ບານ​ເຕະ 7 ຄົນ 2017 ລາຍການ ຕັນ​ຈົງ-ນິສ​ສັນ ຄັບ ກຽມ​ເປີດ​ສາກ​ຂຶ້ນກາງ​ເດືອນ​ຕຸລາ​ນີ້

- advert banner 728 90 728x90 - ບານ​ເຕະ 7 ຄົນ 2017 ລາຍການ ຕັນ​ຈົງ-ນິສ​ສັນ ຄັບ ກຽມ​ເປີດ​ສາກ​ຂຶ້ນກາງ​ເດືອນ​ຕຸລາ​ນີ້

- DSC 1078 1 1024x740 - ບານ​ເຕະ 7 ຄົນ 2017 ລາຍການ ຕັນ​ຈົງ-ນິສ​ສັນ ຄັບ ກຽມ​ເປີດ​ສາກ​ຂຶ້ນກາງ​ເດືອນ​ຕຸລາ​ນີ້

- new3 - ບານ​ເຕະ 7 ຄົນ 2017 ລາຍການ ຕັນ​ຈົງ-ນິສ​ສັນ ຄັບ ກຽມ​ເປີດ​ສາກ​ຂຶ້ນກາງ​ເດືອນ​ຕຸລາ​ນີ້

ການ​ແຂ່ງຂັນ​ບານ​ເຕະ 7 ຄົນ ປະຈຳປີ 2017  ຊີງ​ຄວາມ​ເປັນ​ຫນຶ່ງ​​ໃນ 8 ທີ​ມທີ່​ດີ​ທີ່​ສຸດ​ເພື່ອ​ຄວ້າ​ແຊ໊ມລາຍການ ຕັນ​ຈົງ-ນິສສັນ ຄັບ ມູນ​ຄ່າ​ຫລາຍ​ກວ່າ 16 ລ້ານ​ກີບ ກຽມ​​ເປີດ​ສາກ​ຂຶ້ນ ​ໃນ​ວັນ​ທີ 9 – 24 ຕຸລາ 2017 ນີ້.

ໃນ​ວັນ​ທີ 27 ກັນຍາ​ນີ້ ຢູ່ບໍລິສັດ ລ້ານ​ຊ້າງ ອິນທຣາ ນະຄອນຫລວງ​ວຽງ​ຈັນ ​ໄດ້​ມີ​ງານ ຖະ​ແຫ​ລງຂ່າວການ​ແຂ່ງຂັນ​ບານ​ເຕະ 7 ຄົນ ປະຈຳ​ປີ 2017 ​ໂດຍ​ແມ່ນ ບໍລິສັດ ຕັນ​ຈົງ ມໍ​ເຕີ້ ລາວ ​ແລະ ນິດ​ສັນ ( ຜູ້​ສະຫນັບ​ສະ​ໜູນ​ຫລັກ ) ຮ່ວມ​ກັບ ບໍລິສັດ ລ້ານ​ຊ້າງ​ອິນທຣາ ​ແລະ L2MO ຈັດ​ຂຶ້ນ. ​ໂດຍ​ການ​​ເຂົ້າຮ່ວມຂອງ​ທ່ານ ຄຳ​ສະຫວັນ ​ໂຄດ​ໄຊ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ​ແລະ ທ່ານ ວຽງ​ສະຫວັນ ​ແສງ​ຈັນ ປະທານ​ສະຫະພັນ​ບານ​ເຕະນະ ຄອນຫລວງ​ວຽງ​ຈັນ.

