາມ​ຍືນ​ຍົງ​ດ້ານ​ພະລັງງານ​ໃນ​ພາກພື້ນ ​ແລະ ກ່າວ​ວ່າ: ​ແຜນ​ດັ່ງກ່າວ​ເປັນ​ແຜນ​ທີ່​ຍິ່ງ​ໃຫຍ່ ​ແລະ ​ໃຊ້​ງົບປະມານ​ຈຳນວນ​ມະຫາສານ ຈຶ່ງ​ມີ​ຄວາມ​ຈຳ​ເປັນ​ຈະ​ຕ້ອງ​ລະດົມ​ທຶນ ​ແລະ ທັກ​ສະ​ຄວາມ​ຮູ້​ສຳລັບ​ແຜນການ​ດັ່ງກ່າວ​ໃນ​ອະນາຄົດ ​ແລະ ກ່າວ​ອີກ​ວ່າ: ພະລັງງານ​ໝູນວຽນ ​ແລະ ​ແກັສທຳ​ມະ​ຊາດ​​ເຫ​ລວ ຫລື LNG ຖື​ເປັນ​ສ່ວນ​ສຳຄັນ​ຂອງ​ການ​ຮ່ວມ​ມື​ດ້ານ​ພະລັງງານ, ອຸດສາຫະກຳ​ພະລັງງານ​ທົດ​ແທນ​ຕ້ອງ​ປ່ຽນ​ແປງ​ເພື່ອ​ນຳ​ໄປ​ສູ່​ອະນາຄົດ​ທີ່​ຍືນ​ຍົງ. ນອກ​ຈາກ​ນີ້ ລັດຖະມົນຕີ​ພະລັງງານ​ຟີ​ລິບ​ປິນຍັງ​ເນັ້ນ​ເຖິງ​ຄວາມ​ຈຳ​ເປັນ​ຈະ​ຕ້ອງ​ສົ່ງ​ເສີມ​ການ​ເຊື່ອມ​ໂຍງ​ລະດັບ​ພາກພື້ນ.

- lattana 1 - ອາຊຽນຮຽກຮ້ອງໃຫ້ລົງທຶນດ້ານພະລັງງານ

ທ່ານ ກູ​ຊິ ກ່າວ​ວ່າ: ອາ​ຊຽນ​ເລີ່​ມຊຸກຍູ້​ການ​ດຳ​ເນີນ​ໂຄງການ​ເຊື່ອມ​ໂຍງ​ທໍ່​ສົ່ງ​ແກັສທຳ​ມະ​ຊາດ​ອາ​ຊຽນ (Trans-ASEAN Gas Pipeline : TAGP) ​ເຊິ່ງ​ເຊື່ອມ​ໂຍງ​ລະຫວ່າງ​ສິງກະ​ໂປ, ​ມາ​ເລ​ເຊຍ, ​ໄທ, ມຽນມາ ​ແລະ ອິນ​ໂດ​ເນ​ເຊຍ. ​ໂຄງການ​ນີ້​ຈະ​ຊ່ວຍ​ຫລຸດ​ຄ່າ​ໃຊ້​ຈ່າຍ​ໃນ​ການ​ຂົນ​ສົ່ງ​ແກັສ ​ແລະ ນຳ​ເອົາ​ແກັສ​ໃນ​ພາກພື້ນມາ​ໃຊ້​ປະ​ໂຫຍ​ດ​ໂດຍ​ການ​ລົງທຶນ​ວາງ​ທໍ່​ເຊື່ອມ​ລະຫວ່າງ​ປະ​ເທດ​ດັ່ງກ່າວ.

error: Content is protected !!