ງານບຸນອອກພັນສາ ແລະ ຊ່ວງເຮືອປະເພນີປະຈຳປີ 2017 ຈະໄຂຂຶ້ນໃນວັນທີ 4-6 ຕຸລານີ້

- advert banner 728 90 728x90 - ງານບຸນອອກພັນສາ ແລະ ຊ່ວງເຮືອປະເພນີປະຈຳປີ 2017 ຈະໄຂຂຶ້ນໃນວັນທີ 4-6 ຕຸລານີ້

ໃນໂອກາດກະກຽມສະເຫລີມສະຫລອງບຸນອອກພັນສາປະວໍລະນາ ແລະ ຊ່ວງເຮືອປະເພນີປະຈຳປີ 2017, ທ່ານນາງ ບົວລອນ ວົງດາລາແສນ ເຈົ້າເມືອງ ຈັນທະບູລີ, ທັງເປັນປະທານຄະນະກຳມະການຈັດງານດັ່ງກ່າວ, ໄດ້ຖະແຫລງຕໍ່ສື່ມວນຊົນໃນ ວັນທີ 29 ກັນຍານີ້ວ່າ: ງານບຸນນີ້ ຈະໄດ້ເລີ່ມຄົບງັນຢ່າງເປັນທາງການໃນວັນທີ 4-6 ຕຸລານີ້, ທີ່ທ່າວັດຈັນ, ເມືອງຈັນທະລີ ນະຄອນຫລວງວຽງຈັນ, ໂດຍຈະຈັດໃຫ້ມີ ການວາງສະແດງ ແລະ ຂາຍສິນຄ້າເຄື່ອງທົ່ວໄປ ທັງພາຍໃນ ແລະ ຕ່າງປະເທດ, ໃນນັ້ນ ຈະໄດ້ເນັ້ນການສົ່ງເສີມຜະລິດຕະພັນ ແລະ ສິນຄ້າພົ້ນເດັ່ນຂອງທ້ອງຖິ່ນ, ຄອບຄົວຕົວແບບ ແລະ ສິນຄ້າໂອດ໋ອບຂອງຫົວໜ່ວຍທຸລະກິດຂະໜາດນ້ອຍ ແລະ ກາງ, ພ້ອມນີ້ ຍັງຈະມີການສະແດງສິລະປະວັນນະຄະດີ ຈາກທ້ອງຖິ່ນ ແລະ ມວນຊົນ ເປັນຕົ້ນ ໝໍຂັບ-ໝໍລຳ, ການສະແດງຟ້ອນ, ຮ້ອງເພງອື່ນໆອີກໃຫ້ມີຄວາມມ່ວນຊື່ນລື່ນເລິງ. ສ່ວນກິດຈະກຳທາງຮີດ ຄອງປະເພນີ ກໍຈະໄດ້ມີການ ຕັກບາດ, ວຽນທຽນ, ໄຫລເຮືອ ໄຟໂຄກ, ເຮືອໄຟນ້ຳ ແລະ ຈູດບັ້ງໄຟຄົບງັນຕາມປະເພນີ.

- new3 - ງານບຸນອອກພັນສາ ແລະ ຊ່ວງເຮືອປະເພນີປະຈຳປີ 2017 ຈະໄຂຂຶ້ນໃນວັນທີ 4-6 ຕຸລານີ້

