ທະນາຄານໂລກ ແລະ AIIB ຈະໃຫ້ກູ້ 500 ລ້ານໂດລາ ໃນແຜນປ້ອງກັນນ້ຳຖ້ວມຟີລິບປິນ

- 1506658820641 960x0 - ທະນາຄານໂລກ ແລະ AIIB ຈະໃຫ້ກູ້ 500 ລ້ານໂດລາ ໃນແຜນປ້ອງກັນນ້ຳຖ້ວມຟີລິບປິນ
- Untitled design - ທະນາຄານໂລກ ແລະ AIIB ຈະໃຫ້ກູ້ 500 ລ້ານໂດລາ ໃນແຜນປ້ອງກັນນ້ຳຖ້ວມຟີລິບປິນ

ທະນາຄານ​ໂລກ ​ແລະ ທະນາຄານ​ເພື່ອ​ການ​ລົງທຶນ​ໂຄງ​ສ້າງ​ພື້ນຖານ​ແຫ່ງ​ອາຊີ (AIIB) ຖະ​ແຫລ​ງ​ໃນ​ວັນ​ທີ 29 ກັນຍາ​ວ່າ: ​ໄດ້​ຕົກລົງ​ຈັດ​ສັນ​ເງິນ 500 ລ້ານ​ໂດ​ລາ​ສະຫະລັດ ​ໃນ​ໂຄງການ​ຄວບ​ຄຸມ​ອຸ​ທົກ​ກະ​ໄພ​ຢູ່​ຟີ​ລິບ​ປິນ.

ສະ​ຖາ​ບັນ​ສອງ​ແຫ່ງ​ອອກ​ຖະ​ແຫລ​ງການ​ຮ່ວມ​ກັນ​ວ່າ: ຈະ​ຈັດ​ສັນ​ເງິນ​ກູ້​ຝ່າຍ​ລະ 207,6 ລ້ານ​ໂດ​ລາ​ສະຫະລັດ ​ແລະ ລັດຖະບານ​ຟີ​ລິບ​ປິນຈັດ​ສັນ​ໃນ​ວົງ​ເງິນ 84,79 ລ້ານ​ໂດ​ລາ​ສະຫະລັດ. ​ໂຄງການ​ປ້ອງ​ກັນນ້ຳຖ້ວມ​ຟີ​ລິບ​ປິນມີ​ແຜນ​ຈະ​ບູລະນະ​ສ້ອມ​ແປງ​ລະບົບ​ການ​ລະບາຍ​ນ້ຳທີ່​ມີ​ອາຍຸ​ການ​ໃຊ້​ເຖິງ 36 ປີ​ໃຫ້​ທັນ​ສະ​ໄໝ​ຂຶ້ນ​ຢູ່​ນະຄອນຫລວງ​ມະນິລາ ​ເຊິ່ງມັກ​ປະສົບ​ບັນຫານ້ຳຖ້ວມ ​ແລະ ຈະ​ກໍ່ສ້າງ​ໃໝ່​ອີກ 20 ​ແຫ່ງ. ທ່ານ ມາຣາ ວໍ​ວິກ ຜູ້​ຈັດການ​ທະນາຄານ​ໂລກ​ປະຈຳ​ບຣູ​ໄນ, ມາ​ເລ​ເຊຍ, ຟີ​ລິບ​ປິນ ​ແລະ ​ໄທ ກ່າວ​ວ່າ: ສະພາບ​ອຸ​ທົກ​ກະ​ໄພຊ້ຳ​ເຮື້ອ​ເປັນ​ບັນຫາ​ຊີວິດ​ສຳລັບ​ປະຊາກອນ​ທຸກ​ຍາກ​ທີ່​ອາ​ໄສ​ຢູ່​ໃນ​ພື້ນທີ່​ຕໍ່າ, ​ແຄມ​ຝັ່ງ​ແມ່ນ້ຳ ​ແລະ ​ໃນ​ພື້ນທີ່​ສ່ຽງ​ອັນຕະລາຍ. ດຣ. ສຸ​ພີ ຕີຣະວາ​ນິນ​ທອນ ຜູ້​ຈັດການ​ໃຫຍ່​ທະນາຄານ AIIB ກ່າວ​ວ່າ: ສະພາບ​ນ້ຳຖ້ວມ​ກະທົບ​ຕໍ່​ການ​ດຳ​ເນີນ​ທຸລະ​ກິດ ​ແລະ ກິດຈະກຳ​ການ​ຄ້າ​ຕ່າງໆ ​ເຮັດ​ໃຫ້​ເກີດ​ຄວາມ​ເສຍ​ຫາຍ​ທາງ​ເສດຖະກິດ​ໂດຍ​ບໍ່​ຈຳ​ເປັນ, ລັດຖະບານ​ຟີ​ລິບ​ປິນມີ​ເປົ້າໝາຍ​ເລີ່​ມ​ເດີນ​ໜ້າ​ໂຄງການ​ປ້ອງ​ກັນນ້ຳຖ້ວມ​ໃນ​ປີ​ນີ້ ​ແລະ ຈະ​ສຳ​ເລັດ​ໃນ​ປີ 2024.

- Wave100S AD to Website 2020 0 - ທະນາຄານໂລກ ແລະ AIIB ຈະໃຫ້ກູ້ 500 ລ້ານໂດລາ ໃນແຜນປ້ອງກັນນ້ຳຖ້ວມຟີລິບປິນ
- WhatsApp Image 2020 05 27 at 5 - ທະນາຄານໂລກ ແລະ AIIB ຈະໃຫ້ກູ້ 500 ລ້ານໂດລາ ໃນແຜນປ້ອງກັນນ້ຳຖ້ວມຟີລິບປິນ
- WhatsApp Image 2020 05 27 at 5 - ທະນາຄານໂລກ ແລະ AIIB ຈະໃຫ້ກູ້ 500 ລ້ານໂດລາ ໃນແຜນປ້ອງກັນນ້ຳຖ້ວມຟີລິບປິນ
error: Alert: ເນື້ອຫາຂ່າວມີລິຂະສິດ !!