ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ

- PM Thongloun -  ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ
- Untitled design -  ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ

- PM Thongloun -  ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ          ວັນ​ທີ 29 ກັນຍາ​ນີ້, ທີ່​ສຳນັກງານ​ນາຍົກລັດຖະມົນ​ຕີ, ທ່ານ ທອງ​ລຸນ ສີ​ສຸ​ລິດ ນາຍົກ​ລັດຖະມົນຕີ ​ແຫ່ງ ສປປ ລາວ ​ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ຂໍ່ານັບ​ຂອງ​ທ່ານ Wilbur Ross ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ ພ້ອມ​ຄະນະ, ​ໃນ​ໂອກາດ​​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ.

​ໃນ​ໂອກາດ​ນີ້, ທ່ານ ທອງ​ລຸນ ສີ​ສຸ​ລິດ ​ໄດ້​ສະ​ແດງ​ຄວາມ​ຍິນ​ດີ​ຕ້ອນ​ຮ້ັບ ​ແລະ ຕີ​ລາຄາ​ສູງ​ຕໍ່​ການ​ມາ​ຢ້ຽມຢາມ​ເຮັດ​ວຽກ​ຢູ່ ສປປ ລາວ ຂອງ​ທ່ານ​ລັດຖະມົນຕີ​ກະຊວງ​ການ​ຄ້າ ອ​າ​ເມລິ​ການ ພ້ອມ​ດ້ວຍ​ຄະນະ ​ໃນ​ຄັ້ງ​ນີ້​ອັນ​ເປັນ​ການ​ເສີມ​ຂະຫຍາຍ​ການ​ພົວພັນ​ຮ່ວມ​ມື​ທີ່ດີ​ຂອງ​ສອງ​ປະ​ເທດ ລະຫວ່າງ ສປປ ລາວ-ອາ​ເມ​ລິ​ກາ ​ໃຫ້​ມີ​ໝາກ​ມີ​ຜົນ ​ແລະ ປະສິດທິພາບ​ສູງ​ຂຶ້ນ, ​ໂດຍ​ສະ​ເພາະ​ເປັນ​ການ​ຜັນ​ຂະຫຍາຍ​ຜົນ​ຂອງ​ການ​ເດີນທາງ​ມາ​ເຄື່ອນ​ໄຫວ​ຢ້ຽມ​ຢາມ​ຂອງ​ອະດີດ​ປະທານາທິບໍດີ ບາ​ລັກ ​ໂອ​ບາ​ມາ ​ໃນ​ປີ 2016ຜ່ານ​ມາ, ຊຶ່ງ​ໄດ້​ເປັນ​ຂີດ​ໝາຍ​ອັນ​ດີ​ໃນ​ການ​ພົວພັນ​ຮ່ວມ​ມື ລະຫວ່າງ ລາວ-​ອາ​ເມ​ລິ​ກາ ​ແລະ ​ໄດ້​ມີ​ຖະ​ແຫລ​ງການ​ຮ່ວມ​ທີ່​ມີ​ເຈດ​ຈຳນົງ ກ່ຽວ​ກັບ​ການ​ຍົກ​ລະດັບ​ເປັນ​ຄູ່​ຮ່ວມ​ມື​ແບບ​ກວມ​ລວມ. ທ່ານ​ນາຍົກລັດຖະມົນຕີ ​ໄດ້​ສະ​ແດງ​ຄວາມ​ຂອບ​ໃຈ​ມາ​ຍັງ​ລັດຖະບານ​ອາ​ເມ​ລິ​ກາ ທີ່​ໄດ້​ໃຫ້ການ​ຊຸກຍູ້​ຊ່ວ​ຍ​ເຫລືອ ສປປ ລາວ ​ໃນ​ໄລຍະ​ຜ່ານ​ມາ ​ເປັນ​ຕົ້ນ ການ​ຊ່ວຍ​​ເຫລືອ​ທາງ​ດ້ານ​ວິຊາ​ການ, ການ​ສະໜັບ​ສະ​ໜູນ ສປປ ລາວ ​ເພື່ອ​ເຂົ້າ​ເປັນ​ສະມາຊິກ​ອົງການ​ການ​ຄ້າ​ໂລກ, ການ​ໃຫ້​ທຶນ​ຊ່ວຍ​ເຫລືອ​ເພື່ອ​ເກັບ​ກູ້​ລະ​ເບີດ​ບໍ່​ທັນ​ແຕກ ​ແລະ ອື່ນໆ, ພ້ອມ​ດຽວ​ກັນ​ນີ້ ທ່ານ​ນາຍົກລັດຖະມົນ​ຕີ ຍັງ​ໄດ້​ແຈ້ງ​ສະພາບ​ການ​ພັດທະນາ​ເສດຖະກິດ-ສັງຄົມ​ຂອງ ສປປ ລາວ ​ໃນ​ໄລຍະ​ຜ່ານ​ມາ ​ໃຫ້​ທ່ານ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ ​ໄດ້​ຮັບ​ຊາບ ​ໂດຍ​ສະ​ເພາະ​ການ​ປັບປຸງ​ກົດໝາຍ​ວ່າ​ດ້ວຍ​ການ​ສົ່ງ​ເສີມ​ການ​ລົງທຶນ, ການ​ບໍລິການ, ການ​ລົງທຶນ​ຜ່ານ​ປະຕູ​ດຽວ, ພ້ອມ​ທັງ ສະ​ເໜີ​ມາ​ຍັງ​ລັດຖະບານ​ສະຫະລັດ​ອາ​​ເມ​ລິ​ກາ ຈົ່ງ​ສືບ​ຕໍ່​ໃຫ້ການ​ຮ່ວມ​ມື ​ແລະ ຊຸກຍູ້​ຊ່ວຍ​ເຫລືອ ສປປ ລາວ ຕໍ່​ໄປ​ໂດຍ​ສະ​ເພາະ​ແມ່ນ​ການ​ເພີ່ມ​ບໍລິ​ມາດ​ການ​ຄ້າ​ຂອງ​ສອງ​ປະ​ເທດ​ໃຫ້​ມີ​ປະລິມານ​ສູງ​ຂຶ້ນ.

