ກະສິກໍາ ​ແລະ ພັດທະນາ​ຊົນນະບົດ ຫາລືວຽກງານ​ປະ​ຈໍາ​ໄຕ​ມາດ​

- Untitled design - ກະສິກໍາ ​ແລະ ພັດທະນາ​ຊົນນະບົດ ຫາລືວຽກງານ​ປະ​ຈໍາ​ໄຕ​ມາດ​

ໃນວັນທີ 27 ກັນຍານີ້, ​ກະຊວງກະສິກໍາ ​ແລະ ປ່າ​ໄມ້ ໄດ້ຈັດກອງປະຊຸມໜ່ວຍ​ງານ​ຂະ​ແໜງ​ການ​ກະສິກໍາ ​ແລະ ພັດທະນາ​ຊົນນະບົດ ​ປະ​ຈໍາ​ໄຕ​ມາດ​ທີ່ 2 ​ແລະ 3 ປີ 2017, ໂດຍການເປັນປະທານຮ່ວມຂອງທ່ານ ພວງ​ປາຣິສັກ ປຣະວົງ​ວຽງ​ຄໍາ ຮອງ​ລັດຖະມົນຕີ​ກະຊວງ​ກະດັ່ງກ່າວ ແລະ ມີທ່ານ ອາ​ເລັນ ​ເວີ​ນິນັດສ ຕາງ​ໜ້າ​ສະຖານທູດ​ຝຣັ່ງ ປະ​ຈໍາ​ລາວ, ທ່ານ ສະຕີ​ເຟັນ ຣູດກາດ ຜູ້ຕາງ​ໜ້າ​ອົງການ ອາຫານ ​ແລະ ການ​ກະ​ເສດ ປະ​ຈໍາລາວນໍາດ້ວຍ.

ເພື່ອປຶກສາຫາລື ແລະ ແລກປ່ຽນຄໍາເຫັນໃນການປັບປຸງຮ່າງການຈັດຕັ້ງຂັ້ນສຸດທ້າຍ ແລະ ຄວາມຄືບໜ້າຂອງວຽກງານບັນດາຂະແໜງຍ່ອຍ, ປຶກສາ​ຫາລື​ຮ່າງ​ບົດ​ລາຍ​ງານ​ປະ​ຈໍາປີ ຂອງ​ໜ່ວຍ​ງານ​ຂະ​ແໜງ​ການ​ກະສິກໍາ ​ແລະ ພັດທະນາ​ຊົນນະບົດ​​ປະ​ຈໍາປີ 2017 ແລະ ຍຸດ​ທະ​ສາດ​ຂອງ​ຂະ​ແໜງ​ກະສິກໍາຮອດ​ປີ 2025, ຜົນ​ການຈັດ​ຕັ້ງ​ປະຕິບັດ ​ແລະ ຜົນ​ສໍາ​ເລັດ​ຂອງ​ແຜນ​ງານພັດທະນາ​ເສດຖະກິດ-​ສັງຄົມ, ວຽກ​ງານ​ຫຼຸດຜ່ອນ​ຄວາມທຸກ​ຍາກ ​ແລະ ການ​ພັດທະນາ, ວຽກ​ຄຸ້ມ​ຄອງ​ການ​ແຜ່​ລະບາດ​ຂອງ​ພະຍາດ​, ການ​ຕອບ​ໂຕ້​ຕໍ່​ໄພ​ຂົ່ມ​ຂູ່ ​ແລະ ສິ່ງ​ທ້າ​ທາຍ​ຕ່າງໆ, ວຽກ​ງານ​ກະສິກໍາ ​ແລະ ​ໂພຊະ​ນາ​ການ, ສັນ​ຍາ​ການ​ຜະລິດ​ຂອງ​ຊາວນາ ​ແລະ ບັນຫາອື່ນໆ. ​ເພື່ອ​ເປັນການ​ກະກຽມ​ຂໍ້​ມູນໃຫ້ແກ່​​​ກອງ​ປະຊຸມ​ໂຕະມົນ​​ ​ແລະ ​ລາຍ​ງານ​ຕໍ່​ລັດຖະບານໃນ​​ເດ​ືອນພະຈິກ​ທີ່​​ຈະ​ເຖິງນີ້.

ໃນໂອກາດດັ່ງກ່າວ​ ຮອງ​ລັດຖະມົນຕີ​ກະຊວງ​ກະສິກໍາ ​ແລະ ປ່າ​ໄມ້​ ​​ໄດ້​ເນັ້ນ​ໃຫ້ທຸກ​ພາກສ່ວນສືບ​ຕໍ່ຈັດ​ຕັ້ງ​ບັນ​ດາ​ໜ້າ​ວຽກ​ຕ່າ​ງໆຂອງ​ໜ່ວຍງານໃຫ້​ເປັນ​ຮູບ​ປະ​ທໍາ​, ​ບັນຫາ​ສັນຍາ​ຜູກ​ພັນ​ສອງ​ສົ້ນ​ລະຫວ່າງ​ຊາວນາ​ ​ແລະ ຜູ້​ປະກອບການ, ການ​ທົບ​ທວນຄືນ​​ເລື່ອງ​ສໍາ​ປະທານພື້ນ​ທີ່​ການຜະລິດ​ກະສິກໍາ ​​ແລະ ອື່ນໆ.​

- Wave100S AD to Website 2020 0 - ກະສິກໍາ ​ແລະ ພັດທະນາ​ຊົນນະບົດ ຫາລືວຽກງານ​ປະ​ຈໍາ​ໄຕ​ມາດ​
- WhatsApp Image 2020 05 27 at 5 - ກະສິກໍາ ​ແລະ ພັດທະນາ​ຊົນນະບົດ ຫາລືວຽກງານ​ປະ​ຈໍາ​ໄຕ​ມາດ​
- WhatsApp Image 2020 05 27 at 5 - ກະສິກໍາ ​ແລະ ພັດທະນາ​ຊົນນະບົດ ຫາລືວຽກງານ​ປະ​ຈໍາ​ໄຕ​ມາດ​
error: Alert: ເນື້ອຫາຂ່າວມີລິຂະສິດ !!