ມັນຝຣັ່ງນອກຈາກແຊບແລ້ວຍັງເຮັດໃຫ້ຜິວງາມຂຶ້ນໄດ້

- advert banner 728 90 728x90 - ມັນຝຣັ່ງນອກຈາກແຊບແລ້ວຍັງເຮັດໃຫ້ຜິວງາມຂຶ້ນໄດ້

ມັນຝຣັ່ງອຸດົມໄປດ້ວຍສານອາຫານ ແລະ ແຮ່ທາດທີ່ຈຳເປັນຕໍ່ຮ່າງກາຍຫລາກຫລາຍຊະນິດ ໄດ້ແກ່ : ຄາໂບໄຮເດຣດ, ວິຕາມິນເຊ, ສານຕ້ານອະນຸມູນອິດສະລະທີ່ມີຢູ່ໃນແປ້ງ, ທີ່ຊ່ວຍຫລຸດຮອຍຫ່ຽວຄວາມໝອງຄຳ້ຂອງຜິວໜັງ, ຊ່ວຍເຮັດໃຫ້ຜິວສົດໃສຂຶ້ນ. ນອກຈາກນີ້, ຍັງມີຊັລເຟີ, ໂປຕັສຊຽມ, ໂປຣຕິນ ແລະ ຟົສຟໍ ທີ່ຊ່ວຍເສີມສ້າງພູມຕ້ານທານໃຫ້ແກ່ຮ່າງກາຍ ແລະ ຍັງຊ່ວຍປົກປ້ອງຜິວຈາກລັງສີຢູວີໄດ້ນຳອີກ. ມັນຝຣັ່ງນອກຈາກຈະເອົາມາປຸງແຕ່ງກິນເປັນອາຫານໄດ້ຫລາຍຢ່າງແລ້ວ ທ່ານຮູ້ຫລືບໍ່ວ່າມັນຝຣັ່ງຍັງສາມາດເອົາມາບຳລຸງຜິວໃຫ້ຂາວງາມໄດ້.

- new3 - ມັນຝຣັ່ງນອກຈາກແຊບແລ້ວຍັງເຮັດໃຫ້ຜິວງາມຂຶ້ນໄດ້

– ສູດທີ 1 : ສ່ວນປະສົມມີມັນຝຣັ່ງ 1 ຫົວ, ນົມງົວສົດ 1 ບ່ວງແກງ (ລົດຊາດຈືດ ຫລື ລົດຊາດທຳມະຊາດ ແລະ ຄວນເປັນແບບພ່ອງມັນເນີຍ).

ວິທີເຮັດແມ່ນເອົາມັນຝຣັ່ງມາລ້າງໃຫ້ສະອາດ ເອົາໄປຕົ້ມໃຫ້ສຸກໂດຍບໍ່ຕ້ອງປອກເປືອກ ເພື່ອຮັກສາວິຕາມິນເຊບໍ່ໃຫ້ຖືກທຳ ລາຍ. ຈາກນັ້ນເອົາໄປບົດປະສົມກັບນົມສົດ ຄົນໃຫ້ເຂົ້າກັນຈົນເປັນເນື້ອຄຣີມ ແລ້ວເອົາມາທາໃຫ້ທົ່ວໃບໜ້າ ຍົກເວັ້ນບໍລິເວນອ້ອມຮອບດວງຕາ ແລະ ຮີມສົບ ໂດຍໃນລະຫ່ວາງການທາໃຫ້ໃຊ້ນິ້ວມືນວດຄ່ອຍໆເປັນວົງມົນໃຫ້ທົ່ວໃບໜ້າເພື່ອໃຫ້ເນື້ອຄຣີມຊຶມເຂົ້າສູ່ໃບໜ້າໄດ້ດີຍິ່ງຂຶ້ນ ແລ້ວໆໃຫ້ປະໄວ້ປະມານ 30 ນາທີ ແລ້ວລ້າງອອກໃຫ້ສະອາດ ຄວນເຮັດອາທິດລະ 2 – 3 ເທື່ອ ຜົນທີ່ໄດ້ແມ່ນຈະຊ່ວຍໃຫ້ຜິວຂາວສົດໃສ ເຊິ່ງສູດນີ້ເໝາະສຳລັບຜູ້ທີ່ມີໃບໜ້າໝອງຄຳ້, ມີຝ້າມີເມັນ ແລະ ຈຸດດ່າງດຳເທິງໃບໜ້າ ລວມໄປເຖິງຮອຍດຳທີ່ເກີດຈາກສິວ ເມື່ອເຮັດເປັນປະຈຳຈະສັງເກດໄດ້ວ່າຜິວໜ້າຄ່ອຍໆຂາວຂຶ້ນຢ່າງເປັນທຳມະຊາດ ຮອຍດຳຮອຍດ່າງຈະຄ່ອຍໆຈາງລົງ ແລະ ຍັງຊ່ວຍຫລຸດຄວາມມັນເທິງໃບໜ້າໄດ້ນຳ.