ສຳລັບກິດຈະກຳການແຂ່ງຂັນຊ່ວງເຮືອປະເພນີຄາດວ່າຈະມີ ເຮືອສູດຊາຍ, ເຮືອປະເພນີ, ເຮືອ 12 ສີພາຍຍິງ-ຊາຍ ແລະ ເຮືອເຊີ້ງງາມເຂົ້າຮ່ວມຫລາຍສິບຄະນະ, ຊຶ່ງແຕ່ລະປະເພດ ອັນດັບທີ 1 ຈະໄດ້ຮັບຂັນເງິນ 1ໜ່ວຍ, ນ້ຳໜັກ 1 ກິໂລ ແລະ ເງິນສົດ 20 ລ້ານກີບ, ລາງວັນທີ 2 ຈະໄດ້ຮັບຂັນເງິນ 1​ໜ່ວຍ, ນ້ຳໜັກ 750 ກຼາມ ແລະ ເງິນສົດ 15 ລ້ານກີບ, ລາງວັນທີ 3 ຈະໄດ້ຮັບຂັນເງິນ 1ໜ່ວຍ, ນ້ຳໜັກ 500 ກຼາມ ແລະ ເງິນສົດ 10 ລ້ານກີບ, ສ່ວນລາງວັນທີ 4 ຈະໄດ້ຮັບເງິນ 6 ລ້ານກີບ. ແຕ່ປະ ເພດເຮືອເຊິ້ງງາມ ລາງວັນທີ 1 ຈະໄດ້ຮັບເງິນ 5 ລ້ານກີບ, ລາງວັນທີ 2 ຈະໄດ້ຮັບເງິນ 3 ລ້ານກີບ ແລະ ລາງວັນທີ 3 ຈະໄດ້ຮັບເງິນ 2 ລ້ານກີບ, ປະເພດເຮືອໄຟງາມ ລາງວັນ ທີ 1 ຈະໄດ້ຮັບເງິນສົດ 3 ລ້ານກີບ, ລາງວັນທີ 2 ຈະໄດ້ຮັບເງິນ 2 ລ້ານກີບ ແລະ ລາງ ວັນທີ 3 ຈະໄດ້ຮັບ 1 ລ້ານກີບ. ພິເສດ ໃນປີນີ້ ຈະມີລາງວັນໃຫ້ກັບເຮືອທີ່ມານອນ ທຽບທ່າກ່ອນມື້ເຂົ້າແຂ່ງຂັນແມ່ນຈະໄດ້ຮັບລຳລະ 1 ລ້ານກີບ.

- lattana 1 - ງານບຸນອອກພັນສາ ແລະ ຊ່ວງເຮືອປະເພນີປະຈຳປີ 2017 ຈະໄຂຂຶ້ນໃນວັນທີ 4-6 ຕຸລານີ້

ການຈັດງານບຸນດັ່ງກ່າວ ເພື່ອປົກປັກຮັກສາ ແລະ ເສີມຂະຫຍາຍມູນເຊື້ອ ວັດທະນະທຳ, ຮີດຄອງປະເພນີອັນດີງາມຂອງຊາດລາວ ກໍຄືນະຄອນຫລວງວຽງຈັນ ທີ່ ສືບທອດກັນມາແຕ່ບູຮານນະການ, ພ້ອມທັງຮັບປະກັນໃຫ້ມີຄວາມເບີກບານ ມ່ວນຊື່ນ, ມີບັນຍາກາດຟົດຟື້ນຢູ່ໃນສັງຄົມ ນັບທັງສິນລະປະວັນນະຄະດີ, ການແຂ່ງຂັນ ຊ່ວງເຮືອປະເພດຕ່າງໆ, ໃຫ້ມີຄວາມເບີກບານມ່ວນຊື່ນ ແລະ ຟົດຟື້ນກວ່າປີຜ່ານ ມາ, ພ້ອມທັງຮັບປະກັນຄວາມສະຫງົບປອດໄພຮອບດ້ານໃຫ້ໄດ້ຮ້ອຍສ່ວນຮ້ອຍ, ພ້ອມນີ້ກໍເພື່ອເປັນການຕ້ອນຮັບປີທ່ອງທ່ຽວລາວ 2018 ທີ່ຈະຈັດຂຶ້ນ ພ້ອມໆກັບມື້ບຸນພະທາດຫລວງ ໃຫ້ມີບັນຍາກາດຟົດຟື້ນຍິ່ງໆຂຶ້ນ.

error: Content is protected !!