ດ່ານພາສີສາກົນນ້ຳພາວ ເຂັ້ມງວດກວດຂັນການລັກລອບສິນຄ້າໜີພາສີ

- advert banner 728 90 728x90 - ດ່ານພາສີສາກົນນ້ຳພາວ ເຂັ້ມງວດກວດຂັນການລັກລອບສິນຄ້າໜີພາສີ

ດ່ານພາສີສາກົນນ້ຳພາວ ເມືອງຄຳເກີດ ແຂວງບໍລິຄຳໄຊ ໄດ້ໃຫ້ຄວາມເຂັ້ມງວດໃນການຈັດຕັ້ງປະຕິບັດວຽກງານຕ້ານ ແລະ ສະກັດກັ້ນ ການລັກລອບສິນຄ້າໜີພາສີ, ຄືນັບແຕ່ຕົ້ນປີມານີ້ ສາມາດມ້າງຄະດີທັງໝົດ 27 ກໍລະນີ ໃນນັ້ນພົ້ນເດ່ັນກວ່າຫມູ່ແມ່ນຄະດີໄມ້ສາມາດຈັດເກັບລາຍຮັບເຂົ້າງົບປະມານໄດ້ຫລາຍກວ່າ 252 ຕື້ກີບທຽບໃສ່ໄລຍະດຽວກັນຂອງປີ 2016 ເພີ່ມຂຶນ 28,57%.

- new3 - ດ່ານພາສີສາກົນນ້ຳພາວ ເຂັ້ມງວດກວດຂັນການລັກລອບສິນຄ້າໜີພາສີ

ທ່ານ ສ້ອຍ ວົງພະຈັນ ຮອງຫົວໜ້າດ່ານພາສີສາກົນນ້ຳພາວ ໄດ້ໃຫ້ສຳພາດຕໍ່ທິມງານຂ່າວ ການເງິນວ່າ: ດ່ານພາສີສາກົນນ້ຳພາວ ເປັນໜ່ວຍວິຊາການໜຶ່ງຂຶ້ນກັບກົມພາສີ, ປະກອບມີພະນັກງານ 30 ຄົນ, ມີຫ້ອງການເຮັດວຽກ 2 ຈຸດຄື: ຈຸດຊາຍແດນ (505), ຈຸດຫລັກ20 (515) ປະກອບມີ 4 ຈຸງານ,  ຜ່ານການຈັດຕັ້ງປະຕິບັດວຽກງານວິຊາສະເພາະໃນການຈັດເກັບລາຍຮັບເຂົ້າງົບປະມານ 9 ເດືອນຜ່ານມາເຫັນວ່າເພີ່ມຂຶ້ນຫລາຍ  ທັງນີ້໊, ກໍຍ້ອນການຢຸດເຊົາຍົກເວັ້ນພາສີ-ອາກອນນຳເຂົ້ານ້ຳມັນເຊື້ອໄຟກວມເອົາ 98,78% ແລະ ລາຍຮັບຈາກການບໍລິການຄ່າທຳນຽມເຂົ້າ-ອອກດ່ານສາກົນ ແລະ ອື່ນໆ.

+ເລີ່ມຈັດເກັບຄ່າທໍານຽມຜູ້ໂດຍສານ ແລະ ພາຫະນະເຂົ້າ-ອອກດ່ານພາສີສາກົນຂົວມິດ ຕະພາບ 1 ດ້ວຍລະບົບທັນສະໄໝ

ຄຽງຄູ່ກັນນີ້, ເຈົ້າໜ້າທີ່ພາສີປະຈຳດ່ານສາກົນນ້ຳພາວ ຍັງໄດ້ເຂັ້ມງວດໃນການຈັດຕັ້ງປະຕິບັດວຽກງານວິຊາສະເພາະໃນການຕ້ານ ແລະ ສະກັດກັ້ນການລັກລອບສິນຄ້າໜີພາສີ, ໃຫ້ຮູ້ຕື່ມວ່າ: ເພື່ອຕ້ານປະກົດການຫຍໍ້ທໍ້ທາງດ້ານພາສີຂອງຜູ້ປະກອບການຜ່ານດ່ານ ແລະ ການຈັດຕັ້ງປະຕິບັດວິຊາສະເພາະພະນັກງານ-ລັດຖະກອນພາສີ ຈະສຸມໃສ່ວຽກງານສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ-ພະນັກງານ, ເຮັດໜ້າທີ່ຂອງຕົນດ້ວຍຄວາມຮັບຜິດຊອບ, ປັບປຸງແບບແຜນວິທີນຳພາ, ວິທີການເຮັດວຽກງານໃຫ້ມີຄວາມເຂັ້ມແຂງ, ສອດຄ່ອງກັບລະບຽບກົດໝາຍ  ແລະ ສ້າງກົນໄກການບໍລິການໃຫ້ມີຄວາມສະດວກວ່ອງໄວທັນຕາມເວລາ ແລະ ເຫດການຕ່າງໆ.

- lattana 1 - ດ່ານພາສີສາກົນນ້ຳພາວ ເຂັ້ມງວດກວດຂັນການລັກລອບສິນຄ້າໜີພາສີ

 

error: Content is protected !!