- lattana 1 - ມັນຝຣັ່ງນອກຈາກແຊບແລ້ວຍັງເຮັດໃຫ້ຜິວງາມຂຶ້ນໄດ້

– ສູດທີ 2 : ມັນຝຣັ່ງດິບ 1 ຫົວ ສາມາດເອົາມາປິ່ນປົວສິວໄດ້ ແລະ ເປັນການປິ່ນປົວແບບທຳມະຊາດ ທີ່ໃຊ້ໄດ້ຜົນດີກັບສິວຫົວຂາວ. ວິທີເຮັດແມ່ນເອົາມັນຝຣັ່ງມາລ້າງໃຫ້ສະອາດ ປອກເປືອກແລ້ວຊອຍເປັນຕ່ອນນ້ອຍໆກ່ອນເອົາມາບົດ ຈາກນັ້ນເອົາມາພອກໃຫ້ທົ່ວໃບໜ້າປະໄວ້ 20 ນາທີຈຶ່ງລ້າງອອກ ຫລື ອີກວິທີແມ່ນເອົາມັນຝຣັ່ງມາລ້າງໃຫ້ສະອາດ ປອກເປືອກແລ້ວຝານເປັນແຜ່ນບາງໆເອົາມາຖູໃສ່ທົ່ວໃບໜ້າ ເປັນການຜັດແຊນຜິວເກົ່າທີ່ຕາຍແລ້ວໃຫ້ຫລຸດອອກ ກະຕຸ້ນໃຫ້ເກີດແຊນຜິວໃໝ່ ຊ່ວຍໃຫ້ຜິວສົດໃສ ເນື່ອງຈາກໃນມັນຝຣັ່ງດິບຈະມີສານຊັລເຟີ, ໂປຕັສຊຽມ, ຟົສຟໍ ແລະ ໂປຣຕິນ. ວິຕາມິນເຊທີ່ຢູ່ໃນແປ້ງ ແລະ ມີເອັນໄຊເປັນແຫ່ລງອາຫານຜິວທີ່ດີສຸດ. ນອກຈາກນີ້, ຈະຊ່ວຍປ້ອງກັນບໍ່ໃຫ້ເກີດສິວຫົວຂາວ ແລະ ສິວຫົວດຳ ແລະ ຊ່ວຍເຮັດໃຫ້ສິວຫົວຂາວຍຸບ ແລະ ແຫ້ງໄວຂຶ້ນ.

– ສູດທີ 3 : ມັນຝຣັ່ງຕົ້ມສຸກ 1 ຫົວ, ໄຂ່ແດງ 1 ໜ່ວຍ, ໂຢເກິດລົດຊາດທຳມະຊາດ 1 ບ່ວງແກງ. ວິທີເຮັດແມ່ນເອົາມັນຝຣັ່ງມາລ້າງໃຫ້ສະອາດ ເອົາໄປຕົ້ມສຸກແບບບໍ່ຕ້ອງປອກເປືອກເພື່ອຮັກສາວິຕາມິນເຊບໍ່ໃຫ້ຖືກທຳລາຍ ຈາກນັ້ນເອົາມາບົດປະສົມກັບໄຂ່ແດງ ແລະ ນົມສົດ ຈຶ່ງເອົາມາທາໃຫ້ທົ່ວໃບໜ້າ ຍົກເວັ້ນບໍລິເວນອ້ອມຮອບດວງຕາ ນວດຄ່ອຍໆເປັນວົງມົນ ພອກປະໄວ້ 30 ນາທີ ຈຶ່ງລ້າງອອກ ເຮັດເປັນປະຈຳອາທິດລະ 2 ເທື່ອ ຈະເຮັດໃຫ້ຜິວນຸ້ມຊຸ່ມຊື່ນຂຶ້ນໄດ້ ເໝາະສົມກັບຄົນທີ່ມີຜີວຫຍາບ ແລະ ແຫ້ງ.

error: Content is protected !!