​ໃນ​​ໂອກາດ​ດຽວ​ກັນ, ທ່ານ Wilbur Ross ກໍ​ໄດ້​ສະ​ແດງ​ຄວາມ​ຂອບ​ໃຈ​ເປັນ​ຢ່າງ​ສູງມາ​ຍັງ​ທ່ານ​ນາຍົກລັດ​ຖຸະມົນຕີ ທອງ​ລຸນ ສີ​ສຸ​ລິດ ທີ່​ໄດ້​ສະຫລະ​ເວລາ​ອັນ​ມີຄ່າໃຫ້ການ​ຕ້ອນຮັບ​ຢ່າງ​ອົບ​ອຸ່ນ​ໃນ​ຄັ້ງ​ນີ້ ​ແລະ ຂໍ​ຂອບ​ໃຈ​ມາ​ຍັງ​ລັດຖະບານ​ລາວທີ່​ໄດ້​ໃຫ້ການ​ສະໜັບສະໜູນ, ອຳນວຍ​ຄວາມ​ສະດວກ​ໃຫ້​ແກ່​ນັກ​ລົງທຶນ​ຂອງ​ອາ​ເມ​ລິ​ກາໃນ​ໄລຍະ​ທີ່​ຜ່ານມາ.

 

- Wave100S AD to Website 2020 0 -  ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ
- WhatsApp Image 2020 05 27 at 5 -  ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ
- WhatsApp Image 2020 05 27 at 5 -  ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕ້ອນຮັບ​ລັດຖະມົນຕີ​ກະຊວງ​ການ​ຄ້າ ສະຫະລັດ​ອາ​ເມ​ລິ​ກາ
error: Alert: ເນື້ອຫາຂ່າວມີລິຂະສິດ !!