ທ່ານ ​ແຮ​ບປີ ສີ​ສົມ​ພອນ ຜູ້​ບໍລິຫານ ບໍລິສັດ L2MO ( Lanxang media, Marketing and organizer ) ​ໄດ້​ລາຍ​ງານ​ວ່າ :  ​ການ​ແຂ່ງຂັນ​ລາຍການ​ນີ້​ແມ່ນ​ເລັງ​ໃສ່​ກຸ່ມ​ຄົນ​ອາຍຸ 25 ປີ​ຂຶ້ນ​ໄປ  ​ແຕ່​ມີ​ການ​ຈຳກັດ​ວ່າ 1 ທີ​ມ ສາມາດ​ມີ​ນັກ​ເຕະ​ອາຊີບ ຫລື ອະດີດ​ທີ​ມຊາດ ​ໄດ້​ພຽງ 1 ຄົນ​ເທົ່າ​ນັ້ນ ເພື່ອ​ເປັນ​ການ​ສ້າງ​ຄວາມ​ສາມັກຄີ ​ແລະ ມິດຕະພາບ​ອັນ​ດີ ​ປີ​ນີ້​ແມ່ນ​ປີ​ທຳ​ອິດທີ່​ໄດ້​ຈັດ​ຂຶ້ນ ໂດຍ​ໄດ້​ຮັບການ​ຊີ້ນຳຈາກພະ​ແນ​ກສຶກສາ​ທິການ ​ແລະ ກິລາ ​ເຊິ່ງການ​ແຂ່ງຂັນ​ຈະ​ເລີ່​ມ​ແຕ່​ວັນ​ທີ 9 – 24 ຕຸລາ​ 2017.

- lattana 1 - ບານ​ເຕະ 7 ຄົນ 2017 ລາຍການ ຕັນ​ຈົງ-ນິສ​ສັນ ຄັບ ກຽມ​ເປີດ​ສາກ​ຂຶ້ນກາງ​ເດືອນ​ຕຸລາ​ນີ້

ທ່ານ ຄຳ​ສະຫວັນ ​ໂຄດ​ໄຊ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ​ໄດ້​ກ່າວ​ວ່າ : ການ​ແຂ່ງຂັນ​ກິລາ​ບານ​ເຕະ 7 ຄົນ ​ແມ່ນ​ກິດຈະກຳ​​ໃຫມ່​ທີ່​ຫາ​ກໍ​ຈັດຕັ້ງຂຶ້ນ ​ເພື່ອ​​ເຮັດໃຫ້​ໄວ​ຫນຸ່ມ​ມີ​ສຸຂະພາບ​ເຂັ້ມ​ແຂງ.

ສຳລັບ​ບໍລິສັດ ຕັນ​ຈົງ ມໍ​ເຕີ ຈຳກັດ ​ແມ່ນ​ຜູ້​ຈຳຫນ່າຍ ພາຫະນະ​ລົດ​ນິສ​ສັນ​ ຜູ້​ດຽວ ໃນ ສປປ ລາວ ມີ​ທຸລະ​ກິດ​ທີ່​ຫລາກ​ຫລາຍ​ເຊັ່ນ : ຈຳຫນ່າຍ​ລົດຍົນ ​ແລະ ຊິ້ນສ່ວນ​ຍານ​ຍົນ​ການ​ພັດທະນາ​ດ້ານ​ອະສັງຫາລິມະ​ຊັບ ​ແລະ ​ໄອ​ທີ, ກົນ​ຈັກ​ຫນັກ, ອຸປະກອນ​ອຸດສາຫະກຳ ລວມ​ເຖິງ​ສິນຄ້າ​ອຸປະ​ໂພ​ກບໍລິ​ໂພ​ໃນ​ປະ​ເທດ​ມາ​ເລ​ເຊຍ​ ລວມທັງ​ປະ​ເທດໄທ, ຫວຽດນາມ, ມຽນມາ, ລາວ ​ແລະ ກຳປູ​ເຈຍ.

ທ່ານ​ສາມາດ​ລົງທະບຽນທີ​ມ​ໄດ້​ແລ້ວ​ທີ່​ຫ້ອງ​ຂາຍ ນິສສັນ ບ້ານ​ຈອມ​ແຈ້ງ ​​ເມືອງ​ສີ​ສັດຕະ​ນາກ ນະຄອນຫລວງ​ວຽງ​ຈັນ ຄ່າ​ລົງທະບຽນ 2.900.000 ກີບ/ທີ​ມ ລາຍ​ລະອຽດ​ຕິດ​ຕໍ່ 020 26617671, 020 56667889.

error: Content is protected !!